بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

«جابايى حايۋاناتتاردى قورعاۋ زاڭى» قاتارلى زاڭدارعا وزگەرىس ەنگىزۋ اياق الىسى تەزدەتىلەدى

جابايى حايۋاناتتى تالعامسىز جەۋگە سوققى بەرۋ، سوققىنىڭ تەبىنىن قاتاڭداتۋ كەرەك

«حالىق گازەتىنىڭ» تىلشىلەرى ليۋ ي، كوۋ جياڭزى

2020.02.13 19:56     كەلۋ قاينارى : حالىق تورابى

  اۋرۋدان ساقتانۋ تاراۋلارى مەن مامانداردىڭ العاشقى تەكسەرۋ – زەرتتەۋىندە كورسەتىلۋىنشە، وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنىڭ جابايى حايۋاناتتاردان ادامزاتقا جۇعۋ، ودان ادامدار ارا تارالۋعا سەبەپشى بولۋ مۇمكىندىگى وتە زور ەكەن.


  2 – ايدىڭ 3 - كۇنى مەملەكەتتىك بازار باقىلاۋ - باسقارۋ باس مەكەمەسى، ەكولوگيالىق ورتا مينيسترلىگى، مەملەكەتتىك ورمان شارۋاشىلىعى جانە جايىلىم مەكەمەسى قاتارلى 10 مينيسترلىك، كوميتەت (مەكەمە) جابايى حايۋاناتتاردى بەلگىلەمەگە قايشى ساۋدالاۋعا سوققى بەرۋ ارناۋلى زاڭ اتقارۋ ارەكەتىن بىرلەسىپ ورنالاستىردى. ىندەت تارالعان مەزگىلدە بۇكىل ەل بويىنشا ەڭ قاتاڭ باسقارۋ - تىزگىندەۋ شارالارى اتقارىلىپ، جاساندى جولمەن كوبەيتۋ ورىندارىنداعى جابايى حايۋاناتتاردى وتكەرمەلەپ ساتۋعا، ءارقانداي فورماداعى جابايى حايۋاناتتار ساۋداسىنا جاپپاي تيىم سالىنادى.


  مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى ەكونوميكالىق زاڭ كەڭسەسىنىڭ مەڭگەرۋشىسى ۋاڭ رۇيحى تاياۋدا مىنانى ءبىلدىردى: پارتيا ورتالىق كوميتەتىنىڭ ىندەتتەن ساقتانۋ جانە ونى ەمدەۋ، سوققى بەرۋ شايقاسىنىڭ جەڭىسىنە قول جەتكىزۋ جونىندەگى ءتۇرلى ورنالاستىرۋلارىن باتىل دايەكتىلەندىرۋ ءۇشىن، مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى جابايى حايۋاناتتاردى قورعاۋ زاڭىنا وزگەرىس ەنگىزۋ قىزمەتىنە ورنالاستىرۋ جاسادى، «جابايى حايۋاناتتاردى قورعاۋ زاڭىنا» وزگەرىس ەنگىزۋدى تۇراقتى كوميتەتتىڭ بيىلعى زاڭ شىعارۋ قىزمەت جوسپارىنا ەنگىزۋ، سونداي - اق «حايۋاناتتاردا بولاتىن ىندەتتەن ساقتانۋ زاڭى» سياقتى زاڭدارعا وزگەرىس ەنگىزۋ اياق الىسىن جەدەلدەتۋ كەرەك.


  باسقارۋدى كۇشەيتىپ، جابايى حايۋاناتتاردى بەتالدى جەۋ ناشار ادەتىنەن ارىلۋ كەرەك


  «جابايى حايۋاناتتاردى قورعاۋ زاڭىن» نەگىز ەتىپ، وعان «قۇرلىقتاعى جابايى حايۋاناتتاردى قورعاۋدى اتقارۋ ەرەجەسى» سياقتى سايكەستى زاڭ - ەرەجەلەر مەن تۇزىمدەردى قوسقاندا، ەلىمىزدە جابايى حايۋاناتتاردى قورعاۋ سالاسىنداعى زاڭ - ەرەجەلەر جۇيەسى قالىپتاسىپ، ەلىمىزدىڭ باعالى، جابايى حايۋاناتتار بايلىعىن قورعاۋعا ارناۋلى پايدالانىلدى، سونداي - اق قاتاڭ، جۇيەلى شارالار بەلگىلەنىپ، جاساندى جولمەن جەتىلدىرۋ جانە تيجارات ەتۋ، پايدالانۋ جونىندە باسقارۋ - مەڭگەرۋ جۇرگىزىلدى.


  قازىر مەملەكەتتىك ورمان شارۋاشىلىعى جانە جايىلىم مەكەمەسى قاتىستى تاراۋلارمەن بىرگە جابايى حايۋاناتتاردى باسقارۋ - مەڭگەرۋدەگى ءتۇرلى شارالاردى تياناقتاندىرۋدى كۇشەيتىپ وتىر: ىندەت تارالعان كەزدە ءارقانداي فورماداعى جابايى حايۋاناتتار ساۋداسىنا تيىم سالىنادى، جابايى حايۋاناتتاردى باعۋ - جەتىلدىرۋ ورىندارى قاتاڭ باسقارىلىپ، اۋاشا ۇستالادى. سونىمەن بىرگە، ۋاكىلدىك قۇرىلىمدار قاراستى وڭىردەگى ءار دارەجەلى ورمان، جايىلىم تاراۋلارىنىڭ جابايى حايۋاناتتاردى باسقارۋ - مەڭگەرۋ شارالارىن دايەكتىلەندىرۋ، تياناقتاندىرۋ جاعدايىنا قۋزاۋ - جەتەكشىلىك ەتۋ، تەكسەرۋ جۇرگىزىپ، جاۋاپكەرلىكتى قۋزاۋدى كۇشەيتىپ، ماسەلەلەردى تاۋىپ، كومەسكى قاتەرلەردى الاستايدى.


  جۇڭگو جابايى حايۋاناتتاردى قورعاۋ قوعامى مىناداي ۇندەۋ جاريالادى: جابايى حايۋاناتتاردى بەتالدى جەۋ ناشار ادەتىن تاستاپ، اۋزىمىزعا يە بولايىق؛ قاجەت بولماعان جاعدايدا، جابايى حايۋاناتتارعا تىكەلەي جۇعىسۋدان باس تارتىپ، ولارمەن حاۋىپسىز ارالىق ساقتايىق؛ جابايى حايۋاناتتاردى زاڭسىز ساۋدالايتىن بازار مەن زاڭعا قايشى ارەكەتتەر بايقالسا، سول جەردەگى باسقارۋشى تاراۋلارعا نەمەسە زاڭ اتقارۋ تاراۋلارىنا دەرەۋ مالىمدەيىك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار