فەودالدىق جەر ءتۇزىمى كۇشىنەن قالدىرىلدى (ايبىندى 70 جىل، كۇرەسكە تولى جاڭا ءداۋىر – جاڭا جۇڭگونىڭ شۇعىلالى ساتتەرى)
2019.09.05 14:16 كەلۋ قاينارى : حالىق تورابى
1950 - جىلى 6 - ايدا ورتالىق حالىق ۇكىمەتى كوميتەتى «جۇڭحۋا حالىق رەسپۋبليكاسىنىڭ جەر رەفورماسى زاڭىن» ماقۇلدادى. بۇل زاڭ جۇڭگو كوممۋنيستىك پارتياسىنىڭ جەر رەفورماسىنا باسشىلىق ەتۋدەگى بۇرىنعى تاريحي تاجىريبەلەردى قورىتىندىلاپ، جاڭا جۇڭگو قۇرىلعاننان كەيىنگى جاڭا جاعدايعا ۇيلەسىپ، جاڭا ازات رايونداردىڭ جەر رەفورماسىنا جەتەكشىلىك ەتۋدەگى نەگىزگى زاڭدىق نەگىز بولدى.
جەر رەفورماسىنىڭ نەگىزگى ماقساتى − جەر يەلەرى تابىنىڭ فەودالدىق قاناۋ جۇرگىزەتىن جەر مەنشىگى ءتۇزىمىن كۇشىنەن قالدىرۋ، ەگىنشىلەردىڭ جەر مەنشىگى ءتۇزىمىن جۇزەگە اسىرۋ، وندىرگىش كۇشتەردى ازات ەتۋ، اۋىل شارۋاشىلىق ءوندىرىسىن دامىتۋ، جاڭا جۇڭگونىڭ ونەركاسىپتەنۋىنە نەگىز قالاۋ. جەر رەفورماسىنىڭ باس لۋشيانى − كەدەي ەگىنشىلەرگە، جالدانبا ەگىنشىلەرگە سۇيەنۋ، ورتا ەگىنشىلەرمەن ىنتىماقتاسۋ، باي ەگىنشىلەردى بەيتاراپ قالدىرۋ، فەودالدىق قاناۋ ءتۇزىمىن ساتىلى، پارىقتى جويۋ، اۋىل شارۋاشىلىق ءوندىرىسىن دامىتۋ.
جاڭا جۇڭگو قۇرىلۋدان بۇرىن ازات رايوندار مەرزىمگە، توپقا ءبولىپ جەر رەفورماسىن ۇيىمداستىردى. جەر رەفورماسى زاڭىنىڭ دۇرىس اتقارىلۋىنا كەپىلدىك ەتۋ ءۇشىن، ورتالىقتان تارتىپ جەرگىلىكتى ورىندارعا دەيىن قىرۋار كادر جىبەرىلىپ، جەر رەفورماسى قىزمەت دۇيلەرى ۇيىمداستىرىلدى. 1950 - جىلى قىستان باستاپ تاريحتا بۇرىن بولىپ كورمەگەن كولەمدى جەر رەفورماسى قوزعالىسى جاڭا ازات رايونداردا مەڭگەرىلمەلى، ساتىلى ورىستەتىلدى.
جەر رەفورماسىنان كەيىن اۋىل - قىستاقتىڭ بەت - بەينەسى شىت جاڭا تۇسكە ەندى. 1952 - جىلدىڭ سوڭىنا كەلگەندە، بۇكىل ەل بويىنشا ءبىر ءبولىم از ۇلت رايوندارى مەن تايۋان ولكەسىنەن سىرت، كەڭ - بايتاق جاڭا ازات رايوندارداعى جەر رەفورماسى نەگىزىنەن ورىندالدى. بۇكىل ەل بويىنشا 300 ميلليوننان استام جەرى جوق، جەرى از ەگىنشىلەر (بايىرعى ازات رايوندارداعى ەگىنشىلەردى دە قامتيدى) شامامەن 700 ميلليون مۋ جەر جانە قىرۋار ءوندىرىس قۇرال - جابدىعىن اقىسىز الىپ، وتكەندە جەر يەلەرىنە جىلىنا شامامەن 30 ميلليون توننا استىق تاپسىراتىن اۋىر جەر مايى كەشىرىم ەتىلدى.
جەر رەفورماسىنىڭ ورىندالۋى جەر يەلەرى تابىنىڭ فەودالدىق قاناۋ جۇرگىزەتىن جەر مەنشىگى ءتۇزىمىن جويىپ، جۇڭگونىڭ فەودالدىق ءتۇزىمىنىڭ نەگىزىن تۇبىرىنەن الاستاپ، اۋىل - قىستاق وندىرگىش كۇشتەرىن ازات ەتىپ، ەگىنشىلەردىڭ ءوندىرىس بەلسەندىلىگىن جوعارىلاتىپ، اۋىل شارۋاشىلىعىن تەز قالپىنا كەلتىردى جانە دامىتتى. بۇل − تاياۋ زاماننان بەرگى جۇڭگو حالقىنىڭ فەوداليزمگە قارسى كۇرەسىنىڭ تاريحي جەڭىسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
