از ۇلتتاردىڭ ادەبيەت جاسامپازدىعى گۇلدەنىپ - كوركەيە ءتۇستى
ءار ۇلتتىڭ بارىندە ۋاكىلدىك سيپاتتى جازۋشىلار بار، كوپ ۇلتتى، كوپ ءتىلدى، كوپ سالالى قوسىن قالىپتاستى
2019.10.15 16:36 كەلۋ قاينارى : حالىق تورابى
«حالىق گازەتى»، 10 - ايدىڭ 14 - كۇنى، بەيجيڭ (ءتىلشى جاڭ حى). از ۇلتتار ادەبيەت جاسامپازدىعى جونىندەگى 6 - كەزەكتى مەملەكەتتىك ءماجىلىس 10 - ايدىڭ 14 - كۇنى بەيجيڭدە اشىلدى. پارتيانىڭ 18 - قۇرىلتايىنان بەرى ەلىمىزدىڭ از ۇلتتار ادەبيەت ىستەرىندە قارىشتاپ دامىعان، كۇن سايىن العا باسقان تاماشا جاعداي جارىققا شىقتى. ءتىلشىنىڭ ماجىلىستەن ۇعىسۋىنشا، قازىر جۇڭگو جازۋشىلار قوعامىنىڭ جەكە مۇشەلەرىنىڭ جالپى سانى 12 مىڭ 211 ادامعا جەتكەن، مۇنىڭ ىشىندە از ۇلتتار ءبىر مىڭ 464 ادام بولىپ، %12 ىن ۇستاعان. 2013 - جىلدان 2019 - جىلعا دەيىن از ۇلت جازۋشىلارىنان 450 ادام قوعامعا جاڭادان قابىلدانعان. ەلىمىزدەگى 55 از ۇلتتىڭ بارىندە جۇڭگو جازۋشىلار قوعامىنىڭ مۇشەسى، ءوز ۇلتىنىڭ ۋاكىلدىك جازۋشىسى بار. ءبىر توپ از ۇلت جاس جازۋشىلارى ەسەيىپ - ەرجەتىپ، كوپ ۇلتتى، كوپ ءتىلدى، كوپ سالالى از ۇلت جازۋشىلارى قوسىنىن قالىپتاستىردى.
پارتيانىڭ 18 - قۇرىلتايىنان بەرى قالىڭ از ۇلت جازۋشىلارىنىڭ جاسامپازدىق ىنتاسى بۇرىن - سوڭدى بولىپ كورىلمەگەن دارەجەدە جوعارىلاپ، وقىرماندار اراسىندا كەڭ ىقپال تۋدىرعان ءبىر توپ تاڭداۋلى تۋىندىلاردى جاراتتى. ىلگەرىندى - كەيىندى 4 از ۇلت جازۋشىسىنىڭ تۋىندىلارى ورتالىق ۇگىت ءبولىمىنىڭ «5 ءبىر ينجەنەرياسى» سيلىعىن، ءبىر از ۇلت جازۋشىسىنىڭ تۋىندىسى جۇڭگو باسپا ءسوز ۇكىمەت سيلىعىن، 6 از ۇلت جازۋشىسى لۋ شۇن ادەبيەت سيلىعىن، 27 از ۇلت جازۋشىسى مەملەكەتتىك از ۇلت ادەبيەت جاسامپازدىعى «تۇلپار سيلىعىن» الدى. 2 از ۇلت جازۋشىسى مەملەكەتتىك تاڭداۋلى بالالار ادەبيەتى سيلىعىن الدى، 4 از ۇلت جازۋشىسى «21 - عاسىرداعى ادەبيەت جۇلدىزى» اتتى جەلىلەس كىتاپقا تاڭدالدى، تاعى 10 نەشە از ۇلت جازۋشىسىنىڭ تۋىندىلارى كينو - تەلەۆيزيا فيلمى بولىپ وزگەرتىلىپ، ورتالىق تەلەۆيزيادا قىزۋ تاراتىلدى ءارى جەكە - جەكە عارىشقا ۇشۋ سيلىعى، ۆەنەتسيا كينو مەرەكەسى سيلىعى قاتارلى ەل ءىشى - سىرتىنداعى كينو - تەلەۆيزيا سيلىعىنا يە بولدى.
جۇڭگو جازۋشىلار قوعامى 2013 - جىلدان باستاپ «جۇڭگو از ۇلتتار ادەبيەتىن دامىتۋ ينجەنەرياسىن» اتقارۋعا ۇيىمداستىرىپ، ءتۇيىندى تۋىندى تاقىرىبىنان 578 ءتۇردى تاڭداپ، از ۇلتتار ادەبيەتى بويىنشا 80 ءتول تۋىندىنى باسپادان شىعارۋعا قارجىلاي كومەكتەستى؛ «جۇڭگو از ۇلتتار ادەبيەتى جۇلدىزىنان» 20 كىتاپتى تاڭداپ باسپادان شىعاردى، بۇل 50 جاستان تومەنگى 20 از ۇلت ورتا جاس جازۋشىلارىن قامتىدى؛ «جاڭا داۋىردەگى جۇڭگو از ۇلت ادەبي شىعارمالارىنان تاڭدامالىلاردىڭ» 60 ءبولىمىن رەداكسيالاپ باسپادان شىعاردى، بۇعان 55 از ۇلتتان 2 مىڭ 218 اۆتوردىڭ 4 مىڭ 279 تۋىندىسىن ەنگىزدى.
بارلىق گۇل شەشەك اتىپ، جالپى جارىسا ءۇن قاتقان از ۇلتتار ادەبيەت باقشاسى جالىندى ومىرشەڭدىك كۇشكە يە بولدى. «ۇلتتار ادەبيەتى» جۋرنالى قالىڭ از ۇلت جازۋشىلارىن ىنتىماقتاستىرىپ، ۇيىستىرىپ، رەالدىقتى بەينەلەيتىن، ءداۋىردى جىرلايتىن ءبىر توپ تاڭداۋلى تۋىندىلاردى جارىققا شىعاردى. پارتيانىڭ 18 - قۇرىلتايىنان بەرى «ۇلتتار ادەبيەتىنىڭ» حانزۋشا باسىلىمى رومان، شالقىما، ولەڭ، شولۋ، دەرەكتى ادەبيەت، مالىمەت ادەبيەتى سياقتى ءبىر مىڭ 901 پارشا تۋىندىنى جاريالادى، 5 از ۇلت تىلىندەگى باسىلىمى رومان، شالقىما، ولەڭ، شولۋ، بالالار ادەبيەتى، مالىمەت ادەبيەتى، اۋدارما تۋىندى سياقتى جالپى 2 مىڭ 642 پارشا تۋىندىنى جاريالادى. سونىمەن بىرگە، ىشكى موڭعۇل، گۋاڭشي، شيزاڭ، نيڭشيا، شينجياڭ سىندى 5 از ۇلت اۆتونوميالى رايونى ولكە دارەجەلى ادەبي جۋرنالداردى بەلسەنە ويداعىداي شىعارۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
