مەملەكەت مەرەكەسىنىڭ بىرلەسپە ساۋىق قيمىلىنداعى 7 كورىنەۋ ءتۇيىن (بەدەلدى جاريالاۋ)
شامامەن 100 مىڭ ادام، 70 گرۋپپا اشەكەيلى اۆتوموبيل بۇقارالىق جۇرىسكە قاتىناسادى
2019.09.26 16:05 كەلۋ قاينارى : حالىق تورابى
«حالىق گازەتى»، 9 - ايدىڭ 25 - كۇنى، بەيجيڭ (ءتىلشى جين شين). ءتىلشىنىڭ 9 - ايدىڭ 25 - كۇنى جاڭا جۇڭگو قۇرىلعانىنىڭ 70 جىلدىعىن قۇتتىقتاۋ قيمىلى اقپارات ورتالىعىندا وتكىزىلگەن 2 - رەتكى ارناۋلى تاقىرىپتاعى توپتىق تىلشىلىكتەن ۇعىسۋىنشا، جاڭا جۇڭگو قۇرىلعانىنىڭ 70 جىلدىعىن قۇتتىقتاۋ بۇقارالىق ءجۇرىس قيمىلىندا «ءبىر نيەتپەن جۇڭگو ارمانىن ىسكە اسىرۋ» نەگىزگى تاقىرىپ ەتىلىپ، شامامەن 100 مىڭ تۇرعىن، 70 توپتاعى اشەكەيلى اۆتوموبيلدەن قۇرالعان 36 شارشى توپ جانە 3 ونەر توبى الاڭعا شىعادى ەكەن؛ بىرلەسكەن ساۋىق قيمىلى 10 – ايدىڭ 1 – كۇنى كەشكى ساعات 8 دە تيان – انمىن الاڭىندا وتكىزىلمەك، قيمىلدىڭ جالپى ۋاقىتى 90 مينۋت بولماق، مۇندا نەگىزگى تاقىرىپتاعى كونسەرت، ورتالىق بىرلەسپە ساۋىق قيمىلىنىڭ كونسەرتى، بۇقارالىق كونسەرت، وتشاشۋ ويىنى سىندى 4 كونسەرت رايونى ورنالاستىرىلماق.
قۇتتىقتاۋ جينالىسىنىڭ قىزمەت وتەۋ، قامتاماسىز ەتۋ جانە بۇقارالىق ءجۇرىس قولباسشىلىق شتابىنىڭ اتقارۋشى قولباسشىسى جاڭ گى بىلاي دەدى: بۇقارالىق ءجۇرىس «مەملەكەت قۇرۋ، يگىلىك جاراتۋ»، «رەفورما جاساپ، قاقپا اشۋ»، «ۇلى گۇلدەنۋ» سىندى 3 بولەككە بولىنەدى، چاڭ - ان كوشەسىن بويلاپ شىعىستان باتىسقا قاراي تيان - انمىن وزەكتى رايونىنان ءوتىپ، جۇڭحۋا حالىق رەسپۋبليكاسىنىڭ قۇرىلۋى، رەفورما جاساۋ، قاقپا اشۋ جانە جۇڭگوشا سوتسياليزم ىستەرى، جۇڭگوشا سوتسياليزم ىستەرىنىڭ جاڭا داۋىرگە ءوتۋى سىندى تاريحي بارىستاردى ەسكە الادى. جۇرىسكە قاتىناسقان بۇقارا ءار ۇلت، ءار سالا، ءار كاسىپتى قامتىدى، ءجۇرىس شارشى توبىندا ايقىن داۋىرلىك ەرەكشەلىككە يە مۋزىكا قۇراستىرۋ، ءبي قۇراستىرۋ، قۇرالداردى جوبالاۋ جانە ءمۇسىن جاساۋ سياقتى فاكتورلار توعىستىرىلعان. بۇقارالىق ءجۇرىستىڭ باس رەجيسسەرى شياۋ شياڭرۇڭ تانىستىرىپ بىلاي دەدى: وسى رەتكى بۇقارالىق ءجۇرىستىڭ تۇلعالىق جوباسىندا وقيعالىق سيپات پەن نەگىزگى تاقىرىپ ۇشتاستىرىلدى. شاعىن اڭگىمە، شاعىن كورىنىس جانە مۋزىكامەن بايلانىستىرۋ ارقىلى جۇڭگو حالقىنىڭ 70 جىلدان بەرگى ىنتىماقتاسا كۇرەس جاساۋىنىڭ ايبىندى كارتيناسى ايگىلەنەدى.
بىرلەسپە ساۋىق قيمىلى قولباسشىلىق شتابى بىرلەسپە ساۋىق كونسەرتى ءبولىمىنىڭ ۇنەمىلىك ىستەرگە جاۋاپتى ورىنباسار باستىعى پاڭ ۋەي بىلاي دەدى: وسى رەتكى بىرلەسكەن ساۋىق قيمىلىندا نەگىزگى تاقىرىپتىق ويىن كورسەتۋ، وزەكتى بىرىككەن ساۋىق ويىنى، بۇقارالىق بىرىككەن ساۋىق كەشى، وتشاشۋ ويىنى، كونسەرت ساحناسىنىڭ ويىنى، ءىرى تۇرپاتتى قۇرىلعى جانە نۇر ونەرى سىندى 7 ۇلكەن كورىنەۋ ءتۇيىن بار. نەگىزگى تاقىرىپتاعى كونسەرت «قىزىلتۋ جىرى»، «ءبىز داڭعىل جولمەن كەلەمىز»، «ءۇمىت اتىزىندا»، «جاڭا داۋىرگە جول باستاۋ» دەگەن ءتورت تاراۋدان قۇرالعان. ورتالىق بىرلەسپە ساۋىق قيمىلىنىڭ كونسەرتىندە جەر - جەردىڭ ەرەكشە بۇقارالىق مادەنيەت كورمەسى نەگىز ەتىلەدى، مۇندا مۇقيات تاڭدالعان «مەن جانە وتانىم» قاتارلى 16 ءاندى تۇتاس الاڭداعى جۇرتشىلىق تەگىس شىرقايدى. نەگىزگى تاقىرىپ بويىنشا ويىن كورسەتۋ رايونىنىڭ شىعىس، باتىس ەكى جاعىندا جيىنى 10 بۇقارالىق بىرلەسكەن ساۋىق رايونى ورنالاستىرىلىپ، ءتۇرلى ستيلدەگى ءان - ءبي ورىندالىپ، سالتاناتتى بىرلەسكەن ساۋىق الاڭى قالىپتاستىرىلادى. وتشاشۋ ويىنىندا جوعارى كەڭىستىك، ورتا كەڭىستىك، تومەن كەڭىستىكتە وتشاشۋلار اتىلادى جانە ەرەكشە وتشاشۋ جابدىقتارى ارقىلى ونەر كورسەتىلەدى. مىڭ ادامدىق سيمفونيا ۇيىرمەسى مەن مىڭ ادامدىق حور ۇيىرمەسى كونسەرت نومىرلەرىن كورسەتەدى. بىرلەسكەن ساۋىق قيمىلى باستالعاندا كولەمدى قۇرىلعى ارقىلى نەگىزگى تاقىرىپتىق ويىندارعا سايكەسەدى. تيان - انمىن سارايى، حالىق سارايى، مەملەكەتتىك مۇراجاي سياقتى الاڭداردىڭ توڭىرەگىندەگى قۇرىلىستاردىڭ جارىقتاندىرۋ ينجەنەرياسىندا دا جوعارى، جاڭا تەحنيكالىق جابدىقتاردان پايدالانۋ نەگىزىندە ايبىندى، جاندى، كوزدىڭ جاۋىن الاتىن بىرلەسكەن ساۋىق ورتاسى قالىپتاستىرىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
