بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ ءۇشىنشى رەتكى جاتتىعۋى تابىسپەن اياقتادى

2019.09.23 15:08     كەلۋ قاينارى : حالىق تورابى

  شينحۋا اگەنتتىگى، 9 – ايدىڭ 23 – كۇنى، بەيجيڭ. ءتىلشىنىڭ جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ اقپارات ورتالىعىنان ۇعىسۋىنشا، 9 – ايدىڭ 21 – كۇنى تۇستەن كەيىننەن 23 – كۇنى تاڭ سارىگە دەيىن، بەيجيڭ تيان – انمىن اۋماعىندا جانە چاڭ – ان كوشەسىندە جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنا تولىق بارىستى، بارلىق فاكتورلاردى، جالپى كۇشتەردى قامتىعان جاتتىعۋ وتكىزىلدى.

  ۇعىسۋعا قاراعاندا، بۇل رەتكى جاتتىعۋ مەملەكەت مەرەكەسىن قۇتتىقتاۋ قيمىلىنىڭ ەڭ سوڭعى جاتتىعۋى ەسەپتەلەدى، بۇل جولعى جاتتىعۋدا قۇتتىقتاۋ ءماجىلىسىنىڭ اشىلۋ سالتى، اسكەري پارات، جۇرتشىلىقتىڭ سالتاناتتى شەرۋى، بىرلەسكەن ويىن – ساۋىق قيمىلى، الاڭدى اۋىستىرۋ جانە شۇعىل جاعدايلارعا توتەپ بەرۋ قاتارلى 6 مازمۇن قامتىلعان، جاتتىعۋ بارىسىندا قۇتتىقتاۋ قيمىلىنىڭ تولىق بارىسى، تۇتاس فاكتورلارى، جالپى كۇشتەرى اراسىنداعى سايكەسىمدىلىك ءتۇيىندى تۇردە تەكسەرىلىپ، ءتۇرلى جاقتاعى ۇيىمدىق جەتەكشىلىك ەتۋ جانە كەپىلدىك ەتۋ جۇيەسىن ىسكە قوسۋ ونىمدىلىگى جالپى بەتتىك جوعارىلاتىلدى. جاتتىعۋعا، كوزدەن كەشىرۋگە، سونداي – اق، كەپىلدىك ەتۋگە قاتىناسقانداردىڭ سانى 300 مىڭ ادامنان استى.

  ءتۇن شىمىلدىعىن جامىلعان تيان – انمىندە الۋان رەڭدەگى شامدار جارقىراپ، سالتاناتتى كۇيگە كوشتى. ايبىندى اسكەري مۇزيكا ءۇنى، اسقاقتاعان ۇران ءۇنى، كورەرمەندەردىڭ قىزۋ قول شاپالاق ءۇنى ىشىندە، پاراتتان وتەتىن قوسىندار اسكەري پاراتقا، سالتاناتتى ساپقا تۇرۋعا ءتۇيىندى تۇردە جاتتىعۋ جاسادى. وسىدان سوڭ، ءار سالاداعىلاردان قۇرالعان سالتاناتتى شەرۋ توبى رەت – رەتىمەن پاراتتان ءوتتى، تولىق اشەكەيلەنگەن سالتاناتتى ماشينالار لەگى تۇڭعىش رەت پاراتتان ءوتتى، سالتاناتتى قۇتتىقتاۋ قيمىلىنىڭ قۋانىشى مەن كوتەرىڭكى كوڭىل – كۇي تۇس – تۇستان بايقالادى. ويىن – ساۋىق قيمىلىنىڭ جاتتىعۋى 9 – ايدىڭ 22 – كۇنى كەشتە وتكىزىلىپ، ءتۇستى تورسىلداق اتۋ مىندەتى تۇڭعىش رەت قوسىلدى، نەشە بولەككە بولىنگەن وتشاشۋ ويىنى ءوز ەرەكشەلىگىمەن كوزگە تۇسۋمەن بىرگە، ءبىر – بىرىمەن جاراسىمدى سايكەسىپ، الاڭ كوگىندە گۇلدەنگەن داۋىرگە دەگەن ماداق ءۇنىن قالىپتاستىردى.

  بۇل رەتكى جاتتىعۋدىڭ مازمۇنى، بارىسى جانە جەلىسى بۇكىلدەي رەسمي قيمىلعا ەلىكتەپ وتكىزىلگەن. ناق مايدانداعى ۇيىمداستىرۋ قىزمەتى ءتارتىپتى، باس – اياعى سايكەسىمدى، بارىسى ىركىلىسسىز بولىپ، مەجەلەگەن ماقساتقا قول جەتكىزىپ، رەسمي قيمىلدىڭ ءساتتى وتكىزىلۋىنە بەرىك نەگىز قالادى. بەيجيڭ قالاسىنداعى قاتىستى جاقتار قالىڭ قالا تۇرعىندارىنىڭ ءۇشىنشى رەتكى جاتتىعۋعا قولداۋ بىلدىرگەنىنە شىنايى العىس ايتتى.

  ۇعىسۋعا قاراعاندا، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ اقپارات ورتالىعى جۋىق ارادا توپتىق تىلشىلىك ىستەۋ قيمىلىن ۇيىمداستىرىپ، بۇقارالىق سالتاناتتى شەرۋ مەن بىرلەسكەن ويىن – ساۋىق قيمىلىنا قاتىستى احۋالداردى تانىستىرادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار