جۇڭگونىڭ سالاماتتىق ىستەرى تابىستى بولدى
باي جيانفىڭ
2019.09.23 15:03 كەلۋ قاينارى : حالىق تورابى
سالاماتتىق — باقىتتىڭ قاينارى، قۇدىرەتتى مەملەكەت بولۋدىڭ نەگىزى. 70 جىلدان بەرى، جۇڭگو حالقى دەنساۋلىق ساقتاۋ مەن سالاماتتىق سالاسىنداعى «جۇڭگو حيكىمەتىن» جاراتتى.
70 جىلدىڭ الدىندا، كونە جۇڭگودا جۇقپالى اۋرۋ دەندەپ، حالىقتىڭ دەنساۋلىق ساپاسى جاپپاي ناشار بولدى، باتىس ەلدەرى «شىعىس ازيا دىمكاستارى» دەپ كەلەكەلەيتىن. بۇگىنگى تاڭدا، ەلىمىز حالقىنىڭ دەنساۋلىق ورەسى كورنەكتى جوعارىلادى، نەگىزگى دەنساۋلىق كورسەتكىشتەرى ورتا، جوعارى كىرىستەگى ەلدەردىڭ ورتاشا ورەسىنەن جوعارى تۇرادى، ادامداردىڭ مەجەلى عۇمىرى ورتا ەسەپپەن جاڭا جۇڭگو قۇرىلاردان بۇرىنعى 35 جاستان قازىر 77 جاسقا جوعارىلادى. جۇڭگونىڭ الەۋمەتتىك دەنساۋلىق ساقتاۋ جاعىنداعى جالپى قۋاتى، دەنساۋلىق ساقتاۋ جاعىنداعى قىزمەت وتەۋ مەن قامتاماسىزداندىرۋ قۋاتى ۇزدىكسىز جوعارىلادى، بۇكىل حالىقتىڭ دەنساۋلىق ساپاسى، اقاۋسىزدىق دەڭگەيى ۇزدىكسىز كۇشەيىپ، دۇنيە جۇزىلىك دەنساۋلىق ساقتاۋ ۇيىمى «دامۋ ۇستىندەگى ەلدەردىڭ ۇلگىسى» دەپ القادى.
جاڭا جۇڭگو قۇرىلعاننان كەيىن، ايەلدەر مەن بالالاردىڭ دەنساۋلىق ورەسى ورنىقتى تۇردە جوعارىلادى. 2018 – جىلى بۇكىل ەلىمىز بويىنشا جۇكتى ايەلدەردىڭ قازا بولۋ مولشەرى 100 مىڭ / 18.3 دەڭگەيىنە تومەندەدى، نارەستەلەردىڭ شەتىنەۋ مولشەرى ‰6.1گە تومەندەدى، بۇل ورتا، جوعارى كىرىستەگى ەلدەردىڭ ورتاشا ورەسىنەن جوعارى. ەمحانادا بوسانۋ مولشەرى %99تەن اسىپ، قالا مەن اۋىل اراسىنداعى پارىق كورنەكتى ازايدى، تۋىت ءبولىمىنىڭ قىزمەت وتەۋ قۋاتى ۇزدىكسىز جوعارىلاپ، جۇكتى ايەلدەرگە بوسانۋ بارىسىندا قىزمەت وتەۋ جاعدايى بارعان سايىن جاقساردى.
جاڭا جۇڭگو قۇرىلعان العاشقى مەزگىلدە، پارازيت اۋرۋى، قاتەرلى جۇقپالى اۋرۋى، جەرگىلىكتى اۋرۋ قاتارلىلار حالىقتىڭ دەنساۋلىعىنا اۋىر حاۋىپ ءتوندىردى. 70 جىلدان بەرى، ەلىمىز وتانشىلدىق تازالىق قوزعالىسىن كۇش سالا قانات جايدىرىپ، مەملەكەتتىك دەڭگەيدەگى يممۋنيتەت جوسپارىن اتقارىپ، شەشەك، قىلقۇرت، سوقىرلىققا اپارىپ سوعاتىن تراحوما اۋرۋولارىن ءساتتى جويدى، جۇقپالى اۋرۋلاردىڭ تارالۋى مەن جايىلۋىن ءونىمدى تىزگىندەدى، جۇلىن سۇر زاتىنىڭ قابىنۋى اۋرۋىن بولدىرماۋ نىساناسىن ىسكە اسىردى، جەرگىلىكتى اۋرۋلاردىڭ اۋىر دارەجەدە تارالۋ جاعدايى ءونىمدى تۇردە تىزگىندەلدى.
جاڭا جۇڭگو قۇرىلعاننان كەيىن، ەلىمىزدىڭ اۋدان، اۋىل، قىستاق سىندى ءۇش دارەجەلى ەمدەۋ جۇيەسى، اۋىل – قىستاق سەلبەسىپ ەمدەلۋ ءتۇزىمى دۇنيە جۇزىلىك دەنساۋلىق ساقتاۋ ۇيىمىنىڭ قۇپتاۋىنا يە بولدى. 2009 – جىلى ەلىمىز مەديتسينا تۇزىلىسىنە جاڭا كەزەكتى رەفورما جۇرگىزۋدى باستاپ، دۇنيە جۇزىلىك قيىن ماسەلەنى جۇڭگوشا تاسىلمەن شەشتى، جۇرتشىلىقتىڭ ناۋقاس كورسەتۋى قيىن بولۋ، ناۋقاس كورسەتۋى قىمبات بولۋ ماسەلەسى باسەڭدەدى. ەلىمىز دۇنيە ءجۇزى بويىنشا ەڭ ءىرى مەديتسينالىق قامتاماسىزداندىرۋ تورابىن قۇردى، قامسىزداندىرۋعا قاتىناسۋ مولشەرى ورنىقتى تۇردە %95تەن جوعارى بولدى؛ ۇكىمەتتىڭ دەنساۋلىق ساقتاۋ سالاسىنا بولگەن قوسىلىمى ۇزدىكسىز ارتىپ، جەكەلەردىڭ دەنساۋلىق ساقتاۋعا جۇمساعان شىعىمىنىڭ دەنساۋلىق ساقتاۋ جالپى قاراجاتىنان ۇستايتىن سالىستىرماسى ۇزدىكسىز تومەندەدى؛ دارەجەگە ءبولىپ ەمدەۋ ءتۇزىمىن جالپى بەتتىك تياناقتاندىرپ، وتباسىلىق شيپاگەرمەن كەلىسىمشارتقا وتىرعان تۇرعىنداردىڭ سانى بارعان سايىن مولايدى؛ «ينتەرنەت + مەديتسينا» فورماسى قازىر دامۋ ۇستىندە، «زەردەلى ەمحانا» جەر – جەردە بوي كوتەردى.
پارتيانىڭ 18 – قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى حالىقتىڭ دەنساۋلىعىن كۇشەيتۋدى باستان – اياق الدىمەن دامىتاتىن ستراتەگيالىق ورىنعا قويىپ، حالىقتىڭ دەنساۋلىعىنا جان – جاقتىلى، بارلىق ۋاقىتتا كەپىلدىك ەتۋگە قۇلشىنىپ، ءبىر ميلليارد 400 ميلليونعا جۋىق حالىقتى سالامات جۇڭگونى ورتاق كوركەيتىپ، ورتاق يگىلىكتەنۋگە جەتەلەدى. ەلىمىز تۇرعىندارىنىڭ نەگىزدىك دەنساۋلىق ورەسى ۇزدىكسىز جوعارىلاپ، دەنساۋلىق ساقتاۋ تانىمى جۇرتتىڭ جۇرەگىنە ۇيالاپ، جۇڭگونىڭ سالاماتتىق ىستەرىنىڭ تابىسىنان سان – مىڭداعان وتباسىلار يگىلىكتەندى. 2016 – جىلى 8 – ايدىڭ 19 – كۇنى مەملەكەتتىك دەنساۋلىق ساقتاۋ جانە سالاماتتىق ءماجىلىسى اشىلدى، باس شۋجي شي جينپيڭ مىنانى اتاپ كورسەتتى: «دەنساۋلىق — ادامنىڭ جان – جاقتى جەتىلۋىنىڭ تابيعي تالابى، ەكونوميكا مەن قوعام دامۋىنىڭ نەگىزگى شارتى، ۇلتتىڭ وركەندەۋى مەن مەملەكەتتىڭ قۇدىرەتتەنۋىنىڭ ماڭىزدى بەلگىسى، سونىمەن بىرگە، قالىڭ حالىق جۇرتشىلىعىنىڭ ورتاق تالپىناتىن نىساناسى».
2016 – جىلى 10 – ايدا ج ك پ ورتالىق كوميتەتى مەن مەملەكەتتىك كەڭەس «‹سالامات جۇڭگو 2030› جوسپار جوباسىن» باسىپ تاراتتى. پارتيا 18 – قۇرىلتايىنىڭ بايانداماسىندا سالامات جۇڭگو ستراتەگياسىن اتقارۋ اتاپ كورسەتىلدى. 2019 – جىلى 7 – ايدا «مەملەكەتتىك كەڭەستىڭ سالامات جۇڭگو ارەكەتىن اتقارۋ جونىندەگى پىكىرى» جانە «سالامات جۇڭگو ارەكەتى (2019 – 2030)» شىعارىلدى، سالامات جۇڭگو ارەكەتىنىڭ «جول كارتاسى» ايقىندالدى.
شي جينپيڭ مىنانى اتاپ كورسەتتى: «بۇكىل حالىق سالامات بولمايىنشا، دوڭگەلەك داۋلەتتى قوعام دا بولماق ەمەس». سالامات بولۋ — ادامزاتتىڭ ماڭگىلىك تالپىناتىن نىساناسى. ءبىر ادامنىڭ دەنساۋلىعى — ءومىر ءسۇرۋ نەگىزى بولسا، حالىقتىڭ سالامات بولۋى — مەملەكەتتىڭ نەگىزى. تاماشا تۇرمىسقا دەگەن شەكسىز ارمانعا قۇلاش سەرمەپ، ميلليارد حالىق سالامات جۇڭگونى كوركەيتۋدەي تىڭ ساپارعا قادام تاستاۋدا!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
