جاڭا جۇڭگونىڭ شۇعىلالى ساتتەرى − يۇيگۇڭنىڭ تاۋ كوشىرۋ رۋحىمەن جۇڭگونى وزگەرتۋ
2019.09.27 16:09 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 26 - كۇنى، بەيجيڭ
يۇيگۇڭنىڭ تاۋ كوشىرۋى − جۇڭگودا نەشە مىڭ جىل تارالعان ءتامسىل. 1957 – جىلى 10 - ايدىڭ 9 - كۇنى ماۋ زىدۇڭ شاندۇڭ ولكەسى جۇينان اۋدانى ليجياجاي قىستاعىنىڭ جەردى جونگە سالۋ، سۋ يگىلىگى قۇرىلىسىن جاساۋ، عىلمي جولمەن ەگىن ەگۋ ارقىلى استىق ءونىمىن بارىنشا جوعارىلاتىپ، بۇكىل قىستاقتىڭ بەت - بەينەسىن شىت جاڭا تۇسكە بولەگەنى جونىندەگى مالىمەتتى وقىپ، «يۇيگۇڭنىڭ تاۋ كوشىرۋ رۋحىمەن جۇڭگونى وزگەرتۋدە ليجياجاي جاقسى ونەگە بولدى» دەگەن بەكىتۋ جازدى.
«يۇيگۇڭنىڭ تاۋ كوشىرۋ رۋحىمەن جۇڭگونى وزگەرتۋ كەرەك»، وسى ۇلى رۋحتىڭ اسەرىندە جۇڭگو حالقى تاۋ - وزەندى جونگە سالۋدا سانسىز شۇعىلالى داستان جازدى. وتە - موتە 20 - عاسىردىڭ 60 - جىلدارىنىڭ باس شەنىندەگى قيىنشىلىق كەزىندە، بۇكىل ەل حالقى توتەنشە اۋىر سىناققا ءدوپ كەلىپ، جاراتىلىستىق اپات پەن زاتتىق تاپشىلىققا قارسى كۇرەس ورىستەتتى. سانشي ولكەسى شيياڭ اۋدانى داجاي قىستاعىنداعى بۇقارانىڭ ءوز كۇشىنە سۇيەنىپ ءومىر ءسۇرۋى، قاجىرلىلىقپەن كۇرەس جۇرگىزۋى جانە حىنان ولكەسىنىڭ لينشيان اۋدانى (قازىرگى لينجوۋ قالاسى) حالقىنىڭ قىزىلتۋ توعانىن قازۋى، تاۋ - وزەندى جونگە سالۋى كورنەكتى تيپتىك ىستەر ەدى.
داجاي سانشي ولكەسى جينجۇڭ قالاسى تايحاڭشان تاۋىنىڭ ەتەگىندەگى تەڭىز دەڭگەيىنەن 1000 مەتر بيىك تاۋلى وڭىرگە ورنالاسقان. بۇل ارانىڭ جاراتىلىستىق شارت - جاعدايى ناشار، جەرى قۇنارسىز. داجاي جۇرتشىلىعى پارتيا ياچەيكاسىنىڭ باسشىلىعىندا قاجىرلىلىقپەن، تىڭعىلىقتى ىستەپ، 1953 - جىلدان باستاپ 5 جىل ۋاقىت جۇمساپ، بۇكىل قىستاقتاعى 7 ۇلكەن سايعا وزگەرىس جاساپ، تەرەڭ جىرانى قۇنارلى اتىزعا اينالدىرىپ، «مەملەكەت بويىنشا اۋىل شارۋاشىلىق شەبىندەگى قىزىل تۋ» دەپ اتالدى. 1962 - جىلى مەملەكەت بويىنشا اۋىر اپات تۋىلعاندا جانە اۋىر قيىنشىلىق بولعان جىلدارى داجايداعى استىقتىڭ مۋ باسىندىق ءتۇسىمى سول اۋداننىڭ ورتاشا ءونىم مولشەرىنەن 530 جىڭ جوعارى بولدى.
حىنان ولكەسىنىڭ لينشيان اۋدانى تايحاڭشان تاۋىنىڭ شىعىس باۋرايىنا ورنالاسقان، ەجەلدەن بەرى اۋىر قۋاڭشىلىق كوپ تۋىلاتىن، سۋ تاپشى ەدى. لينشيان اۋدانىنىڭ حالقى اۋداندىق پارتكومنىڭ باستاۋىندا جاڭحى وزەنىنىڭ سۋىن لينشيان اۋدانىنا بۇرىپ، «لينشيان اۋدانىنىڭ تاۋ - وزەنىن قايتادان ورنالاستىرۋ» ءىسىن باتىلدىقپەن ويلاستىرادى. 1960 - جىلدىڭ باسىندا لينشيان اۋدانىنداعى 37 مىڭ ادام تايحاڭشان تاۋىنا جورىق جاسادى. 5 جىلدىق جاپالى شايقاس ارقىلى 1965 – جىلى 4 - ايدىڭ 5 - كۇنى قىزىلتۋ توعانىنىڭ باس بەل توعانىمەن سۋ جەتكىزىلدى. وسىدان كەيىنگى 7 - 8 جىلدا تارماق توعاندار سايكەستىرىلىپ، باس بەل توعان بيىكتەتىلدى، بەكەمدەلدى. قىزىلتۋ توعانى «بيىكتەگى جاساندى وزەن» دەپ اتالىپ، جەرگىلىكتى ورىننىڭ ەكونوميكالىق جانە قوعامدىق دامۋىنا وراسان زور ۇلەس قوستى، كۇنى بۇگىنگە دەيىن ماڭىزدى رولىن ساۋلەلەندىرىپ كەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
