بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

جۇڭگو تۇتىنۋشىلار بىرلەستىگىنىڭ تۇتىنۋشىلارعا بەرگەن ەسكەرتپەسى

ماسكى تاڭداعاندا ەڭ جوعارى دارەجەدەگى ماسكىنى عانا ىزدەۋدىڭ قاجەتى جوق

حالىق گازەتىنىڭ ءتىلشىسى چي جىميڭ

2020.02.12 16:23     كەلۋ قاينارى : حالىق تورابى

  جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ بارىسىندا ماسكى ءسوزسىز قاجەتتى تۇتىنۋ بۇيىمىنا اينالدى. ماسكى سىندى ىندەتتەن ساقتانۋ – تەجەۋ بۇيىمدارىن ساتىپ العاندا نەلەرگە كوڭىل ءبولۋ كەرەك؟ جۋىردا جۇڭگو تۇتىنۋشىلار بىرلەستىگى «ىندەتكە قارسى اتتانىپ، تۇتىنۋشىلاردى قورعايىق» اتىندا تۇتىنۋشىلارعا كەڭەس بەردى.


  جۇڭگو تۇتىنۋشىلار قوعامى جۇڭگو توقىما بۇيىمدار ساۋدا سالاسى سەلبەستىگىمەن بىرلەسە وتىرىپ، ءارقايسى جاقتاردىڭ ينفورماتسيالارىنا جان – جاقتىلى تالداۋ جاساعان سوڭ، مىنانى اتاپ كورسەتتى: تۇتىنۋشىلار ماسكى ونىمدەرى جونىندە دۇرىس تانىمدا بولۋى كەرەك، ەڭ جوعارى دارەجەدەگى ماسكىنى عانا ىزدەي بەرۋدىڭ قاجەتى جوق، ماسكىنى دۇرىس قولدانىپ، ىسىراپشىلدىقتان اۋلاق بولۋ كەرەك.


  بازارداعى ءتۇرلى دارەجەدەگى ماسكىلەردىڭ ساقتانۋ – قورعانۋ قۋاتى ۇقسامايدى، مەديتسينالىق ماسكىلەردى شيپاگەرلەر مەن سەسترالار قىزمەت ورنىندا تاعادى، ادەتتەگى جاعدايدا تۇتىنۋشىلار جاي مەديتسينالىق ماسكىنى تاقسا عانا، ساقتانۋ تالابىنا جەتكەن بولادى، ادەتتەگى ىس – تۇتىننەن ساقتانۋ ماسكىلەرىنىڭ دە ۆيروستان ساقتانۋ ونىمدىلىگى بار. داكىدەن جاسالعان ماسكى، بۇلتتى ماسكى جانە اكتيۆتەنگەن كومىرلى ماسكىلەردىڭ ۆيروستان جۇعىمدالۋدان ساقتانۋ جاعىندا قورعاۋ رولى جوق.


  كوكتەم مەرەكەسىنەن كەيىن جەر – جەردەگى كاسىپورىنداردىڭ جۇمىستى ارت - ارتىنان قالپىنا كەلتىرۋىنە بايلانىستى، بۇكىل ەلىمىزدەگى ماسكى ءوندىرۋ قۋاتى تەز ارادا جوعارىلادى. قازىر ءىشىنارا جەرلەر تۇرعىندار رايونى جانە ءدارىحانالار ارقىلى تۇتىنۋشىلارعا بەلگىلى مولشەردە تەگىن ماسكى تاراتۋدا. جۇڭگو تۇتىنۋشىلار قوعامى قالىڭ تۇتىنۋشىلارعا مىنانى ەسكەرتەدى: ىندەتتەن عىلىمي ساقتانىپ، ۇكىمەتتىڭ بەكىتۋىنەن وتپەگەن اتالمىش ىندەتتەن ساقتانۋ ءدارى – دارمەكتەرىنىڭ ۇگىتىنە سەنە كەتپەۋ، ساتىپ الماۋ، پايدالانباۋ كەرەك، ۇكىمەت جاريالاعان ىندەتتەن ساقتانۋ شارالارى بويىنشا جەكەلىك ساقتانۋ شارالارىن ويداعىداي ىستەۋ كەرەك.


  ىندەتتەن ساقتانۋ بۇيىمدارىن ساپاسى ولشەمگە تولىمدى، ارناسى جۇيەگە تۇسكەن رەسمي ساۋدا ورىندارىنان ساتىپ الۋ كەرەك، ءونىم ماركاسىن تەكسەرۋگە نازار اۋدارۋ، زات ساتىپ العان كەزدەگى قاتىستى رەسميەتتەردى ساقتاپ قويۋ كەرەك. تۇتىنۋشىلار ىندەتتەن ساقتانۋ جونىندەگى جان – جاقتان جامىراعان ءتۇرلى – تۇستەگى ينفورماتسيالاردى پارىقتاي ءبىلۋى، مەملەكەت پەن جەرگىلىكتى ورىنداعى دەنساۋلىق ساقتاۋ جانە سالاماتتىق تاراۋلارى قاتارلى ورىنداردىڭ رەسمي ارنالارى ارقىلى ىندەتتەن ساقتانۋداعى ەڭ جاڭا مالىمەتتەردى جانە ىندەتتەن ساقتانۋ – تەجەۋ جاعىنداعى ينفورماتسيالاردى قابىلداۋى كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار