شارۋا قوجالىقتارى − اۋىل شارۋاشىلىعىنىڭ ساپالى دامۋىنداعى جالىندى كۇش (ەكونوميكالىق دامۋدىڭ كورىنەۋ تۇيىندەرى كوپ، سەرپىمدىلىگى ايتارلىقتاي)
بۇكىل ەل بويىنشا تىزىمگە الىنعان شارۋا قوجالىقتارىنىڭ سانى 600 مىڭعا، تيجارات جۇرگىزۋ جەر كولەمى 160 ميلليون مۋعا جەتتى
«حالىق گازەتىنىڭ» ءتىلشىسى گاۋ يۇنساي
2019.10.14 15:33 كەلۋ قاينارى : حالىق تورابى
شارۋا قوجالىقتارى وتباسى مۇشەلەرىن نەگىزگى ەڭبەككۇش، وتباسىلىق تيجاراتتى نەگىزگى تيجارات بىرلىگى ەتىپ، اۋىل شارۋاشىلىعىن كولەمدەندىرۋ، ولشەمدەندىرۋ، شوعىرلاندىرۋ ءوندىرىس تيجاراتىمەن شۇعىلدانادى، بۇل − وسىزامانعى اۋىل شارۋاشىلىعىنىڭ نەگىزگى تيجارات ءتاسىلى. پارتيانىڭ 18 - قۇرىلتايىنان بەرى پارتيا ورتالىق كوميتەتى مەن مەملەكەتتىك كەڭەستىڭ ورنالاستىرۋى بويىنشا، جەر - جەر ەگىن، ورمان، مال، بالىق شارۋاشىلىعى سياقتى ءتۇرلى شارۋا قوجالىقتارىن دامىتۋعا بەلسەنە جەتەكشىلىك ەتىپ، تىڭعىلىقتى ونىمدىلىككە قول جەتكىزدى. ءتىلشىنىڭ اۋىل شارۋاشىلىعى، اۋىل - قىستاق مينيسترلىگىنەن ۇعىسۋىنشا، قازىر بۇكىل ەل بويىنشا اۋىل شارۋاشىلىعى، اۋىل - قىستاق تاراۋلارىنىڭ تىزىمىنە ەنگىزىلگەن شارۋا قوجالىقتارىنىڭ سانى 600 مىڭعا، تيجارات جۇرگىزۋ جەر كولەمى 160 ميلليون مۋعا جەتكەن، شارۋا قوجالىقتارىنىڭ سانى ورنىقتى ارتىپ، دامۋ ساپاسى كۇن سايىن جوعارىلاپ، تيجارات كاسىبى كۇن سايىن كوپ نەگىزدەنگەن.
ساياسات بەلگىلەنىپ، شاعىن شارۋا قوجالىعى شارۋالار كىرىسىنىڭ ارتۋ تۇيىنىنە اينالدى
شارۋا قوجالىقتارى ءتۇزىمى جاعىندا ءجۇز ميلليونداعان شارۋا جاڭا سۇيەنىش تاپتى. يگى ىستەر ۇزدىكسىز جالعاسۋدا.
بيىلعى ورتالىقتىڭ 1 - ءنومىرلى قۇجاتىندا شارۋا قوجالىقتارى مەن شارۋالار سەلبەستىك كووپەراتيۆىنىڭ تيجارات ەتۋىنە ۇيلەسەتىن اۋىل شارۋاشىلىق ونىمدەرىن العاشقى مانەرلەۋدى قولداۋ كەرەكتىگى دارىپتەلدى. بىرنەشە كۇننىڭ الدىندا ورتالىق اۋىل شارۋاشىلىق كەڭسەسى سياقتى 11 مينيسترلىك، كوميتەتتىڭ «شارۋا قوجالىقتارىن جەتىلدىرۋ جوسپارىن اتقارۋ جونىندەگى جەتەكشى پىكىرى» جاريالاندى، بۇل شارۋا قوجالىقتارىنىڭ جەتىلۋىنە ساياسات جاعىنان كورسەتىلگەن جاڭا قولداۋ بولدى.
كاڭ - ي شارۋا قوجالىعىنىڭ 2018 - جىلعى تازا كىرىس ەسەبىن اشىپ كورگەنىمىزدە، تابىستىڭ توتەنشە جاقسى ەكەنىن اڭعاردىق: استىق كىرىسى 9 مىڭ يۋان، كوكونىس كىرىسى 10 مىڭ يۋان، جاڭعاق كىرىسى 11 مىڭ يۋان، ازىقتىق باكتەريا كىرىسى 220 مىڭ يۋان بولعان. قازىر حىبەي ولكەسىندە 41 مىڭ شارۋا قوجالىعى بار، بۇلار %94 اكىمشىلىك قىستاقتى شارپىپ، شارۋالاردىڭ كىرىسىن ارتتىرۋعا پارمەندى دەم بەرگەن. قازىرگە دەيىن انحۇي ولكەسىنىڭ شارۋا قوجالىقتارى 100 مىڭعا جەتىپ، سانى مەملەكەت بويىنشا ءبىرىنشى ورىنعا شىعىپ، شارۋالاردىڭ كىرىسىن ارتتىرۋدىڭ ماڭىزدى ارناسىنا اينالعان.
«جەتەكشى پىكىردە» مىنالار تالاپ ەتىلدى: 2020 – جىلعا بارعاندا شارۋا قوجالىقتارىنىڭ دامۋىن قولدايتىن ساياساتتىق جۇيە نەگىزىنەن ورناتىلادى، باسقارۋ ءتۇزىمى اناعۇرلىم اقاۋسىزداندىرىلادى، جەتەكشىلىك ەتۋ، قىزمەت وتەۋ مەحانيزمى بىرتىندەپ كەمەلدەندىرىلىپ، شارۋا قوجالىقتارىنىڭ سانى ورنىقتى جوعارىلاتىلادى. 2022 - جىلعا بارعاندا شارۋا قوجالىقتارىنىڭ دامۋىن قولدايتىن ساياساتتىق جۇيە اناعۇرلىم كەمەلدەندىرىلىپ، شارۋا قوجالىقتارىنىڭ ءوندىرىس - تيجارات قۋاتى مەن جەتەكتەۋ قۋاتى بەكەمدەلەدى جانە جوعارىلاتىلادى.
اۋىل شارۋاشىلىعى، اۋىل - قىستاق مينيسترلىگى ساياسات جانە رەفورما مەڭگەرمەسىنىڭ باستىعى جاۋ ياڭ مىنانى ءبىلدىردى: كولەمى لايىقتى، ءوندىرىسى شوعىرلى، باسقارۋى وزىق، ونىمدىلىگى كورنەكتى ءبىر توپ شارۋا قوجالىعىن جەدەل جەتىلدىرىپ، شارۋالاردىڭ كىرىسىن ۇزدىكسىز تىڭ ساتىعا كوتەرۋ كەرەك.
شارۋالاردىڭ نەگىزگى تۇلعاسىندا تاباندى بولۋ. وتباسىلىق شارۋاشىلىقتىڭ اۋىل - قىستاق نەگىزگى شارۋاشىلىق تۇزىمىندەگى نەگىزدىك ورنىندا تاباندى بولىپ، اۋىل شارۋاشىلىعىمەن شۇعىلدانۋ تىلەگى ۇزاق ۋاقىت ورنىقتى بولعان شارۋالاردى شارۋاشىلىق كولەمىن لايىقتى كەڭەيتۋگە، الۋان فورماداعى شارۋا قوجالىقتارىن دامىتۋعا، الۋان فورماداعى سەلبەستىك پەن بىرلەستىكتى ورىستەتۋگە شابىتتاندىرۋ كەرەك.
لايىقتى كولەمدە تاباندى بولۋ. شارۋا قوجالىقتارىن شارۋاشىلىق ەرەكشەلىگىنە جانە ءوزىنىڭ شارۋاشىلىق باسقارۋ قۋاتىنا نەگىزدەلىپ، ەڭ تاماشا كولەمدى ونىمدىلىكتى جۇزەگە اسىرۋعا جەتەكتەپ، جەر سياقتى ءوندىرىس قۇرال - جابدىقتارىنىڭ شەكتەن تىس شوعىرلانۋىنا سىڭار جاقتىلىقپەن بوي ۇرۋدان ساقتانىپ، «ءىرى وتباسىلارعا بوگەت بولۋدان» ساقتانۋ كەرەك.
بازاردى جەتەكشى ەتۋدە تاباندى بولۋ. شارۋا قوجالىقتارىنىڭ دامۋ زاڭدىلىعىنا بويسۇنۋ كەرەك. بازاردىڭ شارۋا قوجالىقتارىنىڭ دامۋىن جەبەۋدەگى شەشۋشى رولىن تولىق ساۋلەلەندىرىپ، ۇكىمەتتىڭ شارۋا قوجالىقتارىنا جەتەكشىلىك ەتۋىن جانە قولداۋ كورسەتۋىن كۇشەيتۋ كەرەك. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
