حالىقارالىق ساحناعا شىقتى (ايبىندى 70 جىل، كۇرەسكە تولى جاڭا ءداۋىر − جاڭا جۇڭگونىڭ شۇعىلالى ساتتەرى)
2019.09.11 16:06 كەلۋ قاينارى : حالىق تورابى
جاڭا جۇڭگو قۇرىلعان العاشقى مەزگىلدە ماۋ زىدۇڭ «ءۇيدى تازالاپ، قوناق شاقىرۋ» سىندى ديپلوماتيالىق باعىتتى العا قويىپ، قورلاۋ ديپلوماتياسىنان قۇتىلۋ بەكىمى مەن ديپلوماتيالىق قىزمەتتى ورىستەتۋدىڭ نەگىزگى جوباسىن بەينەلەدى. چاۋشيان سوعىسى توقتاعاننان كەيىن حالىقارالىق جاعداي باسەڭدەدى، جاڭا جۇڭگونىڭ حالىقارالىق بەدەلى بىرتىندەپ جوعارىلادى. جۇڭگو ۇكىمەتى ۋاكىلدەر ۇيىرمەسى جەنەۆا ءماجىلىسى مەن باندۇڭ ماجىلىسىنە ىلگەرىندى - كەيىندى قاتىناستى، بۇل جاڭا جۇڭگونىڭ حالىقارالىق ساحناعا شىعۋىنىڭ تابىستى امالياتى بولدى.
1954 - جىلى 4 - ايدان 7 - ايعا دەيىن جوۋ ىنلاي ۇيىرمە باستاپ جەنەۆا ماجىلىسىنە قاتىناستى. بۇل − جاڭا جۇڭگونىڭ تۇڭعىش رەت بەس ءىرى ەلدىڭ ءبىرى رەتىندە حالىقارالىق ماجىلىسكە قاتىناسۋى. جوۋ ىنلاي جان - جاقتى كۇش سالۋ ارقىلى «جەنەۆا ءماجىلىسىنىڭ ەڭ سوڭعى جارناماسىنا» قول قويدى، يندۋ - چيندە بەيبىتشىلىك نەگىزىنەن قالپىنا كەلدى. ءماجىلىس الاڭىنان سىرت، جوۋ ىنلاي بارلىق ورايدان پايدالانىپ ءار ەل ۋاكىلدەر ۇيىرمەسىمەن جانە ءار سالاداعى قايراتكەرلەرمەن بارىس - كەلىس جاسادى، ونىڭ ادال، بۇكپەسىز، پاراساتتى، اشىق - جارقىن جەكەلىك باۋراۋ قۋاتى وزگەلەرگە، اسىرەسە جاڭا جۇڭگومەن ارالاسپاعان، اۋەلدەن كۇدىك – كۇماندا بولىپ كەلگەن ادامدارعا تەرەڭ اسەر قالدىردى.
ءماجىلىس كەزىندە جوۋ ىنلاي ينديا مەن بيرماعا ساپارلاي بارىپ، ەكى ەلدىڭ زۇڭليلەرىمەن جەكە - جەكە بىرلەسكەن مالىمدەمە جاريالاپ، بەيبىت قاتار تۇرۋدىڭ بەس پرينسيبىن دارىپتەدى. ونىڭ نەگىزگى مازمۇنى: ءبىر - ءبىرىنىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋ، ءبىر - بىرىنە سۇعاناقتىق جاساماۋ، ءبىر - ءبىرىنىڭ ىشكى ىسىنە كيلىكپەۋ، تەڭدىك، ءوزارا تيىمدىلىك، بەيبىت قاتار تۇرۋ. بۇل بىرتە - بىرتە حالىقارالىق قاتىناستاردى شەشۋدىڭ جالپىعا بىردەي ولشەمىنە اينالدى.
1955 - جىلى 4 - ايدا جوۋ ىنلاي تاعى دا ۇيىرمە باستاپ يندونەزيانىڭ باندۇڭ قالاسىندا اشىلعان ازيا - افريكا ماجىلىسىنە قاتىناستى. ماجىلىسكە قاتىناسقان كەيبىر مەملەكەتتەردىڭ باسشىلارى جاڭا جۇڭگونى تۇسىنبەگەندىكتەن، سوزدەرىندە كوممۋنيزمدى سىندادى جانە وعان شابۋىل جاسادى. وسى جونىندە جوۋ ىنلاي سوزىندە بىلاي دەپ ايقىن اتاپ كورسەتتى: «جۇڭگو ۋاكىلدەر ۇيىرمەسى ۇرىسۋ ءۇشىن ەمەس، ىنتىماقتاسۋ ءۇشىن كەلگەن»، «جۇڭگو ۋاكىلدەر ۇيىرمەسى پارىقتاردى تابۋ ءۇشىن ەمەس، ۇقساستىقتى دارىپتەۋ ءۇشىن كەلگەن». ءماجىلىستىڭ شيەلەنىستى جاعدايى جوۋ ىنلايدىڭ سوزىنەن كەيىن وزگەردى. ءماجىلىس سوڭىندا «ازيا - افريكا ەلدەرى كەڭەسىنىڭ ەڭ سوڭعى مازمۇنداماسىنا» كەلىسىپ، دۇنيە ءجۇزىنىڭ بەيبىتشىلىگى مەن ىستەستىگىن جەبەۋ جونىندەگى ون ءتۇرلى پرينسيپتى العا قويدى، بۇل ءىس جۇزىندە بەيبىت قاتار تۇرۋ بەس پرينسيبىنىڭ ىشكەرىلەي ايگىلەنۋى جانە العا قويىلۋى بولىپ تابىلادى.
باندۇڭ ماجىلىسىندە بەينەلەنگەن ىنتىماق، دوستىق، سەلبەستىك سىندى «باندۇڭ رۋحى» ازيا مەن افريكاداعى ءار ەل حالىقتارىنىڭ بەيبىت قاتار تۇرۋ، وتارشىلدىققا قارسى تۇرۋ تاريحىنىڭ تىڭ بەتىن اشتى، سونداي - اق جاڭا جۇڭگونىڭ حالىقارالىق دوستارىن اناعۇرلىم كوبەيتتى.
(شينحۋا اگەنتتىگى، 9 - ايدىڭ 10 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
