بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

جاڭا كەزەكتى ەمدەۋ قامسىزداندىرۋىنداعى ءدارى - دارمەكتى بازارعا ەنگىزۋ كەلىسسوزىنىڭ ناتيجەسى جاريالاندى

باعالى دارىلەردىڭ ءتيىمدى باعاسى قالاي شىعارىلادى (ساياساتتىق تۇسىنىك)

«حالىق گازەتىنىڭ» ءتىلشىسى لي حۇڭمي

2019.12.02 16:45     كەلۋ قاينارى : حالىق تورابى

  تاياۋدا مەملەكەتتىك ەمدەۋ قامسىزداندىرۋ مەكەمەسى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى «2019 - جىلعى كەلىسسوز جاسالعان ءدارى - دارمەكتى ‹مەملەكەتتىڭ نەگىزدىك ەمدەۋ قامسىزداندىرۋى، جۇمىس ۇستىندە جارالانۋ قامسىزداندىرۋى جانە تۋىت قامسىزداندىرۋى ءدارى - دارمەكتەرى تىزىمدىگىندەگى› B تۇردەگى كولەمگە ەنگىزۋ جونىندەگى ۇقتىرۋدى» باسىپ تاراتىپ، كەلىسسوز جاسالعان ءدارى - دارمەكتىڭ بازارعا كىرۋ ناتيجەسىن رەسمي جاريالادى. جاڭا ۇلگىدەگى ءدارى - دارمەك تىزىمدىگىندە قانداي كورىنەۋ تۇيىندەر بار، قاي كەزدە تياناقتانادى؟ ناۋقاستارعا قانداي ناقتى ىقپال جاسايدى؟ قاتىستى تاراۋلاردىڭ جاۋاپتىلارى مەن كاسىپتىك ماماندار بۇل جونىندە تۇسىنىك جاسادى.

  ● باسىم كوپ ساندىسى جاقىنعى جىلداردان بەرى بازارعا شىعارىلعان جاڭا ءدارى

  بۇل جولعى كەلىسسوز جيىنى 150 ءدارى - دارمەككە سايادى، بۇل 119 جاڭادان قوسىلعان كەلىسسوز ءدارىسى مەن كەلىسسوزى جالعاسقان 31 ءدارىنى قامتيدى. كەلىسسوزگە جاڭادان 70 ءدارى - دارمەك قوسىلىپ، باعاسى ورتا ەسەپپەن %60.7 تومەندەدى؛ مۇنىڭ ىشىندە ءۇش تۇردەگى C تيپتى باۋىر قابىنۋعا قولدانىلاتىن ءدارى باعاسىنىڭ تومەندەۋ شاماسى ورتا ەسەپپەن %85 تەن جوعارى، وسپە، قانتتى نەسەپ اۋرۋى قاتارلىلاردى ەمدەۋگە قولدانىلاتىن دارىلەر باعاسىنىڭ تومەندەۋ شاماسى ورتا ەسەپپەن %65 اينالاسىندا بولادى. كەلىسسوزى جالعاسقان ءدارى - دارمەك 27 بولىپ، باعاسى ورتا ەسەپپەن %26.4 تومەندەدى.

  مەملەكەتتىك ەمدەۋ - دەنساۋلىق ساقتاۋ مەكەمەسى ءدارى - دارمەك قىزمەت وتەۋ تارماق مەكەمەسىنىڭ باستىعى شيۇڭ شيانجۇن بىلاي دەپ تانىستىردى: وسى رەتكى كەلىسسوزى ءساتتى بولعان ءدارى - دارمەكتىڭ كوبى جاقىنعى جىلداردان بەرى جاڭادان بازارعا شىعارىلعان ءارى ءبىرشاما جوعارى كلينيكالىق قۇنعا يە دارىلەر بولىپ، راك، سيرەك كەزدەسەتىن اۋرۋلار، رەۆماتيزمدىك يممۋنيتەت، جۇرەك - مي قان تامىر اۋرۋلارى، اس قورىتۋ سياقتى 10 نەشە كلينيكالىق ەمدەۋ سالاسىنا سايادى. ءتۇيىندى سالالارداعى 5 نەگىزگى ءدارى - دارمەك كەلىسسوزى ءساتتى بولدى، 22 راكءدارىسى، سيرەك كەزدەسەتىن 7 ءدارى - دارمەك، 14 ءتۇرلى سوزىلمالى اۋرۋ (قانتتى نەسەپ اۋرۋى، B تيپتى باۋىر قابىنۋى، رەۆماتيزمدىك بۋىن قابىنۋ سياقتىلاردى قامتيدى) ءدارى - دارمەگى، 4 بالالار ءدارى - دارمەگى كەلىسسوزى ءساتتى جاسالىپ، مازمۇن قۇرىلىمى اناعۇرلىم ساپالىلاندى.

  بۇل جولعى كەلىسسوزى ءساتتى جاسالعان دارىلەردىڭ كوبى 2018 – جىلى جاڭادان بازارعا شىعارىلعان. مىسالى، ەمدەۋ قامسىزداندىرۋىنا كىرگەن بىردەن - ءبىر PD—1 تۇردەگى وسپە يممۋنيتەتىن ەمدەۋ ءدارى - دارمەگى ديلي ۋكولى، بۇل ءدارى مەملەكەتتىڭ كەلەلى عىلىم - تەحنيكا ارناۋلى نىسانى − «كەلەلى جاڭا ءدارى جاساۋدىڭ» ناتيجەسى، وتكەن جىلى 12 - ايدا عانا بازارعا شىعارىلدى. كلينيكالىق ءونىمى ءبىرشاما جاقسى بولعان يممۋنيتەت تۇرىندەگى وسپە ءدارىسى سانالاتىن وسى ۋكول ەمدەۋ قامسىزداندىرۋىنا كىرسە، ءتىپتى دە كوپ ناۋقاستىڭ يممۋنيتەتتىك ەمدەلۋىنە كومەكتەسەدى.

  وتكەن جىلى 18 وسپەنى ەمدەيتىن ءدارى - دارمەكتىڭ ەمدەۋ قامسىزداندىرۋىنا رۇقسات ەتۋ كەلىسسوزىندە، جىلىك مايىن تالشىقتاندىراتىن اۋرۋلاردى ەمدەۋگە پايدالانىلاتىن ءدارى − فوسفور قىشقىل رۋكوتيني كەلىسسوزى ءساتتى بولماعان بىردەن - ءبىر ءدارى - دارمەك بولدى. بيىلعى كەلىسسوزدە بۇل دارىگە قاراتا دۇنيە ءجۇزى بويىنشا ەڭ تومەنگى باعا بەلگىلەنىپ، ەمدەۋ قامسىزداندىرۋى تىزىمدىگىنە ءساتتى ەنگىزىلدى. وسى سەرىكتەستىكتىڭ قاتىستى جاۋاپتىسى تانىستىرىپ بىلاي دەدى: جاڭا ءدارى – دارمەكتىڭ ەمدەۋ قامسىزداندىرۋ تىزىمىنە كىرۋ مەرزىمى زور مولشەردە قىسقارىپ، كاسىپورىنداردىڭ ءدارى – دارمەكتى زەرتتەپ اشۋ سەنىمى اناعۇرلىم كۇشەيدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار