بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

بەيجيڭ: تازالىق ساقتاۋ، اماندىق قورعاۋ، اسحانا قاتارلى ارتقى شەپ قوجالىق قىزمەتتەرىمەن شۇعىلداناتىن تاراۋلار ىندەتتەن ساقتانۋ – تىزگىندەۋ تەبىنىن اناعۇرلىم كۇشەيتەدى

2020.02.28 15:18     كەلۋ قاينارى : حالىق تورابى

  شينحۋا اگەنتتىگى، 2 – ايدىڭ 27 – كۇنى، بەيجيڭ (ءتىلشى: لي بىن) بەيجيڭ قالالىق ۇكىمەت باس حاتشىسىنىڭ ورىنباسارى چىن بەي 2 – ايدىڭ 27 – كۇنى بەيجيڭ قالاسىنىڭ جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ – تىزگىندەۋ قىزمەتى جونىندەگى اقپار جاريالاۋ جيىنىندا مىنانى ءبىلدىردى: بەيجيڭدە جۋىردا تۋىلعان سىرتتان كەلگەندەردەن تارالۋ سيپاتتى، جۇمىس ورنىندا شوعىرلى جۇعىمدالۋ جاعدايى تۋىلۋىنا باعىتتاي وتىرىپ، تازالىق ساقتاۋ، اماندىق قورعاۋ، اسحانا قاتارلى ارتقى شەپ قوجالىق قىزمەتتەرىمەن شۇعىلداناتىن تاراۋلار ىندەتتەن ساقتانۋ – تىزگىندەۋ تەبىنىن اناعۇرلىم كۇشەيتەدى.

  بەيجيڭ قالالىق ىندەتتەن ساقتانۋ – تىزگىندەۋ ورتالىعىنىڭ مالىمەتىندە بىلاي دەلىنگەن: 2020 – جىلى 2 – ايدىڭ 23 – كۇنى بەيجيڭ قالاسى جاڭا تيپتى ايدارشا ۆيروس وكپە قابىنۋ ىندەتىنە شالدىعۋ كۇمانى بار ءبىر ناۋقاستىڭ بايقالعانى جايلى مالىمەتتى تاپسىرىپ العان، 2 – ايدىڭ 24 – كۇنى ساعات 4تە، اتالعان ناۋقاستىڭ دياگنوزى تۇراقتاندىرىلدى، 2 – ايدىڭ 24 – كۇنىنە دەيىن، ونىمەن جاقىن ۇشىراسقانداردىڭ ىشىندە جيىنى 10 ادامنىڭ دياگنوزى تۇراقتاندىرىلعان. ناۋقاسقا العاش شالدىققان ادامدى قامتىعان دياگنوزى تۇراقتانعان 11 ناۋقاس بەيجيڭدەگى بەلگىلى ءىس ورنىنىڭ سىرتتان ساتىپ الۋ قىزمەتىنە جاۋاپتى قوجالىق باسقارۋ سەرىكتەستىگىنىڭ قىزمەتكەرلەرى مەن اس – سۋ سەرىكتەستىگىنىڭ قىزمەتكەرلەرى، ولار ناۋقاسقا شالدىعۋدىڭ الدىندا وزدەرى قىزمەت وتەيتىن ورىننىڭ توپتىق جاتاعىندا جاتقان نەمەسە توپتىق جاتاقتىڭ جانىنداعى قوجالىق قىزمەت وتەۋ كەڭسەسىندە قىزمەت ىستەگەن.

  چىن بەي مىنانى ءبىلدىردى: بۇل رەت ىندەتپەن جۇعىمدالعان ادام سانى كوپ، ەڭ كورنەكتى ماسەلە _ ءتورت جاقتىڭ جاۋاپكەرشىلىكتى تولىق تياناقتاندىرماعان، وتە – موتە، ءىس ورىن تۇلعالىق جاۋاپكەرشىلىكتى تياناقتاندىرماعان، قىزمەتكەرلەردىڭ دەنساۋلىق احۋالىن دەر كەزىندە مەڭگەرمەگەن، تالەيىن سىناۋ ويىندا بولعان؛ قىزمەتكەرلەرگە 24 ساعات ىشىندە، اتاپ ايتقاندا، 14 كۇندىك مەديتسينالىق باقىلاۋ – باسقارۋدى تياناقتاندىرماعان، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋدى ويداعىداي ىستەمەگەن؛ تازالىق قىزمەتكەرلەرىنىڭ جاتىن ورنىندا ادام تىعىز بولۋ، اۋا الماستىرۋ شارت – جاعدايى ويداعىداي بولماۋ قاتارلى ماسەلەلەرگە باعىتتاي وتىرىپ، قاجەتتى ساقتانۋ – تىزگىندەۋ شارالارىن قولدانباعان. سونىمەن بىرگە، سىرتقا كوتەرمەگە بەرگەن جۇمىستاردى مۇقيات، شىنايى باسقارماعان، ءوزى قاراستى ورىنداعى ۇكىمەت پەن الەۋمەتتىك وڭىردەگى ىندەتتەن ساقتانۋ – تىزگىندەۋ قىزمەتىنە سايكەسۋدى تولىق ورىنداماۋ، تولىق تياناقتاندىرماۋ ماسەلەلەرى ساقتالعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار