جوعارى قارقىندى تەمىر جولدىڭ ۇزىندىعى 35 مىڭ كيلومەتردەن اسپاق (جاڭا ساندى مالىمەت، جاڭا بايقاۋ ⑦)
جولاۋشىلاۋ ءتىپتى دە قولايلى، دامۋ ءتىپتى دە سايكەسىمدى بولدى
«حالىق گازەتىنىڭ» ءتىلشىسى لۋ يانان
2019.12.26 16:12 كەلۋ قاينارى : حالىق تورابى
ءبىر قولىمەن 3 جاستاعى قىزىن قۇشاقتاپ، ءبىر قولىمەن تەلەفوندا سۋرەتكە ءتۇسىپ جاتتى، چۇي چۇنساي حىنان ولكەسى فاڭچىڭ اۋدانىنداعى جوعارى قارقىندى تەمىر جول بەكەتىنە تاعى كەلىپ، ەستەلىك سۋرەتكە ءتۇستى.
«جۇمىس باستالعاننان بەرى تالاي رەت كەلدىم، ءار جولى جۇمىس اياق الىسىن كۇيەۋىمە مالىمەت ەتىپ وتىرامىن. ماڭايىمىزدان وسىنشاما ساۋلەتتى پويەز بەكەتى سالىندى، بۇعان ايرىقشا شاتتانامىز» دەدى چۇي چۇنساي اۋىز جاپپاي قۋانىپ.
چۇي چۇنسايدىڭ كۇيەۋى سۇڭ حۇڭچۋان جىل بويى ۋحاندا جۇمىس ىستەپ، ءبىرتالاي اقشا تاپتى، دەسە دە، ۇيىنە قايتۋى قولايسىز ەدى. چۇي چۇنساي ساۋساقتارىن بۇگىپ ەسەپ جاسادى: سۇڭ حۇڭچۋان الدىمەن ۋحاننان پويەزگە وتىرىپ 6 ساعاتتا نانياڭعا بارىپ، ون نەشە مينۋت ءجۇرىپ نانياڭ اۆتوبۋز بەكەتىنە بارىپ اۆتوبۋزعا وتىرادى، ونان سوڭ كەمىندە ەكى ساعات ۋاقىت جۇمساپ فاڭچىڭعا جەتىپ، كوشە اۆتوبوزىنا الماسادى.
12 – ايدىڭ 1 - كۇنى جىڭجوۋ - چۇڭچيڭ جوعارى قارقىندى تەمىر جولىنىڭ جىڭجوۋدان شياڭياڭعا دەيىنگى بولەگى ىسكە قوسىلدى، فاڭچىڭنان ۋحانعا دەيىنگى جول ءجۇرۋ ۋاقىتى 8 ساعاتتان 3 ساعاتقا قىسقاردى. «لاۋسۇڭ تاڭعى اسىن ءىشىپ جولعا شىقسا، تۇسكى اسقا ۇلگىرىپ ۇيگە جەتىپ الاتىن بولدى، بيىل ەكەۋىمىز جوعارى قارقىندى تەمىر جولمەن ۋحانعا بارىپ كوكتەم مەرەكەسىن وتكىزبەك بولىپ وتىرمىز» دەدى كۇلىمدەگەن چۇي چۇنساي.
بيىل سان مىڭداعان ادامنىڭ جوعارى قارقىندى تەمىر جول ارمانى ورىندالدى. 2019 - جىلدىڭ سوڭىنا بارعاندا، 13 جاڭا لەنيانىڭ ىركەس - تىركەس اشىلۋىنا بايلانىستى، جۇڭگونىڭ جوعارى قارقىندى تەمىر جول ارالىعى 35 مىڭ كيلومەتردەن اسىپ، دۇنيە جۇزىندەگى جوعارى قارقىندى تەمىر جولدان ۇستايتىن سالىستىرماسى 3/2 ۇلەستەن استى.
− ءتىپتى دە كوپ بۇقارانىڭ جول ءجۇرۋى جوعارى قارقىندى تەمىر جول داۋىرىنە قادام تاستادى.
«جوعارى قارقىندى تەمىر جول بولعاننان كەيىن، توراپتا الدىن الا تاپسىرىس بەرىپ، تاڭەرتەڭ بەيجيڭگە بارىپ ەمدەلسەك، سول كۇنى قايتىپ كەلە الامىز، وتە قولايلى!» دەدى بەيجيڭ مەن كوكحوت اراسىندا بارىپ - كەلىپ ەمدەلىپ جۇرگەن شۇي ليشين ىشكى تەبىرەنىسىن باسا الماي. كوكتەم مەرەكەسىنىڭ تاسىمالىنان بۇرىن بەيجيڭ - جاڭجياكوۋ، جاڭجياكوۋ – كوكحوت جوعارى قارقىندى تەمىر جولىنىڭ جاڭجياكوۋدان ۇلانچابقا دەيىنگى بولەگىندە، داجاڭ جوعارى قارقىندى تەمىر جولىندا قاتىناس باستالدى، كوكحوتتان بەيجيڭگە بارۋ ۋاقىتى 9 ساعاتتان 2 ساعات 18 ميۋنتقا قىسقاردى.
2019 - جىلى ەلىمىزدە جاڭادان قوسىلعان جوعارى قارقىندى تەمىر جولدىڭ قاتىناۋ ارالىعى 5 مىڭ كيلومەتردەن استى. وسى ءبىر جىلدا پاراۆوز گرۋپپاسى مەجەمەن 2 ميلليارد 310 ميلليون جولاۋشى جونەلتتى، بۇل 2012 – جىلداعىدان 3.4 ەسە ارتتى، جۇڭگونىڭ ءار 3 جولاۋشىسى تەمىر جولمەن جولاۋشىلايدى دەسەك، سونىڭ اراسىندا 2 ادام جوعارى قارقىندى تەمىر جولمەن ساپارعا شىعادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
