ايباتتى دا وركەنيەتتى «شامگۇل قورعاۋشىلارى»
ــ جۇڭگو حالىق ازاتتىق ارمياسىنىڭ اۋمىنعا كىرىپ، بورىشتارىن ادالدىقپەن وتەپ جاتقانىنا 20 جىل تولۋىنا وراي
«حالىق گازەتىنىڭ» ءتىلشىسى ني گۋاڭحۇي
2019.12.10 16:23 كەلۋ قاينارى : حالىق تورابى
تاڭعى ساعات 6 مولشەرى، اۋمىندا تۇراتىن ارميانىڭ جاڭا شەكارا وتكەلى عيماراتىندا بەس جۇلدىزدى نارت قىزىل تۋ ءدال ۋاعىندا كوتەرىلدى. قارسى الدىنداعى اۋمىن تۇبەگىنىڭ بيىك جەرىنە ورنالاسقان دۇڭۋاڭياڭ شامدى مۇناراسىمەن ۇندەستىك تاپتى.
20 جىلدىڭ الدىندا، 400 جىلدان استام ۋاقىت اۋمالى - توكپەلى بارىستى باسىپ وتكەن بەرگى اۋمىننىڭ وتان قۇشاعىنا ورالۋى قۇشاعىندا جۇڭگو حالىق ازاتتىق ارمياسى اۋمىنعا سالتاناتپەن كىرىپ، اۋمىن ەرەكشە اكىمشىلىك رايونىنىڭ قورعانىس ىستەرىن اتقارۋ جانە اۋمىننىڭ ۇزاق ۋاقىتتىق گۇلدەنۋى مەن ورنىقتىلىعىن قورعاۋ سىندى تاريحي اۋىر مىندەتتى ۇستىنە الدى.
20 جىلدان بەرى سۇڭجياڭ وزەنى جوڭكىلە اعىپ، ارميا تۋى ايشىقتالا جەلبىرەپ كەلەدى. وتانىمىزدىڭ وڭتۇستىك تەڭىز جاعالاۋىنا ورنالاسقان اۋمىن سىندى وسى جارقىراعان مەرۋەرت بۇرىن - سوڭدى بولماعان ومىرشەڭدىك كۇشىن ايگىلەۋدە.
جاپا - ماشاقات ادالدىقتى سومدادى. 20 جىلدان بەرى، اسىرەسە، پارتيانىڭ 18 - قۇرىلتايىنان بەرى «ءبىر ەل، ەكى ءتۇزىم» باعىتىنىڭ كۋاگەرى، امالياتتا ايگىلەۋشىسى جانە قورعاۋشىسى رەتىندە اۋمىندا تۇراتىن اسكەري ءبولىم ءتوراعا شي جينپيڭنىڭ ىقىلاستى تاپسىرىعىن ەستە بەرىك ساقتاپ، حاۋجياڭ وزەنى بويىندا ۇدەرە العا تارتىپ، قورعانىس ىستەرىن ءونىمدى اتقاراتىن سايلاۋىت قوسىن قۇرۋعا قۇلشىنىپ، ايباتتى دا وركەنيەتتى «شامگۇل قورعاۋشىلارى» دەپ اتالىپ، ءىس جۇزىندىك ارەكەتتەرى ارقىلى پارتيا مەن حالىققا تولىمدى جاۋاپ قايتاردى!
باستان - اياق تۋدى ايقىن تۋ ۇستاي وتىرىپ ساياسيدى دارىپتەدى، اۋەلگى ماقساتتان جازباۋدى ماڭداي الدى ورىنعا قويدى −
قۇرىشتاي شىڭدالعان ادال قورعاۋشىلار
ىمىرت ءۇيىرىلدى، ءتۇن ىشىندە كۇندىزگىدەي جايناپ تۇراتىن قالادا شىراق نۇرى اسكەري كازارمادا كۇزەتتە تۇرعان جاس جاۋىنگەرلەردىڭ ءجۇزىن ايقىن كورسەتىپ تۇر.
وسى ارادا ءتىلشى اسكەري ءبولىمنىڭ ەرەكشە ورتاسىن شىنايى سەزىندى. «دەنەتاربيە الاڭى قۇمار الاڭىمەن، قۇرمەت زالى شىركەۋمەن، كازارما عيماراتى شاراپحانامەن تۇسپا - تۇس ورنالاسقان». جاڭا شەكارا وتكەلىنىڭ كازارماسى پۋجيڭ سياقتى 21 ويىن - ساۋىق الاڭىنا جاقىن، چانزاي كازارماسىنىڭ قاقپاسى ازياداعى ەڭ ۇلكەن قۇمارحانا ۆەنەتسيالىقتارمەن، يىنحى قوناقجايىمەن قاراما - قارسى تۇر، ەڭ جاقىن جەرى كازارما قاقپاسىمەن جول ارقىلى عانا ءبولىنىپ تۇر.
اۋمىن سىندى وسىنداي ەرەكشە ورتادا قورعانىس مىندەتىندە تۇرۋ، سەنىمدى بەكەمدەۋ، تابان تىرەپ تۇرۋ، وتە - موتە ماڭىزدى، توتەنشە رەال، ەرەكشە ساياسي تالاپ. 20 جىلدان بەرى اۋمىندا تۇراتىن ارميانىڭ ءار كەزەكتى پارتكومى ساياسي ارقىلى ارميا قۇرۋ سىندى ءتۇبىرلى تالاپتان اۋىتقىماي، تۋدى ايقىن ۇستاي وتىرىپ ساياسيدى دارىپتەۋدى ءبىرىنشى ورىنعا قويىپ، پارتيانىڭ قولباسشىلىعىنا قۇلاق اسۋدى ءبىرىنشى ولشەم ەتىپ، نازاريامەن قارۋلانۋدى ۇزدىكسىز كۇشەيتىپ، تاربيەلەۋ فورماسىندا جاڭالىق جاراتىپ، كوماندير - جاۋىنگەرلەردىڭ پارتيانىڭ سوزىنە قۇلاق اسۋ، پارتياعا ىلەسۋ يدەيالىق - ساياسي نەگىزىن بەكەمدەۋىنە كومەكتەسىپ، قوسىننىڭ مۇلدەم ادال، مۇلدەم پاك، مۇلدەم سەنىمدى بولۋىنا كەپىلدىك ەتتى.
تانىستىرۋعا قاراعاندا، 20 جىلدان بەرى اۋمىندا تۇراتىن ارميا توڭكەرىستىك اسكەريلەردىڭ وزەكتى قۇن كوزقاراسى جونىندەگى جەلىلەس تاربيە مەن پارتيا تاريحىنا، ارميا تاريحىنا، توڭكەرىس تاريحىنا مۇراگەرلىك ەتۋ تاربيەسىن ۇنەمى ورىستەتىپ، تاڭداۋلى پارتيا ساباعىن ۇزبەي ۇيىمداستىرىپ، بۇقارالىق نازاريانى جالپىلاستىرۋدى كۇشەيتىپ، اسكەري كورمە سارايى مەن ليان - دۇيلەردىڭ داڭق ءۇيى سياقتى توڭكەرىستىك شەپتى كۇشەيتىپ جانە ودان ويداعىداي پايدالانىپ، كوماندير - جاۋىنگەرلەردىڭ ساياسي سەزگىرلىگى مەن پارىقتاۋ قابىلەتىن جوعارىلاتۋعا كۇش سالىپ كەلگەن. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
