جۇڭگوداعى 100 مىقتى كاسىپورىننىڭ %70تەن استامى كەدەيلەردى سۇيەمەلدەۋ ينفورماتسياسىن جاريالادى
2019.09.24 17:06 كەلۋ قاينارى : حالىق تورابى
«حالىق گازەتى»، 9 - ايدىڭ 23 - كۇنى، بەيجيڭ (ءتىلشى چيۋ حايفىڭ). مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى، جۇڭگو قوعامدىق عىلىمدار اكادەمياسى بىرنەشە كۇننىڭ الدىندا بىرگە جاريالاعان «كاسىپورىنداردىڭ كەدەيلەردى سۇيەمەلدەۋ كوك تىستى كىتابىندا (2019)» كورسەتۋىنشە، 2019 – جىلى 7 - ايدىڭ 31 - كۇنىنە دەيىن 2019 - جىلى «بايلىق» جۋرنالى باعالاپ شىققان دۇنيە جۇزىندەگى 500 قۋاتتى كاسىپورىننىڭ قاتارىنا كىرگەن جۇڭگونىڭ 100 كاسىپورنىنىڭ ىشىندە 75 كاسىپورىن كەدەيلەردى سۇيەمەلدەۋ قىزمەتى ينفورماتسياسىن اشىق جاريالاعان.
كوك تىستى كىتاپتا كورسەتىلۋىنشە، جۇڭگوداعى 100 مىقتى كاسىپورىننىڭ %65ىنىڭ جوعارى دارەجەلى باسشىلارى كەدەيلەردى سۇيەمەلدەۋ قىزمەتىنە ايرىقشا ءمان بەرىپ، بەلسەنە ات سالىسىپ، تەڭ جارىمىنان استام كاسىپورىن كەدەيلەردى سۇيەمەلدەۋ قىزمەتىن ۇيىمداستىرۋ جۇيەسىن قۇرعان، %47 كاسىپورىن كەدەيلەردى سۇيەمەلدەۋ جوسپارىن جانە قاتىستى باسقارۋ ءتۇزىمىن بەلگىلەگەن. جۇڭگونىڭ 100 مىقتى كاسىپورنىنىڭ ىشىندە كەدەيلەردى سۇيەمەلدەۋ قارجىسىن جاريالاعان 55 كاسىپورىننىڭ جالپى سۇيەمەلدەۋ قارجىسى 4 ميلليارد 935 ميلليارد يۋان بولعان، جۇڭگونىڭ 100 مىقتى كاسىپورنىنىڭ ىشىندە 6 بانكە، فينانس قۇرىلىمىنىڭ كەدەيلەردى ءدال سۇيەمەلدەۋگە بەرگەن قارىز اقشاسىنىڭ قالدىق سوماسى 607 ميلليارد 804 ميلليون يۋانعا جەتكەن.
كوك تىستى كىتاپتا زەرتتەپ كورسەتىلۋىنشە، جۇڭگوداعى 100 مىقتى كاسىپورىن كەدەيلىكتەن ارىلتۋدان قامال الۋعا قاتىناسۋ بارىسىندا كەشەندى شارا قولدانۋدان جازباي، وقۋ - اعارتۋ ارقىلى كەدەيلەردى سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ، تۇتىنۋ ارقىلى كەدەيلەردى سۇيەمەلدەۋ، سالاماتتىق ارقىلى كەدەيلەردى سۇيەمەلدەۋ، ساياحات ارقىلى كەدەيلەردى سۇيەمەلدەۋ سياقتى 10 نەشە سالانى شارپىعان. مۇنىڭ ىشىندە وقۋ - اعارتۋ ارقىلى كەدەيلەردى سۇيەمەلدەۋ سالىستىرماسى ەڭ جوعارى بولىپ، %92كە جەتكەن؛ ونان قالسا، كاسىپ سالاسى ارقىلى كەدەيلەردى سۇيەمەلدەۋ سالىستىرماسى %77كە جەتكەن؛ تۇتىنۋ ارقىلى كەدەيلەردى سۇيەمەلدەۋ سالىستىرماسى 3 - ورىندا بولىپ، %67كە جەتكەن. كەدەيلەردى سۇيەمەلدەۋ جىلدىق ونىمدىلىگىن جاريالاعان 15 كاسىپورىننىڭ جىلدىق كەدەيلەردى سۇيەمەلدەۋ قىزمەتى شامامەن 6 ميلليون 340 مىڭ ادامعا يگىلىك جەتكىزگەن، بۇل كاسىپورىندار ارحيۆ تۇرعىزىلىپ، كارتوچكا بەرىلگەن كەدەي وتباسىلاردان 790 مىڭ ادامدى كەدەيلىكتەن ارىلتقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
