كوز الداعى جاعدايدى دا، بولاشاق جاعدايدى دا باسقارىپ، ەگىنشىلەردىڭ ءوندىرىستى دامىتۋ سەنىمىن كۇشەيتەيىك
جەردى كوتەرمەگە الۋ قاتىناسىنىڭ ۇزاق ۋاقىت وزگەرمەۋى كەلەلى ۇندەۋ سانالادى (ساياساتتىق تۇسىنىك)
«حالىق گازەتىنىڭ» ءتىلشىسى يۇي جيڭشيان
2019.11.29 15:01 كەلۋ قاينارى : حالىق تورابى
جەر قاتىناسى − اۋىل - قىستاقتاعى ەڭ نەگىزگى وندىرىستىك قاتىناس، جەر ءتۇزىمىن وزەك ەتكەن نەگىزگى شارۋاشىلىق ءتۇزىمى − پارتيانىڭ اۋىل - قىستاقتاعى ساياساتىنىڭ ىرگە تاسى. بىرنەشە كۇننىڭ الدىندا «ج ك پ ورتالىق كوميتەتىنىڭ، مەملەكەتتىك كەڭەستىڭ جەردى كوتەرمەگە الۋ قاتىناسىنىڭ ورنىقتىلىعىن ساقتاۋ جانە ونى ۇزاق ۋاقىت وزگەرتپەۋ جونىندەگى پىكىرى» (تومەندە قىسقاشا «پىكىر» دەلىنەدى) رەسمي جاريالاندى. 11 - ايدىڭ 28 - كۇنى وتكىزىلگەن مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە ورتالىق اۋىل شارۋاشىلىعى كەڭسەسىنىڭ مەڭگەرۋشىسى، اۋىل شارۋاشىلىعى، اۋىل - قىستاق مينيسترلىگىنىڭ مينيسترى حان چاڭفۋ جانە اۋىل شارۋاشىلىعى، اۋىل - قىستاق مينيسترلىگى پارتيا باسشىلىق گرۋپپاسىنىڭ مۇشەسى، قوسىمشا ورتالىق اۋىل شارۋاشىلىعى كەڭسەسى حاتشىلار مەكەمەسىنىڭ باستىعى ۋ حۇڭياۋ وسى جونىندە قاتىستى تۇسىنىك جاسادى.
«استە اۋىتقىمايتىن» ماڭىزدى تۇزىمدىك جوبا
اقپار جاريالاۋ ماجىلىسىندە بىلاي دەپ اتاپ كورسەتىلدى: وسى رەتكى «پىكىردىڭ» جاريالانۋىنىڭ ماڭىزى زور، ىقپالى تەرەڭ. حان چاڭفۋ تانىستىرىپ بىلاي دەدى: «پىكىردەگى» ۇزاق ۋاقىت وزگەرتپەۋ ساياساتتىڭ ءمانىن «ەكىنى وزگەرتپەۋ، ءبىردى ورنىقتىرۋ» دەپ جيناقتاۋعا بولادى: جەردى كوللەكتيۆ مەنشىكتەنۋ، وتباسىلار كوتەرمەگە الىپ شارۋاشىلىق جۇرگىزۋ سىندى نەگىزگى ءتۇزىم ۇزاق ۋاقىت وزگەرمەيدى؛ ەگىنشىلەردىڭ كوللەكتيۆ جەرىن زاڭ بويىنشا كوتەرمەگە الۋ نەگىزگى ۇقىعى ۇزاق ۋاقىت وزگەرمەيدى؛ ەگىنشىلەردىڭ كوتەرمەگە العان جەرىنىڭ ورنىقتىلىعى ساقتالادى.
«پىكىردە» وتباسىلار كوتەرمەگە الىپ شارۋاشىلىق جۇرگىزۋ ءتۇزىمىن بەكەمدەۋدىڭ جانە كەمەلدەندىرۋدىڭ نەگىزگى بەتالىسى ايقىندالىپ، جەردى كوتەرمەگە الۋ قاتىناسىنىڭ ۇزاق ۋاقىتتىق ورنىقتىلىعىن ساقتاۋدىڭ نەگىزگى پرينسيبى ايقىندالدى، مۇنى اۋىل - قىستاق جەر ساياساتى جونىندەگى كەلەلى مالىمدەمە، كوز الداعى جاعدايدى دا، بولاشاق جاعدايدى دا باسقارۋدىڭ ۇلگىسى، «استە اۋىتقىمايتىن» ماڭىزدى تۇزىمدىك جوبا دەۋگە بولادى. حان چاڭفۋ مىنانى ءبىلدىردى: جەردى كوتەرمەگە الۋ قاتىناسىن ۇزاق ۋاقىت ورنىقتىرىپ، ەگىنشىلەردىڭ جەردى كوتەرمەگە الۋ ۇقىق - مۇددەسىن تولىق قامتاماسىزداندىرىپ، اۋىل - قىستاق جەرىن كوتەرمەگە الىپ شارۋاشىلىق جۇرگىزۋ ءتۇزىمىن كەمەلدەندىرۋ ءارى ەگىنشىلەردىڭ ءوندىرىستى دامىتۋ سەنىمىن ارتتىرۋعا، كوڭىلىن ورنىقتىرۋعا، ءارى اۋىل - قىستاق جەرىن اينالىمعا سالۋدى جەبەۋگە، لايىقتى كولەمدەگى شارۋاشىلىقتى دامىتۋعا، اۋىل - قىستاقتىڭ باياندى تىنىشتىعىن قامتاماسىزداندىرۋعا ءتيىمدى.
تانىستىرۋعا قاراعاندا، ەلىمىزدە قازىر اۋىل - قىستاقتا كوتەرمەگە بەرىلگەن ءبىر ميلليارد 500 ميلليون مۋدان استام جەر بار بولىپ، بۇل 200 ميلليونعا جۋىق ەگىنشى وتباسىلارىنا سايادى ەكەن. ەكىنشى رەتكى كوتەرمەگە الۋ 1993 - جىلدان باستالىپ، 1999 - جىلى نەگىزىنەن اياقتالعان. ەگەر كوتەرمەگە الۋ مەرزىمى 30 جىل بويىنشا ەسەپتەلسە، 2023 - جىلعا بارعاندا كوپ ساندىسىنىڭ مەرزىمى تولادى، ۋاقىتى تولۋدىڭ قاۋىرت مەزگىلى 2026 - جىلدان 2028 - جىلعا دەيىنگى ارالىققا شوعىرلانادى. پارتيا 19 - قۇرىلتايىنىڭ بايانداماسىنان كەيىن، وسى رەتكى «پىكىردە» مىناۋ اناعۇرلىم ايقىندالدى: جەردى 2 - كەزەكتى كوتەرمەگە الۋ مەرزىمى تولعاننان كەيىن تاعى 30 جىل ۇزارتىلىپ، اۋىل - قىستاق جەرىن كوتەرمەگە الۋ قاتىناسى 1 - كەزەكتى كوتەرمەگە الۋدان باستاعاندا 75 جىلعا ورنىقتى سوزىلادى.
«بۇل − ‹ۇزاق ۋاقىت وزگەرتپەۋدىڭ› كەلەلى شاراسى ءارى ناقتى ايگىلەنۋى» دەدى حان چاڭفۋ. «پىكىردە» تاعى دا بىلاي دەپ بەلگىلەندى: جەردى ەكىنشى كەزەكتى كوتەرمەگە الۋ مەرزىمى تولعاننان كەيىن كوتەرمەگە الۋ مەرزىمىن ۇزارتۋ پرينسيبىندە تاباندى بولۋ كەرەك، كوتەرمەگە العان جەردى قايتادان الباتى بولۋگە بولمايدى، باسىم كوپ ساندى ەگىنشىلەردىڭ بۇرىنعى كوتەرمەگە العان جەرىنىڭ ءۇرتىس ورنىقتى بولۋىنا شىنايى كەپىلدىك ەتۋ كەرەك، ونىڭ ۇستىنە ەكىنشى كەزەكتى كوتەرمەگە الۋ مەرزىمىن ۇزارتۋدى باستاما ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
