ءدارى - دارمەكتى زەرتتەپ جاساۋ اياق الىسى قانداي؟ سالماقتى ناۋقاستى ەمدەۋدىڭ قانداي شيپاسى بار؟
− عىلىم - تەحنيكا تاراۋلارى جاڭا تيپتى ايدارشا ۆيرۋس وكپە قابىنۋىنداعى عىلمي زەرتتەۋدەن قامال الۋدىڭ جاڭا اياق الىسى جونىندە اڭىس ءبىلدىردى
شينحۋا اگەنتتىگىنىڭ تىلشىلەرى لو شا، جياڭ لين، دۇڭ رۇيفىڭ
2020.02.17 16:33 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 15 – كۇنى، بەيجيڭ. تىلشىلەردىڭ 2 – ايدىڭ 15 – كۇنى وتكىزىلگەن مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىنەن ۇعىسۋىنشا، 7 دياگنوز قويۋ تەكسەرۋ سىناق ءدارىسى بەكىتىلىپ بازارعا شىعارىلعان، ءبىر ءبولىم ءدارى - دارمەكتى سۇرىپتاۋ جانە ەمدەۋ جوباسى، ۆاكسينا زەرتتەۋ - اشۋ، حايۋاناتتار مودەلىن جاساۋ سياقتىلاردا كەزەڭدىك ىلگەرىلەۋشىلىككە قول جەتكىزىلگەن.
ۆاكسينانى زەرتتەپ جاساۋدىڭ اياق الىسى قانداي؟ ءبىر ءبولىم ۆاكسينا ءتۇرى حايۋاناتتارعا تاجىريبە جاساۋ ساتىسىنا ءوتتى
«جوبا – جوسپار بويىنشا شايقاس جۇرگىزىپ جاتىرمىز، ءاربىر قىزمەت ءتۇيىنى كۇنگە ءبولۋ نەگىزىندە ايقىن تۇراقتاندىرىلعان. ءبىر ءبولىم ۆاكسينا ءتۇرى حايۋاناتتارعا تاجىريبە جاساۋ ساتىسىنا ءوتتى» دەدى عىلىم - تەحنيكا مينيسترلىگى جۇڭگو بيولوگيا تەحنيكاسىن دامىتۋ ورتالىعىنىڭ مەڭگەرۋشىسى جاڭ شينمين 2 - ايدىڭ 15 - كۇنى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىندە.
ول بىلاي دەدى: ۆاكسينانى ەرتەرەك زەرتتەپ جاساۋدىڭ ءساتتى بولۋىنا كەپىلدىك ەتۋ ءۇشىن، ەلىمىز كوپتەگەن تەحنيكالىق لەنيانى قاتار ورنالاستىرىپ، قۋاتسىزداندىرىلعان ۆاكسينا، mRNA ۆاكسيناسى، قايتا قۇراستىرىلعان بەلوك ۆاكسيناسى، ۆيرۋس تاسىمالداۋشى ۆاكسينا، DNA ۆاكسيناسى قاتارلىلاردى قاتار ىلگەرىلەتتى.
ءدارى - دارمەك زەرتتەپ جاساۋ اياق الىسى قانداي؟ «ءبىر ءبولىم ءدارى كلينيكالىق ەمدەۋ ونىمدىلىگىن العاشقى ادىمدا ايگىلەدى»
ۋحانداعى ون نەشە ەمدەۋ قۇرىلىمىندا «Remdesivir» اتتى جاڭا دارىگە كلينيكالىق سىناق جۇرگىزىلۋدە. عىلمي زەرتتەۋ قىزمەتكەرلەرى گرۋپپاعا ەنگىزىلگەن 168 سالماقتى ناۋقاسقا، 17 جەڭىل ناۋقاسقا، ادەتتەگى ناۋقاسقا قاداعالاي نازار اۋدارىپ، ولاردىڭ ساۋىعۋ جاعدايىن ەستەلىككە الۋدا.
قۇتقارۋ اۆتوموبيلدەردى ۋحانداعى جياڭشيا داحۋاشان دالالىق سپورت ورتالىعىنداعى جۇڭگوشا ەمدەۋ ۇيشىك ەمحاناسىنا جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى ارت – ارتىنان جەتكىزۋدە. مەملەكەتتىك جۇڭگوشا ەمدەۋ، ءدارى - دارمەك باسقارۋ مەكەمەسى ەمدەۋ، قۇتقارۋ ماماندار گرۋپپاسىنىڭ كلينيكالىق باقىلاۋىنا نەگىزدەلگەندە، مۇندا جۇڭگوشا ەمدەۋ مەن باتىسشا ەمدەۋدى ۇشتاستىرۋ ارقىلى جەڭىل ناۋقاسقا شالدىققانداردىڭ قالپىنا كەلۋى تەز بولعان، سالماقتى ناۋقاسقا شالدىققانداردىڭ ەمدەلۋ مەرزىمى قىسقارعان.
قايتا - قايتا ەكشەۋ نەگىزىندە، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ عىلمي زەرتتەۋدەن قامال الۋ گرۋپپاسى نازاردى فوسفور قىشقىلدى حلورين، رۋدسيۆەر، فاپيراۆە سياقتى ءبىر توپ دارىلەرگە شوعىرلاندىردى ءارى كلينيكالىق سىناق جۇرگىزدى. «قازىر ءبىر ءبولىم دارىلەر كلينيكالىق ەمدەۋ ونىمدىلىگىن العاشقى قادامدا ايگىلەدى، ءبىر ءبولىم كلينيكالىق ەمدەۋ - قۇتقارۋ ۇسىنىستارى ەمدەۋ جوباسىنا ەنگىزىلدى» دەدى جاڭ شينمين.
سالماقتى ناۋقاسقا شالدىققاندار قالاي قۇتقارىلۋد؟ ءتىپتى دە كوپ جاڭا تەحنيكا ونىمدىلىك كورسەتتى
جۇڭگٶ – جاپونيا دوستىق شيپاحاناسىنىڭ تىنىس الۋ اۋرۋلارىن جانە قاتەرلى سالماقتى اۋرۋلاردى ەمدەۋ توبى ۋحانعا باردى، 2 – ايدىڭ 1 - كۇنىنەن قازىرگە دەيىنگى جارىم ايدا ۇيىرمە تىنىس الۋى السىرەگەندەرگە دياگنوز قويۋ، ەمدەۋ تەحنيكاسى جاقتارىنان كومەك بەردى.
ۋحانداعى ءبىر ءبولىم شيپاحانالاردا دەربەس اۋرۋحانا اشىلىپ، سالماقتى ناۋقاستار مەن قاتەرلى ناۋقاستاردى جيناپ الىپ ەمدەۋدەگى ءتۇيىن ەتىلگەن اۋرۋحانا بولدى. جەر - جەردەگى كومەككە كەلگەن ەمدەۋ اترەتىنىڭ مۇشەلەرى ICU، تىنىس الۋ اۋرۋلارىن جانە قاتەرلى، سالماقتى اۋرۋلاردى ەمدەۋ ءبولىمى، جۇرەك ىشكى اۋرۋلار ءبولىمى، اس قورىتۋ ىشكى اۋرۋلار ءبولىمى سياقتى كوپتەگەن بولىمدەردى قامتىپ، ناۋقاستى قول ۇستاسا ەمدەپ قۇتقارۋ جاعدايى جارىققا شىقتى.
ەمدەۋ تاجىريبەلەرىن قورىتىندىلاۋ نەگىزىندە، ەمدەۋ ماماندارى سالماقتى جانە قاتەرلى ناۋقاستاردى ەمدەۋ جوباسىن ارناۋلى قالىپتاستىرىپ، تىنىس الۋ ماشيناسىن ىستەتۋدى كۇشەيتۋ سياقتى ءبىرقىدىرۋ ءادىستى ورتاعا قويدى.
جاڭا تيپتى ايدارشا ۆيرۋس وكپە قابىنۋىنا جەڭىل دارەجەدە شالدىققان كەيبىر ناۋقاستاردا اۋرۋ جاعدايى اسقىنۋ، قاتەر ءتونۋ جايتتەرى تۇيىقسىزدان پايدا بولۋدا، مۇنداي ءجايت دەنەدە «قابىنۋ داۋىلى» كەنەتتەن پايدا بولدى دەپ قارالادى، ياعني ادام دەنەسىندە اسىرە رەاكسيا پايدا بولىپ، ءوز دەنساۋلىعىنا زاقىم جەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
