كوك اسپان، جاسىل شالعىنمەن كومكەرىلگەن كورىكتى جۇڭگو
ليۋ ي
2019.09.19 13:36 كەلۋ قاينارى : حالىق تورابى
استانامىز بەيجيڭدە اشىلىپ جاتقان الەمدىك باۋ – باقشا كورمەسىنىڭ كوز سۇرىندىرگەن كوركى دۇنيە جۇزىنە «جاسىل تۇرمىس، كورىكتى مەكەن» تانىمىن ايگىلەدى. شىعىس سولتۇستىكتەگى ورماندى وڭىردەگى ۇزاقتان – ۇزاققا سوزىلعان جىنىس ورماندى كورگەندە تازا اۋامەن تەرەڭ تىنىستاعىڭىز كەلەدى. سانجياڭيۋان وڭىرىندەگى تۇنىق سۋ مەن جاسىل تاۋ جالىندى تىرشىلىك تىنىسىن ايگىلەيدى، «جۇڭحۋانىڭ سۋ قاينارىنان» باستاۋ العان تۇنىق سۋ شىعىسقا قاراي جوڭكىلە اعادى. شار – تاراپتان كەلگەن ساياحاتشىلار حاينان ارالىنداعى كوك تەڭىز بەن كۇمىستەي قايراڭ، كوكوس اعاشى بۇرالا بيگە باسقان تابيعي كورىنىستى قيماي قالادى ...
«بۇل ءبىزدىڭ كورىكتى وتانىمىز، مەنىڭ تۋىپ – وسكەن جەرىم. وسىناۋ كەڭ – بايتاق القاپتىڭ بارلىق جەرىنىڭ كورىنىسى اسەم». بۇگىنگى جۇڭحۋانىڭ الىپ توپىراعىندا، جاسىل دامۋدىڭ قادامى تەزدەپ، ەكولوگيالىق وركەنيەت قۇرىلىسى جەدەل دامۋدىڭ داڭعىلىنا ءتۇستى، اشىق اسپان بارعان سايىن كوك تۇسكە بولەنىپ، اسقار تاۋلار جاسىل مانات جامىلدى، سالالى سۋلار بارعان سايىن تۇنىدى.
جاڭا جۇڭگو قۇرىلعان 70 جىلدان بەرى، ساپالى ەكولوگيالىق ونىمدەردىڭ جۇرتتىڭ تاماشا تۇرمىسىنداعى ماڭىزدىلىعى بارعان سايىن جوعارىلاپ، بۇكىل قوعامنىڭ ەكولوگيالىق ورتانى قورعاۋ تانىمى بارعان سايىن تەرەڭدەپ، ەكولوگيالىق وركەنيەت قۇرىلىسىنىڭ ستراتەگيالىق ورنى بارعان سايىن جوعارىلادى. وتە – موتە، پارتيا 18 – قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىرتۇتاس ىلگەرىلەتۋ مەن «ءتورتتى جالپى بەتتىك ورىنداۋ» ستراتەگيالىق ورنالاستىرۋىن سايكەستىرە ىلگەرىلەتۋدىڭ ماڭىزدى مازمۇنى ەتىپ، ءبىرقىدىرۋ ءتۇبىرلى، نەگىز قالاۋ سيپاتىندىق، ۇزاق مەرزىمدىك قىزمەتتەردى قانات جايدىرىپ، ءبىرقىدىرۋ جاڭا تانىمدار مەن جاڭا يدەيالاردى، جاڭا ستراتەگيالاردى ورتاعا قويىپ، شي جينپيڭ ەكولوگيالىق وركەنيەت يدەياسىن قالىپتاستىرىپ، ەكولوگيالىق ورتانى قورعاۋ جانە دامىتۋدا تاريحي سيپاتتى، بۇرىلىس سيپاتتى، جالپى تۇلعالىق سيپاتتى وزگەرىستەردى ىلگەرىلەتتى.
70 جىلدان بەرى، ەكولوگيالىق ورتانى قورعاۋ ىستەرى ورنىقتى ىلگەرىلەپ، ەكولوگيالىق وركەنيەت قۇرىلىسى جاڭا ورەگە قادام تاستاپ، مەكەنىمىز بارعان سايىن كوركەيە ءتۇستى.
1956 – جىلى گۋاڭدۇڭ ديڭحۋ تاۋىندا تۇڭعىش رەت تابيعي قورىق رايونى قۇرىلعاننان تارتىپ، بۇكىل حالىقتىق مىندەتتى اعاش ەگۋ قيمىلى ورىستەتىلگەنگە دەيىن، ونان تابيعي ورماندى قورعاۋ، ەگىستىككە اينالعان ورماندى، جايىلىمدى قالپىنا كەلتىرۋ سىندى ءىرى ينجەنەريالار اتقارىلعانعا دەيىن، مەملەكەتتىڭ ەكولوگيالىق حاۋىپسىزدىك قالتقىسى بارعان سايىن بەكەمدەلدى. جاڭا داۋىرگە قادام تاستاعان ساتتە، ەلىمىز قورعاۋدى ءبىرىنشى ورىنعا قويۋ، تابيعي تۇردە قالپىنا كەلتىرۋدى نەگىز ەتۋ باعدارىندا تاباندى بولىپ، تاۋ، سۋ، ورمان، ەگىستىك، كول، جايىلىم ەكولوگياسىن قورعاۋ مەن قالپىنا كەلتىرۋ ينجەنەرياسىن اتقارىپ، مەملەكەت تەرريتورياسىن جاسىلداندىرۋدىڭ كولەمدى ارەكەتىن ورىستەتىپ، ەكولوگيالىق ورتانى قورعاۋدىڭ قىزىل سىزىعىن سىزىپ، مەملەكەتتىك ورمان ءتۇزىلىسى سىناق ءتۇيىنىن ىلگەرىلەتتى. قازىر بۇكىل ەلىمىزدەگى ءتۇرلى تابيعي قورىق رايوندارىنىڭ سانى 2750 بولىپ، قۇرلىقتاعى تابيعي قورىق رايوندارىنىڭ كولەمى ءبىر ميلليون 700 مىڭ شارشى كيلومەتردەن استى.
70 جىلدان بەرى، جونگە سالۋ پارمەنى ۇزدىكسىز كۇشەيىپ، قورشاعان ورتا ساپاسى جەدەل جاقساردى.
1973 – جىلى قورشاعان ورتانى قورعاۋعا قاتىستى مەملەكەتتىك ءبىرىنشى رەتكى ءماجىلىس اشىلىپ، ەلىمىزدىڭ وسىزامانعى قورشاعان ورتانى قورعاۋ ىستەرىنىڭ شىمىلدىعىن اشتى. الدىڭعى عاسىردىڭ 80 – جىلدارىندا قورشاعان ورتانى قورعاۋ مەملەكەتتىڭ نەگىزگى ساياساتى بولىپ بەكىتىلدى. 90 – جىلداردا باياندى دامۋ ستراتەگياسى مەملەكەتتىك ستراتەگيا بولىپ بەكىتىلدى. جاڭا داۋىرگە قادام تاستاعان ساتتە، ەلىمىز لاستانۋدان ساقتانۋ جانە ونى جونگە سالۋدا قامال الۋ شايقاسىن ءۇش ءىرى قامال الۋ شايقاسىنىڭ ءبىرى رەتىندە جاپپاي ىلگەرىلەتىپ، دۇنيە جۇزىندەگى PM2.5دى (ۇساق تۇيىرشىكتەر) ءبىرىنشى رەت كەڭ كولەمدە جونگە سالعان دامۋ ۇستىندەگى ەل بولىپ، دۇنيە جۇزىندەگى ەڭ ءىرى لاس سۋدى ءبىرجاقتى ەتۋ قۋاتىن قالىپتاستىردى.
70 جىلدان بەرى، زاڭ – ءتۇزىم ۇزدىكسىز كەمەلدەنىپ، قورشاعان ورتانى قورعاۋ ىستەرى بۇلجىماس مىندەتكە اينالدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
