بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

الدىڭعى 11 ايدا تاپقىرلىق پاتەنت ءوتىنىشى ءبىر ميلليون 238 مىڭعا جەتتى (جاڭا ساندى مالىمەت، جاڭا بايقاۋ ⑥)

پاتەنتكە ومىرشەڭدىك كۇش قوسىپ، جاڭالىق جاراتۋعا قوزعاۋشى كۇش ۇستەدى

«حالىق گازەتىنىڭ» ءتىلشىسى گۋ يەكاي

2019.12.23 14:41     كەلۋ قاينارى : حالىق تورابى

  پاتەنت − جاڭالىق جاراتۋدىڭ ىرگە تاسى. بيىل 1 – ايدان 11 - ايعا دەيىن ەلىمىزدە ءبىر ميلليون 238 مىڭ تاپقىرلىق پاتەنتى ءوتىنىش ەتىلدى، 417 مىڭى تاپقىرلىق پاتەنتىنە ۇقىق بەرىلدى؛ 11 - ايدىڭ سوڭىنا دەيىن ەلىمىزدە ءار ون مىڭ ادامنىڭ تاپقىرلىق پاتەنتى 13.2 گە جەتىپ، «13 - بەسجىلدىق» جوسپاردا بەلگىلەنگەن 12 تاپقىرلىق پاتەنتى نىساناسى كۇنى بۇرىن ورىندالدى.

  ءبىر ميلليون 338 مىڭ تاپقىرلىق پاتەنت ءوتىنىشى نەنى بىلدىرەدى؟ بۇعان 4 سان ارقىلى تالداۋ جاساۋعا بولادى.

  «%64.7» − «بازاردىڭ الدىڭعى قاتارى ىشكەرىلەي اشىلدى، كاسىپورىن تەحنيكانىڭ ەڭ جاڭا قاجەتىنە سەزگىرلىكپەن قول جەتكىزە الاتىن بولدى» دەدى تيانزى جى - يۇن عىلىم - تەحنيكا شەكتى سەرىكتەستىگى تەحنيكالىق زەرتتەۋ - اشۋ ءبولىمىنىڭ ورىنباسار باسالقاسى جين چاۋ. ونەركاسىپ زەردەلى كاسىپورنى رەتىندە تيانزى جى - يۇن بيىل جيىنى 26 تاپقىرلىق پاتەنتىن ءوتىنىش ەتتى، بۇل زات تورابى، جيەكتىك ەسەپتەۋ، جاساندى زەردە سياقتى وزىق باعىتتى قامتىدى. سەرىكتەستىك جۇڭچى توبى چيڭداۋ سىفاڭ پاراۆوز شەكتى جارنا جاۋاپكەرلىك سەرىكتەستىگىمەن سەلبەسىپ قامال العان «جوعارى قارقىندىق پويەزدىڭ شاريكتى ساقيناسىنداعى كىناراتتى مەجەلەۋ» نىسانىندا 20 نەشە ءتۇرلى كىناراتتى پارىقتاۋدىڭ ۇلگىسى جاسالىپ، دالدىگى %90 تەن اسىپ، جوعارى قارقىندىق پويەزدى جوندەۋ، قورعاۋ وزىندىك قۇنى زور مولشەردە تومەندەتىلدى.

  بيىل 1 – ايدان 11 - ايعا دەيىن ەل ىشىندەگى تاپقىرلىق پاتەنتىن ءوتىنىش ەتۋدە كاسىپورىنداردىڭ ۇستاعان سالىستىرماسى %64.7 كە جەتىپ، اناعۇرلىم كۇشتى جاڭالىق، جاسامپازدىق قۋاتىن ايگىلەدى.

  «%91.4» − «بيىل قابىلدانعان نىسان سانىنىڭ ارتۋى كوپ بولماعانىمەن، ساپاسى كورنەكتى جوعارىلادى». ۋاڭ شياۋشيڭ بەيجيڭدەگى ءبىر پاتەنت ۋاكىلدىك قۇرىلىمىنىڭ جاۋاپتىسى، بيىل ول كوپتەگەن جاڭالىق جاراتۋ تۇلعاسىنىڭ ءوتىنىش بەرۋ ارەكەتىن ىرىقتىلىقپەن رەتتەگەنىن جانە ارناعا تۇسىرگەنىن، پاتەنتتىڭ ساپاسى كورنەكتى جوعارىلاعانىن ايقىن سەزىندى. ۋاڭ شياۋشيڭ بىلاي دەپ قارادى: قازىر پاتەنت ءوتىنىش ەتەتىن تۇلعالار «تەحنيكا قورعالعاننان كەيىن، قانداي قۇن الا كەلەدى» دەگەنگە باسا ءمان بەرەتىن بولدى، كەيبىرەۋى وسى ءۇشىن پاتەنت باعىتىن نۇسقاپ، پاتەنت ورنالاستىرۋىن جاسايدى.

  1 – ايدان 11 – ايعا دەيىن ەل ىشىندەگى تاپقىرلىق پاتەنت ءوتىنىشىنىڭ ىشىندە قىزمەتتىك تاپقىرلىق سالىستىرماسى %91.4 كە جەتىپ، پاتەنت ءوتىنىشى سان مولشەرىنىڭ ارتۋىنان قۇرىلىمى ساپالى، ساپاسى جوعارى بولۋ سىندى جاڭا كەزەڭگە بۇرىلىس جاسادى.

  «93 ميلليارد 700 ميلليون يۋان» − «ءبىز ءبىر جەڭىل مۇلىك كاسىپورنىمىز، ءۇي بىزدىكى ەمەس، جابدىق تا بىزدىكى ەمەس، ءبىر پاتەنتكە سۇيەنىپ 3 ميلليون يۋان قارىز اقشا الدىق!» چيڭداۋ لوبوفي تەڭىز - مۇحيت تەحنيكا شەكتى سەرىكتەستىگىنىڭ باس جوراسى ما شيۋفىندى بولەگەنى، ءبىر سۋ استىنداعى ىلگەرىلەتكىشتىڭ پاتەنت ۇقىعى سەرىكتەستىكتى 3 ميلليون يۋان قارجىعا قول جەتكىزگەن.

  «وزەكتى تەحنيكا بىزگە اناعۇرلىم كوپ قۇن الا كەلدى». شىڭياڭ عىلىم - تەحنيكا شەكتى سەرىكتەستىگىنىڭ اعا عالىمى جاڭ ۋەيبين دە وسىنداي سەزىمدە بولدى. ءبىرقىدىرۋ اكۋستيكالىق پارىقتاۋ سالاسىنداعى جوعارى قۇندى پاتەنتكە سۇيەنىپ، قۇرىلعانىنا 3 جىل تولماعان وسى عىلىم - تەحنيكا سەرىكتەستىگى شىنجىن قالاسى نانشان رايوندىق ۇكىمەتتىڭ عىلىم - تەحنيكا، فينانس جاعىنداعى ءوسىمى قازىنادان كوتەرىلەتىن قارجىسىنا يە بولىپ، جاڭا تەحنيكانى تەز ارادا ىسكە قوستى.

  بيىل ەلىمىزدىڭ ءبىلىم مەنشىك ۇقىعىن پايدالانۋ ونىمدىلىگى زور دارەجەدە جوعارىلادى. 1 – ايدان 10 - ايعا دەيىن مەملەكەت بويىنشا 5 مىڭ 163 پاتەنت ۇقىعىن كىرەۋگە قويىپ قارجى قۇراۋ نىسانى تىڭنان قوسىلدى، كىرەۋگە قويۋ سوماسى 93 ميلليارد 700 ميلليون يۋان بولدى، بۇلار وتكەن جىلدىڭ ۇقساس مەزگىلىندەگىدەن جەكە - جەكە %27 جانە %31 ارتتى.

  «140 مىڭ دانا» − «1992 - جىلى جۇڭگو بازارىنا كىرگەن سوڭ، ميكروسوفت زەرتتەۋ - اشۋ سالاسىنا بار كۇشپەن ات سالىستى. بيىل ميكروسوفتتىڭ جۇڭگوداعى پاتەنت ءوتىنىش ەتۋ سانى 823 كە جەتىپ، جۇڭگو ميكروسوفت دۇنيە جۇزىلىك زەرتتەۋ - اشۋ كۇشتەرىنىڭ ماڭىزدى بۋىنىنا اينالدى» دەدى ميكروسوفت جۇڭگو رايونىنىڭ قاتىستى جاۋاپتىسى.

  1 – ايدان 11 - ايعا دەيىن شەتەلدىڭ جۇڭگوداعى تاپقىرلىق پاتەنت ءوتىنىشى 140 مىڭنان اسىپ، ورنىقتى ارتتى. ەلارالىق كاسىپورىنداردىڭ جۇڭگودا پاتەنت ءوتىنىش ەتۋدى تاڭداۋى حالىقارالىق قوعامنىڭ ەلىمىزدىڭ ءبىلىم مەنشىك ۇقىعىن قورعاۋىنا دەگەن سەنىمىن ايگىلەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار