قوعامدىق كاپيتالدى اۋىل - قىستاققا ءتۇسىرۋ قىبىلاناماسى
− اۋىل شارۋاشىلىعى، اۋىل - قىستاق مينيسترلىگىنىڭ مينيسترى حان چاڭفۋ اۋىل - قىستاققا قارجى قوسىپ، شارۋاشىلىقتى گۇلدەندىرۋ زور اۋقىمىنا تالداۋ جاسادى
2019.11.20 15:52 كەلۋ قاينارى : حالىق تورابى
شينحۋا اگەنتتىگى، 11 – ايدىڭ 19 – كۇنى، نانجيڭ. تاقىرىبى: قوعامدىق كاپيتالدى اۋىل - قىستاققا ءتۇسىرۋ قىبىلاناماسى
− اۋىل شارۋاشىلىعى، اۋىل - قىستاق مينيسترلىگىنىڭ مينيسترى حان چاڭفۋ اۋىل - قىستاققا قارجى قوسىپ، شارۋاشىلىقتى گۇلدەندىرۋ زور اۋقىمىنا تالداۋ جاسادى
شينحۋا اگەنتتىگىنىڭ تىلشىلەرى دۇڭ جۇن، جاۋ جيۋلۇڭ
كەڭ - بايتاق دالا قارجى قوسىپ، شارۋاشىلىقتى گۇلدەندىرۋدىڭ قۇتتى مەكەنىنە اينالدى. اۋىل شارۋاشىلىعى، اۋىل - قىستاق مينيسترلىگىنىڭ ساناعىنا قاراعاندا، پارتيانىڭ 18 - قۇرىلتايىنان بەرى قوعامدىق كاپيتال بويىنشا اۋىل - قىستاققا تۇسىرىلگەن نەگىزگى تۇلعا 150 مىڭنان اسىپ، قوسقان جالپى قارجى سوماسى 2 تريلليون يۋاننان اسقان.
قوعامدىق كاپيتالدى اۋىل - قىستاققا تۇسىرۋدەگى ءتۇيىندى سالالار قايسىلار؟ اۋىل - قىستاقتى گۇلدەندىرۋ ستراتەگياسىنا قاتىناسۋ بارىسىندا قايتكەندە ەكونوميكالىق جانە قوعامدىق ونىمدىلىككە قول جەتكىزۋگە بولادى؟ 11 - ايدىڭ 19 - كۇنى نانجيڭدە وتكىزىلگەن مەملەكەتتىك جاڭاشا شارۋالاردىڭ جاڭا تەحنيكا جانە يگىلىك، جاڭالىق جاراتۋ تالقى مىنبەسىندە اۋىل شارۋاشىلىعى، اۋىل - قىستاق مينيسترلىگىنىڭ مينيسترى حان چاڭفۋ اۋىل - قىستاققا قارجى قوسىپ، شارۋاشىلىقتى گۇلدەندىرۋ جاعدايى مەن قاتىستى ساياساتتارعا جان - جاقتى تۇسىنىك جاسادى.
قارجى قوسۋ كوپ نەگىزدەندى، ۇلگىسى الۋان ءتۇرلى، سالاسى كەڭ
حان چاڭفۋ بىلاي دەپ تانىستىردى: قوعامدىق كاپيتالدى اۋىل - قىستاققا جەتكىزۋ تىڭ ءىس ەمەس، رەفورما جاساپ، قاقپا اشقاننان بەرى ىلگەرىندى - كەيىندى ءۇش رەت ونەركاسىپ - ساۋدا كاسىپورىندارى مەن كاپيتالىن اۋىل - قىستاققا ءتۇسىرۋ ورلەۋى كوتەرىلدى. وتكەن عاسىردىڭ 80 - جىلدارىنىڭ باسىندا كوپتەگەن مەملەكەت مەنشىگىندەگى كاسىپورىندار «جەكسەنبىلىك ينجەنەرلەر» سياقتى فورمالار ارقىلى دارىندىلاردى، تەحنيكانى جانە قارجىنى اۋىل - قىستاققا الا كەلىپ، اۋىل - قالاشىق كاسىپورىندارىنىڭ تىڭنان كوتەرىلۋىنە دەم بەردى. 90 - جىلداردا قىرۋار قوعامدىق كاپيتال اۋىل شارۋاشىلىعىنىڭ «ءوندىرۋ، مانەرلەۋ، ساتۋ، قىزمەت وتەۋ، ساۋدا، ونەركاسىپ، اۋىل شارۋاشىلىعى، ساياحات» ىستەرىن ءبىر تۇلعالاندىرۋعا قاتىناسىپ، اۋىل شارۋاشىلىعىنىڭ كاسىپ سالالانۋىن، بازارلانۋىن جەبەيتىن ماڭىزدى كۇشكە اينالدى. پارتيانىڭ 18 - قۇرىلتايىنان بەرى جاڭا ءبىر تولقىن قوعامدىق كاپيتال اۋىل شارۋاشىلىعىنا كىردى، شارۋا جۇمىسكەرلەر اۋىلىنا قايتىپ يگىلىك جاراتتى، ونەركاسىپ - ساۋدا كاسىپورىندارى اۋىلدارعا بارىپ يگىلىك جاراتتى، ستۋدەنتتەر يگىلىك جاراتتى، اۋىل - قىستاق ساڭلاقتارى اۋىلدا يگىلىك جاراتتى.
وسى رەت اۋىل - قىستاققا تۇسكەن قوعامدىق كاپيتالدا ءداستۇرلى اۋىل شارۋاشىلىق كاسىپورىندارى دا، قورا - جاي، ينفورماتسيا، ەلەكتروندىق ساۋدا سياقتى كاسىپورىنداردىڭ سالا اتتاپ قارجى قوسۋى دا، سونداي - اق قاتىستى كاسىپتىك تەحنيكا، قوعامدىق قىزمەت وتەۋ، فينانس قۇرىلىمدارى دا بار.
اۋىل - قىستاققا تۇسكەن قوعامدىق كاپيتال كاسىپپەن شۇعىلدانۋمەن عانا تىنباي، سۋىق كۇيدە زات جەتكىزۋ قۇرىلعىلارى مەن الەۋمەتتىك يگىلىك سيپاتتى قىزمەت وتەۋگە دە قارجى قوسىپ، اۋىل - قىستاقتىڭ تۇرعىن ءۇي ورتاسىن، اۋىل - قىستاق نەگىزدىك قۇرىلعىلارىنىڭ دارەجەسىن جوعارىلاتۋدى جانە الەۋمەتتىك قىزمەت وتەۋدى جاقسارتۋدى جەبەۋمەن بىرگە، اۋىل - قىستاق فينانسىنىڭ دامۋىن جەبەپ، اۋىل - قىستاقتىڭ كوتەرمەگە العان جەرى، قورا - جايلىق جەرى جانە كوللەكتيۆتىك قۇرىلىسقا پايدالانىلاتىن جەر رەفورماسىن تەرەڭدەتۋدى جەبەيدى.
قوعامدىق كاپيتالدىڭ اۋىل - قىستاقتى كوركەيتۋگە ات سالىسۋ كەڭىستىگى كەڭ
اۋىل - قىستاقتا قارجى قوسىپ، شارۋاشىلىقتى گۇلدەندىرۋ ورايى پىسىپ - جەتىلدى. حان چاڭفۋ بۇل جونىندە ەگجەي - تەگجەيلى تالداۋ جاسادى.
ساياساتتىق ورتادان الىپ قاراعاندا، پارتيا ورتالىق كوميتەتى مەن مەملەكەتتىك كەڭەس اۋىل شارۋاشىلىعىن، اۋىل - قىستاقتى الدىمەن دامىتۋدا تاباندى بولىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، اۋىل - قىستاقتى جاپپاي دوڭگەلەك داۋلەتتى قوعام قۇرۋدا ولقىلىقتاردى تولىقتايتىن ماڭىزدى ءوڭىر ەتىپ، قالا مەن اۋىل - قىستاقتىڭ بايلىق فاكتورىنىڭ ءادىل ورنالاسۋىن تەجەيتىن بوگەت بىرتىندەپ تالقاندالدى.
بازار سيىمدىلىعىنان قاراعاندا، بۇكىل ەل بويىنشا 2 مىڭ 800 دەن استام اۋدان، 40 مىڭعا جۋىق اۋىل - قالاشىق، 580 مىڭ اكىمشىلىك قىستاق بار، تاعى 560 ميلليون ادام اۋىل - قىستاقتا جاسايدى. اۋىل - قىستاقتى كوركەيتۋدىڭ شىمىلدىعى اشىلدى، قالا مەن اۋىل اراسىنداعى پارىق بىرتىندەپ ازايۋدا.
بازار سۇرانىسىنان قاراعاندا، قورەكتىگى اقاۋسىز، ساپالى، جاسىل بولۋ سىندى ەرەكشەلىكتەرگە يە اۋىل شارۋاشىلىق ونىمدەرى، تۇنىق سۋ، جاسىل تاۋ، كوركەم اۋىل شارۋاشىلىعى كورىنىستەرى، اۋىل - قىستاقتىڭ جانعا جايلى ورتاسى، حالىقتىق سالتى، قاراپايىم ەگىنشىلىك مادەنيەتى كۇن سايىن تاپشى بايلىققا اينالىپ، بارعان سايىن قارسى الىنۋدا.
قارجى قوسۋ مۇمكىندىگىنەن قاراعاندا، قوعامدىق كاپيتالدىڭ اۋىل - قىستاق شارۋاشىلىعىنىڭ دامۋىنا قارجى قوسۋىنا دا، اۋىل شارۋاشىلىق ونىمدەرىن قامبادا ساقتاپ، جاس كۇيىندە ساقتاۋ، سۋىق كۇيىندە زات جەتكىزۋ، جوعارى ولشەمدى ەگىس اتىزى، اۋىل - قىستاق لاس سۋىن ءبىر جاقتى ەتۋ سياقتى بەلگىلى پايدا الاتىن نەگىزدىك قۇرىلعىلار قۇرىلىسىنا دا ات سالىسۋىنا، قىستاق جوباسى، وقۋ - اعارتۋ، زەينەتكەرلىك، اۋىل - قىستاق ساياحاتى، ەلەكتروندىق ساۋدا تۇتىنىمى سياقتى قىزمەت وتەۋ كاسىپتەرىن دامىتۋىنا دا بولادى.
قارجى قوسۋ شارت - جاعدايىنان قاراعاندا، اۋىل - قىستاقتىڭ قاتىناس، حابارلاسۋ، ينفورماتسيا سياقتى نەگىزدىك قۇرىلعىلارى ۇزدىكسىز جاقسارىپ، زات اينالىمى، تاسىمالى اناعۇرلىم قولايلى بولدى، ونىڭ ۇستىنە ادام كۇشى، جەر سياقتىلاردىڭ وزىندىك قۇنى سالىستىرمالى تومەن، بۇدان تىس 15 ميلليون ساپالى ەگىنشى مەن 3 ميلليون 500 مىڭ جاڭاشا تيجارات تۇلعاسى قوعامدىق كاپيتالمەن ءونىمدى توعىستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
