بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

كادرلار قىزمەتىنە جىل سوڭىنداعى ساناق

بيىل «70 – جىلداردىڭ تۇلەكتەرىنەن» كەمىندە 8 ادام مينيستردىڭ ورىنباسارى دارەجەسىنە ءوسىرىلدى

ورتالىقتىڭ كادر تاڭداۋ قىزمەتىنىڭ جاڭا اۋقىمىنا نازار

2019.12.20 15:48     كەلۋ قاينارى : حالىق تورابى


  جۇڭگو كوممۋنيستىك پارتياسى اقپارات تورابى، 12 – ايدىڭ 19 – كۇنى، بەيجيڭ (رىن جياحۇي) جۇڭشين توبى باس ديرەكتورىنىڭ ورىنباسارى، «70 – جىلداردىڭ تۇلەگى» حۋاڭ جىچياڭ ىشكى موڭعۇل اۆتونوميالى رايونى ءتوراعاسىنىڭ ورىنباسارى بولىپ تاعايىندالدى.

  بۇل حۋاڭ جىچياڭنىڭ قىزمەتىنىڭ بيىل ەكىنشى رەت اۋىستىرىلۋى. حۋاڭ جىچياڭ چيڭحۋا ۋنيۆەرسيتەتىنەن وقۋ تاۋىسقان، جۇڭگو بانكەسى جىجياڭ بولىمشە بانكەسى باستىعىنىڭ ورىنباسارى، لياۋنيڭ بولىمشە بانكەسىنىڭ باستىعى، جۇڭگو ەكسپورتتىق – نەسيەلىك قامسىزداندىرۋ سەرىكتەستىگى باس ديرەكتورىنىڭ ورىنباسارى قاتارلى مىندەتتەردى اتقارعان، بيلى 7 – ايدا جۇڭشين توبى شەكتى سەرىكتەستىگى باس ديرەكتورىنىڭ ورىنباسارى بولىپ تاعايىندالعان.

  ىشكى موڭعۇل اۆتونوميالى رايونى ءتوراعاسىنىڭ ورىنباسارى بولىپ تاعايىندالعان 1970 – جىلدىڭ تۇلەگى حۋاڭ جىچياڭ «70 – جىلداردىڭ تۇلەكتەرىنەن» بيىل 8 – بولىپ مينيستردىڭ ورىنباسارى دارەجەسىنە وسىرىلگەن كادر.

  جوعارىداعى 8 كادردىڭ ىشىندە، پۋ يۇيفەيدى مىندەتكە تاعايىنداۋ جونىندەگى حابار دا 12 – ايدا جاريالاندى. پۋ يۇيفەي زاڭ عىلىمىنىڭ دوكتورى، جوعارى دارەجەلى ەكونوميس، 2016 – جىلى 11 – ايدا، مەملەكەتتىك دامۋ – رەفورما كوميتەتىنىڭ كاسىپتەنۋ جانە كىرىس ءبولىسى مەڭگەرمەسىنىڭ باستىعى مىندەتىن اتقارىپ جاتقان پۋ يۇيفەي ءتارتىپ تەكسەرۋ جانە باقىلاۋ جۇيەسىنە قادام تاستاپ، ورتالىق ءتارتىپ تەكسەرۋ كوميتەتى 9 – كەزەكتى ءتارتىپ تەكسەرۋ جانە باقىلاۋ كەڭسەسىنىڭ مەڭگەرۋشىسى مىندەتىن اتقارعان، وسىدان سوڭ ورتالىق ءتارتىپ تەكسەرۋ كوميتەتى 4 – كەزەكتى ءتارتىپ تەكسەرۋ جانە باقىلاۋ كەڭسەسىنىڭ مەڭگەرۋشىسى، ورتالىق ءتارتىپ تەكسەرۋ كوميتەتى جانە مەملەكەتتىك باقىلاۋ كوميتەتىنىڭ 3 – رەتكى باقىلاۋ – تەكسەرۋ كەڭسەسىنىڭ مەڭگەرۋشىسى مىندەتتەرىن اتقارعان. بيىل 11 – ايدا پۋ يۇيفەي ورتالىق ءتارتىپ تەكسەرۋ كوميتەتى جانە مەملەكەتتىك باقىلاۋ كوميتەتىنىڭ شۇعىل جاعدايلارعا توتەپ بەرۋدى باسقارۋ مينيسترلىگىندە تۇراتىن ءتارتىپ تەكسەرۋ جانە باقىلاۋ گرۋپپاسىنىڭ باستىعى بولىپ، مينيستردىڭ ورىنباسارى دارەجەسىنە ءوسىرىلدى.

  پۋ يۇيفەيدەن سىرت، بيىل مينيستردىڭ ورىنباسارى دارەجەسىنە وسىرىلگەن «70 – جىلداردىڭ تۇلەكتەرى» تۇگەل ولكە دارەجەلى ۇكىمەتتەردە ورىنباسار دارەجەسىندەگى مىندەتتەردى وتەگەن، الايدا، ولاردىڭ قىزمەت كەشىرمەلەرى ءبىر – بىرىنە ۇقسامايدى.

  فىڭ جۇڭحۋا مەملەكەتتىك حالىق قۇرىلتايىنان وسىرىلگەن. فىڭ جۇڭحۋا كەزىندە تۇرعىن ءۇي جانە قالا – اۋىل قۇرىلىسى مينيسترلىگىندە كوپ جىل قىزمەت ىستەگەن، حاينان ولكەسىنە مىندەتكە جىبەرىلەر الدىندا مەملەكەتتىك حالىق قۇرىلتايىنىڭ اۋىل شارۋاشىلىعى جانە اۋىل – قىستاق كوميتەتىنىڭ مۇشەسى بولعان. فىڭ جۇڭحۋانىڭ حاينان ولكەلىك ۇكىمەتتە اتقارعان مىندەتى دە ونىڭ قىزمەتتىك كەشىرمەسىمەن تىعىز قاتىستى — تابيعي بايلىق، جوسپارلاۋ، ءتۇرعىن ءۇي جانە قالا – اۋىل قۇرىلىسى، ورمان شارۋاشىلىعى جاقتارىندا قىزمەت اتقارعان.

  جاڭ ليلين، گى حايجياۋ، حۋاڭ جىچياڭدار ورتالىقتىڭ فينانس سالاسىنداعى كاسىپورىندارىنان كەلگەن. بيىل ۇزاق ۋاقىت بويى فينانس جۇيەسىندە قىزمەت ىستەگەن بىرنەشە كادر ولكە دارەجەلى ۇكىمەت ورىندارىندا ورىنباسار دارەجەلى مىندەت اتقارۋعا جوتكەلدى، ولاردىڭ ولكە دارەجەلى ۇكىمەت ورىندارىندا اتقارعان قىزمەتتەرى دە فينانسپەن قاتىستى، اقپارات قۇرالدارى ولاردى «ولكە باستىقتارىنىڭ فينانس سالاسىنان كەلگەن ورىنباسارلارى» دەپ اتادى، قىزمەت ءبولىسى ايقىن بولعان جاڭ ليلين، گى حايجياۋلار قازىر وسى قاتاردا — لياۋنيڭ ولكەسى باستىعىنىڭ ورىنباسارى جاڭ ليلين فينانستى باقىلاۋ – باسقارۋ قاتارلى قىزمەتتەرگە جاۋاپتى بولىپ، قىزمەت ءبولىسى بويىنشا ولكەنىڭ جەرگىلىكتى فينانستى باقىلاۋ – باسقارۋ مەكەمەسىن باسقارادى؛ حىبەي ولكەسى باستىعىنىڭ ورىنباسارى گى حايجياۋ مەملەكەت مەنشىگىندەگى مال – مۇلىكتى باقىلاۋ – باسقارۋ، جەرگىلىكتى فينانستى باقىلاۋ – باسقارۋ قاتارلى قىزمەتتەرگە جاۋاپتى بولىپ، قىزمەت ءبولىسى بويىنشا ولكەلىك مەملەكەت مەنشىگىندەگى مال – مۇلىكتى باقىلاۋ – باسقارۋ كوميتەتى، ولكەلىك جەرگىلىكتى فينانستى باقىلاۋ – باسقارۋ مەكەمەسى قاتارلىلاردى باسقارادى.

  تان ۋەيجۇڭ ورتالىققا قاراستى كاسىپورىننان كەلگەن. چيڭحۋا ۋنيۆەرسيتەتىنەن وقۋ تاۋىسقان تان ۋەيجۇڭ ۇزاق ۋاقىت بويى جۇڭگو مۇناي – حيميا سەرىكتەستىگىندە قىزمەت ىستەگەن، 2017 – جىلى جۇڭگو مۇناي – تابيعي گاز توبى سەرىكتەستىگى باس ديرەكتورىنىڭ ورىنباسارى قاتارلى مىندەتتەردى اتقارعان، بيىل 3 – ايدا گۋاڭدۇڭ ولكەسى باستىعىنىڭ ورىنباسارى بولىپ تاعايىندالعان.

  شۇي داتۇڭ، ليان ماۋجۇندەر جەرگىلىكتى ورىننان كەلگەن. شۇي داتۇڭ وسىنىڭ الدىندا ۇزاق ۋاقىت بويى تيانجيندە مىندەت اتقارعان، ليان ماۋجۇن وسىنىڭ الدىندا ۇزاق ۋاقىت بويىن لياۋنيڭدە مىندەت اتقارعان، بيىل ولكە اتتاپ، مينيستردىڭ ورىنباسارى دارەجەلى مىندەتكە ءوسىرىلۋى، ولاردىڭ تۇڭعىش رەت وزدەرى تۇرعان ولكەدەن سىرت جەردە مىندەت اتقارۋى ەسەپتەلەدى.

  بيىل وسىرىلگەن 8 كادردى قامتىعان، بۇكىل ەل كولەمىندەگى مينيستردىڭ ورىنباسارى دارەجەلى «70 – جىلدىڭ تۇلەكتەرىنەن» قازىر 20 نەشە كادر بار (كەستەگە قاراڭىز).

  «70 – جىلدىڭ تۇلەكتەرىنىڭ»، جاس كادرلەردىڭ ماڭىزدى باسشىلىق قىزمەتتەر اتقارۋى جۋىرداعى جىلداردان بەرگى ۇيىمداستىرۋ – كادرلار قىزمەتىندەگى جاڭا باعداردى بەينەلەيدى —

  جۋىردا ج ك پ ورتالىق كوميتەتى كەڭسە مەڭگەرمەسى «بۇكىل ەلىمىزدەگى پارتيا – ۇكىمەت باسشىلىق القالارى قۇرىلىسىنىڭ 2019 — 2023 – جىلدارداعى پلان جوباسىن» (تومەندە «پلان جوباسى» دەپ اتالادى) باسىپ تاراتتى. «پلان جوباسى» جاس قۇرىلىمىن كەمەلدەندىرۋدى باستى ورىنعا قويىپ، ساقا، ورتا جاستاعى، جاس كادرلاردى ۇشتاستىرىپ ساتىلى ورنالاستىرۋعا تاباندى بولىپ، ورتالىق پەن مەملەكەتتىك ورگانداردىڭ، سونداي – اق، ولاردىڭ ىشكى بولەگىندەگى مەڭگەرمە – مەكەمەلەردىڭ باسشىلىق القالارىنا، ولكە، قالا، اۋدان دارەجەلى پارتيا – ۇكىمەت باسشىلىق القالارىنا، ولكە، قالالىق پارتيا – ۇكىمەت قىزمەتى تاراۋلارىنىڭ باسشىلىق القالارىنا جاس كادرلاردى دايىنداۋ جونىندە ايقىن تالاپ قويدى. ۇزدىك جاس كادرلاردى كۇش سالا بايقاۋدى، تاربيەلەۋدى، سارالاۋدى، ۇزدىك جاس كادرلەردى سارالاۋ، جەتىلدىرۋ، باسقارۋ، ىستەتۋدىڭ تۇتاس جەلىلىك مەحانيزمىن كەمەلدەندىرۋدى باسا دارىپتەدى.

  ۇزدىك جاس كادرلاردى تاربيەلەۋ جانە سارالاۋ — زور ءىس، بۇل پارتيانىڭ تاعدىرىمەن، مەملەكەتتىڭ تاعدىرىمەن، ۇلتتىڭ تاعدىرىمەن، حالىقتىڭ باقىتىمەن تىعىز قاتىستى عاسىرلىق ۇلى ءىس. «حالىق گازەتى» باسقان شولۋ ماقالاسىندا بىلاي دەپ اتاپ كورسەتكەن: جۇڭگو كوممۋنيستىك پارتياسى تەگىنەن كادرلار قوسىنىنىڭ قۇرىلىمى ماسەلەسىنە باسا ءمان بەرىپ، جاس قۇرىلىمى جاعىندا ساقا، ورتا جاستاعى، جاس كادرلاردى ۇشتاستىرىپ، ءارقايسى جاس كەزەڭىندەگى كادرلاردىڭ رولىن ساۋلەلەندىرىپ، قىزمەتتىڭ ورنىقتىلىعىنا، ۇلاسپالىلىعىنا كەپىلدىك ەتۋدى دارىپتەپ كەلەدى. پارتيا 18 – قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى ۇزدىك جاس كادرلاردى تاربيەلەۋ مەن سارالاۋعا وسكەلەڭ ءمان بەرىپ، جاڭا ءداۋىر جاس كادرلار قىزمەتىن ويداعىداي ىستەۋدىڭ باستى تۇلعالىق وي جەلىسىن، نىسانالىق مىندەتىن، ساياساتتىق شارالارىن ايقىنداپ، ۇزدىك جاس كادرلار تولاسسىز جارىققا شىقتى.

  كەلۋ قاينارى: حالىق تورابى

  

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار