بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

70 جىلدا حالىق تۇرمىسىن قامتاماسىزداندىرۋ تورابى بارعان سايىن بەكەمدەلدى (بەدەلدى جاريالاۋ)

دۇنيە جۇزىندەگى ەڭ ۇلكەن وقۋ - اعارتۋ جۇيەسى، تۇرعىن ۇيمەن قامتاماسىزداندىرۋ جۇيەسى، قوعامدىق قامتاماسىزداندىرۋ حاۋىپسىزدىگى تورابى، نەگىزگى ەمدەلۋدى قامتاماسىزداندىرۋ تورابى قۇرىلدى

2019.09.27 16:06     كەلۋ قاينارى : حالىق تورابى

  «حالىق گازەتى»، 9 - ايدىڭ 26 - كۇنى، بەيجيڭ (ءتىلشى چيۋ چاۋ - ي). 9 - ايدىڭ 26 - كۇنى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىلى اقپارات ورتالىعى اقپار جاريالاۋ ءماجىلىسىن وتكىزدى، وقۋ - اعارتۋ مينيسترلىگىنىڭ مينيسترى چىن باۋشىڭ، حالىق ىستەرى مينيسترلىگىنىڭ مينيسترى حۋاڭ شۋشيان، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى جاڭ جينان، تۇرعىن ءۇي جانە قالا - اۋىل قۇرىلىسى مينيسترلىگىنىڭ مينيسترى ۋاڭ مىڭحۇي، مەملەكەتتىك دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ما شياۋۋەي 70 جىلدان بەرگى حالىق تۇرمىسىن ۇزدىكسىز قامتاماسىز ەتۋ مەن جاقسارتۋعا قاتىستى جاعدايلاردى تانىستىردى.

  چىن باۋشىڭ تانىستىرىپ بىلاي دەدى: ەلىمىز دۇنيە ءجۇزى بويىنشا كولەمى ەڭ ۇلكەن وقۋ - اعارتۋ جۇيەسىن قۇردى، ءار دارەجەلى، ءار ءتۇرلى مەكتەپتەردىڭ سانى 519 مىڭعا، ءار دارەجەلى، ءار ءتۇرلى وقۋ - اعارتۋ بويىنشا وقىپ جاتقان وقۋشىلاردىڭ سانى 276 ميلليونعا، ءار دارەجەلى، ءار ءتۇرلى ارناۋلى وقىتۋشىلاردىڭ سانى 16 ميلليون 700 مىڭنان استى. وقۋ - اعارتۋدىڭ جالپى تۇلعالىق ورەسى دۇنيە ءجۇزى بويىنشا الدىڭعى قاتاردا تۇرىپ، ەكونوميكا مەن قوعامنىڭ وسىزاماندانۋىنا پارمەندى تىرەك ازىرلەندى، زور توپتاعى ساپالى دارىندىلار تاربيەلەندى. جوعارى دارەجەلى وقۋ - اعارتۋدى مىسالعا الساق، مەملەكەتتىڭ جوعارى دارەجەلى دارىندىلارىنىڭ %60 تەن استامى جوعارى مەكتەپتەرگە شوعىرلانعان، مەملەكەتتىڭ نەگىزدىك زەرتتەۋى مەن مەملەكەتتىڭ كەلەلى عىلمي زەرتتەۋ مىندەتىنىڭ %60 تەن استامىن جوعارى مەكتەپتەر ۇستىنە الادى.

  حۋاڭ شۋشيان بىلاي دەدى: قازىر ەلىمىزدىڭ قوعامدىق قۇتقارۋى ۋاقىتتىق شارادان دامىپ، تۇزىمدەندىرىپ قامتاماسىزداندىرۋعا ءوتىپ، ەڭ تومەنگى تۇرمىستى قامتاماسىزداندىرۋدى نەگىز ەتكەن قوعامدىق قۇتقارۋ جۇيەسى ورناپ، كەدەيلەردى سۇيەمەلدەۋ، وركەندەتۋمەن ءونىمدى ۇشتاستىرۋ جۇزەگە اسىرىلدى، ءار جىلى 60 ميلليون اينالاسىنداعى قيىنشىلىعى بار تۇرعىننىڭ نەگىزگى تۇرمىسى قامتاماسىز ەتىلەدى، نەگىزگى حالىق تۇرمىسى تورى نىعايتىلدى. جۇڭگوشا زەينەتكەرلىككە قىزمەت وتەۋ جۇيەسى بىرتىندەپ قالىپتاستى، وسى جىلى 6 – ايدىڭ سوڭىنا دەيىن بۇكىل ەلدەگى ءار تۇردەگى زەينەتكەرلىك قۇرىلىمى 29 مىڭ 900، الەۋمەتتىك اۋماقتارداعى زەينەتكەرلىككە قىزمەت وتەۋ قۇرىلىمى مەن قۇرىلعىسى 143 مىڭ 400، زەينەتكەرلىككە قىزمەت وتەۋ توسەك ورنى 7 ميلليون 353 مىڭ بولعان.

  كاسىپتەندىرۋ − ەڭ ۇلكەن حالىق تۇرمىسى. جاڭ جينان تانىستىرىپ بىلاي دەدى: كاسىپتەنۋ كولەمى ۇزدىكسىز كەڭەيىپ، كاسىپتەنگەن ادام سانى 1949 – جىلعى 180 ميلليون ادامنان بىلتىرعى 780 ميلليون ادامعا كوبەيدى، قالا – قالاشىقتا جاڭادان كاسىپتەنگەن ادام سانى ءۇرتىس 6 جىل 13 ميلليوننان استى. كاسىپتىك شەبەرلىككە باۋلۋ كۇش سالا ويداعىداي يگەرىلدى. بىردە - ءبىر ادامى كاسىپتەنبەگەن وتباسىلار اداقتالدى.

  «ەلىمىز قىسقا عانا نەشە ون جىل ۋاقىت جۇمساپ، دۇنيە جۇزىندەگى ەڭ ۇلكەن قوعامدىق قامتاماسىزداندىرۋ حاۋىپسىزدىك تورابىن نەگىزىنەن قۇردى». جاڭ جينان بىلاي دەدى: قامتاماسىزداندىرۋعا ەنگىزىلگەندەر بارعان سايىن كوبەيدى، نەگىزدىك زەينەتكەرلىك قامسىزداندىرۋىنىڭ شارپۋ اۋماعى 950 ميلليون ادامنان استى، كاسىپسىزدىك، جۇمىس ۇستىندە جارالانۋ قامسىزداندىرۋىنا قاتىناسۋشىلار جەكە – جەكە 200 ميلليوننان اسىپ، كاسىپپەن شۇعىلدانۋشى جۇرتشىلىقتىڭ دەنىن شارپىدى؛ قامتاماسىزداندىرۋ قۋاتى ۇزدىكسىز كۇشەيدى، زەينەتكەرلىك، جۇمىسسىزدىق، جۇمىس ۇستىندە جارالانۋ سىندى 3 ءتۇرلى قامسىزداندىرۋ قورىنىڭ جيىنتىعى 6 تريلليون 800 ميلليارد يۋان بولدى؛ قامتاماسىزداندىرۋ دەڭگەيى ۇزدىكسىز جوعارىلاپ، قىزمەت وتەۋ اناعۇرلىم قولايلى، تەز بولدى.

  «70 جىلدان بەرى ەلىمىزدىڭ تۇرعىن ءۇي قۇرىلىسى جەدەل ىلگەرىلەتىلىپ، ءبىر ميلليارد 400 ميلليونعا جۋىق حالىقتىڭ تۇرعىن ءۇي ماسەلەسى نەگىزىنەن شەشىلدى». ۋاڭ مىڭحۇي بىلاي دەدى: ەلىمىز دۇنيە جۇزىندەگى ەڭ ۇلكەن تۇرعىن ۇيمەن قامتاماسىزداندىرۋ جۇيەسىن قۇرىپ، قامتاماسىزداندىرۋ سيپاتتى تۇرعىن ءۇي جانە لاشىقتى جالاڭالاپ سالۋ بويىنشا 80 ميلليوننان استام تۇرعىن ءۇي سالىپ، 200 ميلليوننان استام تۇرعىننىڭ ءۇي قيىنشىلىعىن شەشۋىنە كومەكتەستى. قالا - قالاشىقتانۋ اياق الىسى تەزدەپ، قونىستانۋ ورتاسى كورنەكتى جاقسارىپ، لاس سۋ مەن تۇرمىستىق قوقىر - قوقسىقتى ءبىر جاقتى ەتۋ قۋاتى جەكە - جەكە 263 ەسە جانە 395 ەسە جوعارىلادى.

  «ەلىمىز تۇرعىندارىنىڭ دەنساۋلىق دەڭگەيى ۇزدىكسىز جاقسارىپ، ادامداردىڭ مەجەلى عۇمىرى 35 جاستان 77 جاسقا جوعارىلادى، نارەستەلەردىڭ شەتىنەۋ سالىستىرماسى ‰200 تەن ‰6.1 كە تومەندەدى، جۇكتى، بوسانعان ايەلدەردىڭ كوز جۇمۋ شاماسى 100 مىڭدا ءبىر مىڭ 500 ادامنان 100 مىڭدا 18.3 ادامعا تومەندەپ، نەگىزگى دەنساۋلىق كورسەتكىشى ورتاشا، جوعارى كىرىستى ەلدەردىڭ ورتاشا دەڭگەيىنەن جوعارى بولدى». ما شياۋۋەي بىلاي دەدى: دەنساۋلىق ساقتاۋ ۇسىنىلىمى ۇزدىكسىز جوعارىلادى، 2018 - جىلى ەلىمىزدىڭ دەنساۋلىق ساقتاۋ جالپى قاراجاتىنىڭ GDP دەگى سالىستىرماسى %6.6 كە جەتتى. دۇنيە جۇزىندەگى ەڭ ۇلكەن نەگىزگى ەمدەلۋدى قامتاماسىزداندىرۋ تورابى قۇرىلىپ، قامتىلاتىن حالىق سانى ءبىر ميلليارد 300 ميلليوننان استى. بۇكىل ەل بويىنشا ەمدەۋ، دەنساۋلىق ساقتاۋ قۇرىلىمدارىنىڭ سانى 990 مىڭنان اسىپ، ەمدەۋ، دەنساۋلىق ساقتاۋ تورابى ۇزدىكسىز كەمەلدەندى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار