جول تۇتاسىپ، بۇقارا قۋانىشقا بولەندى (باس شۋجي ءبىزدىڭ ۇيگە كەلگەن)
− چۇڭچيڭ شىجۋ تۋجيا اۆتونوميالى اۋدانى جۇڭي اۋىلى حۋاشي قىستاعىنداعى تان دىڭجوۋدىڭ ۇيىنە قايتالاي تىلشىلىك ىستەۋ
«حالىق گازەتىنىڭ» تىلشىلەرى ۋاڭ بينلاي، جياڭ يۇنلۇڭ
2020.02.21 17:10 كەلۋ قاينارى : حالىق تورابى
نەگىزگى ەمدەلۋدى قامسىزداندىرۋ، سالماقتى ناۋقاستاردى قامسىزداندىرۋ، ەمدەۋ - قۇتقارۋ − بۇقارانىڭ اۋرۋ سەبەبىنەن قايتا كەدەيلەنۋىنەن ساقتانۋدىڭ ماڭىزدى كەپىلى. وسى ەڭ تومەنگى شەكتەن تۇسىرمەۋدىڭ رولى وتە ماڭىزدى.
قىزمەتتى ىشكەرىلەي، ناقتى ىستەپ، كەدەيلىكتەن ارىلماعان نەمەسە اۋرۋ سەبەبىنەن قايتا كەدەيلەنگەن بۇقارانىڭ قىزمەتىن تۇيىندەپ ويداعىداي ىستەپ، ەڭ تومەنگى تۇرمىستى قامتاماسىزداندىرۋ، ەمدەۋ قامسىزداندىرۋى، ەمدەۋ - قۇتقارۋ سياقتى سۇيەمەلدەۋ جانە قامتاماسىزداندىرۋ شارالارىن جەدەل كەمەلدەندىرىپ، كەدەي بۇقارانىڭ كەدەيلىكتەن شىنايى ارىلۋىن، كەدەيلىكتەن ورنىقتى ارىلۋىن ءتۇزىم جۇيەسى ارقىلى قامتاماسىز ەتۋ كەرەك.
− شي جينپيڭ
بيىك تاۋلى ءوڭىر، قۇزار شىڭدار بۇلتپەن تىلدەسەدى؛ تاۋ بەتكەيىندە بۇرما جولدار بىردە كورىنىپ، بىردە كورىنبەي قالادى. شاعىن اڭعاردىڭ جوعارعى جاعىندا تاۋ بوكتەرىندە توبەسىنە كونە قاڭىلتاق كەرپىش توسەلگەن ءۇش اۋىز ءۇي تۇر، مىنە، بۇل تان دىڭجوۋدىڭ 30 نەشە جىل تۇرعان ءۇيى ەدى.
ۇيگە تۇتاساتىن جول ۇزاقتان – ۇزاق تاس باسپالداق بولىپ كەلەدى. تان دىڭجوۋدىڭ 75 جاسقا كەلگەن ايەلى جياۋ گۋاڭرۇن اۋا رايى جاقسى كەزدەردە عانا اۋلادان شىعىپ، ەتەكتەگى كوكونىس تاقتالارىن كورەدى. ول ۇيگە قايتاردا قايتا – قايتا بەلىن مىتىپ، اھىلاپ – ۇھىلەيدى، تان دىڭجوۋ بۇل ءجايتتى كورگەندە ىشتەي قاتتى مازاسىزداناتىن.
بۇل ارا − چۇڭچيڭ قالاسى شىجۋ تۋجيا اۆتونوميالى اۋدانى جۇڭي اۋىلى حۋاشي قىستاعى. 2018 - جىلى 3 - ايدا تان دىڭجوۋ جۇمىس ىستەپ ءجۇرىپ جىعىلىپ مەرتىگەدى. وسى جىعىلىس ەندى عانا كەدەيلىكتەن ارىلعان تان وتباسىسىن اۋرۋ سەبەبىنەن قايتا كەدەيلەندىرەدى. 2019 – جىلى 4 - ايدىڭ 15 – كۇنى ەرەكشە كۇن بولدى، بۇل كۇندى تان دىڭجوۋ ەرلى – زايىپتىلار ەسىنەن شىعارمايدى. ءدال وسى كۇنى باس شۋجي شي جينپيڭ تايعاناق تاس باسپالداقپەن ورلەپ بەتكەيگە شىقتى، ءۇيدىڭ ءىشى – سىرتىن شولىپ شىعىپ، ولاردىڭ جاعدايىن مۇقيات سۇراپ ۇعىستى، ولارعا دەنساۋلىقتارىنا كوڭىل ءبولۋدى قاداعالاپ ايتتى...
ۋاقىتتىڭ ءوتۋى شىنىندا تەز، انە – مىنە دەگەنشە ءبىر جىل وتە شىقتى. تان دىڭجوۋ ەرلى – زايىپتىلاردىڭ اۋرۋ جاعدايى جاقساردى ما؟ ولاردىڭ تۇرمىسىندا وڭ وزگەرىس بار ما؟
قيىن وتكەلدەن ءوتۋ سەنىمدەرى نىعايعان
«ادام ومىرىندە اۋرۋ – سىرقاۋدان، قيىنشىلىقتان اۋلاق بولا المايدى ەكەن، دەگەنمەن سونشاما كوپ كادر قىستاق تۇرعىندارىنا كۇندىز – ءتۇنى تىنىم الماي قول ۇشىن بەرۋدە، ولار نە قارىمجى تىلەمەيدى، ءبىز وتە ريزامىز».
سارى ءتۇستى ءۇي قابىرعاسىنا بوساعالىق جاپسىرىلعان، وندا «قيىنشىلىق تارتساق، ساياساتقا سۇيەنەمىز، اۋىرىپ – سىرقاساق، ەمدەۋ قامسىزداندىرۋى بار»، «كوممۋنيستىك پارتيا جاقسى» دەگەن سوزدەر جازىلعان. بۇل 2019 - جىلعى كوكتەم مەرەكەسى ەدى، تان دىڭجوۋ ارنايى وقۋ – توقۋى بار اۋىلداسىن ۇسىنىس ەتىپ وسى بوساعالىقتى جازدىرعان، دەسە دە، نەگىزگى مازمۇنىن ءوزى ايتىپ بەرىپتى.
«جەتى - سەگىز مەتر بيىكتىكتەن قۇلاپ ءتۇستىم، كوز الدىم مۇنارتىپ كەتتى، ەشتەڭەنى دە بىلە المادىم، ەسىمدى جيناعان كەزىمدە بالنيتسادا جاتقانىما 10 كۇن بولعان ەكەن» دەيدى تان دىڭجوۋ.
تان دىڭجوۋ بالنيتسادا 4 اي جاتىپتى، ەمدەلۋىنە 160 مىڭ يۋانعا جۋىق قاراجات جۇمسالىپتى، بۇل تان دىڭجوۋ جونىنەن تۇسىنە دە كىرمەيتىن قوماقتى اقشا ەدى. ول بىلاي دەدى: «وسىنشاما سالماقتى اۋرۋىمدى ەمدەتۋدە جانىمىزدان 10 مىڭ يۋان عانا شىقتى، سوندىقتان قازىرگى ساياسات ابزال دەپ ايتا الامىن». ونىڭ سويلەۋى دە بۇرىنعىدان كوپ جاقسارىپ قالىپتى.
تان دىڭجوۋ اۋداندىق شيپاحانادا بالنيتسادا جاتقان، ەمدەلۋ قاراجاتىنىڭ %90 ى ەمدەلۋ قامسىزداندىرۋىنان كوتەرىلگەن، ونىڭ ۇستىنە «الدىمەن ەمدەۋ، ونان سوڭ اقى تاپسىرۋ» ساياساتىنان يگىلىكتەنگەن. تان دىڭجوۋ تاعى بىلاي دەدى: «ەگەر الدىمەن اقشا دايىندا، ونان سوڭ ەمدەيمىز دەسە، الدەقاشان سۋ ىشەرلىگىم بولماس ەدى».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
