شاندۇڭ ولكەسىندەگى رىنچىڭ تۇرمەسىندە تۋىلعان ىندەتكە قاتىستى وقيعا انىقتالدى
2020.03.05 15:10 كەلۋ قاينارى : حالىق تورابى
حالىق تورابى، 3 – ايدىڭ 4 – كۇنى، بەيجيڭ. شينحۋا اگەنتتىگى زاڭدىق تۇلعا ميكروبلوگىنىڭ حابارلاۋىنشا، ورتالىق كوميتەتتىڭ بەكىتۋىمەن، ورتالىق كوميتەتتىڭ ساياسي – زاڭ كوميسسياسى باس حاتشىسىنىڭ ورىنباسارى لەي دۇڭشىڭ گرۋپپا باستىعى بولعان، ورتالىق كوميتەتتىڭ ساياسي – زاڭ كوميسسياسىنداعى، ەڭ جوعارى حالىق پروكۋراتۋراسىنداعى، قوعام حاۋىپسىزدىگى مينيسترلىگىندەگى، ءادىليا مينيسترلىگىندەگى قاتىستى جاۋاپتى جولداستار قاتىناسقان تەكسەرۋ گرۋپپاسى شاندۇڭ ولكەسىندەگى رىنچىڭ تۇرمەسىندە تۋىلعان ىندەتكە قاتىستى وقيعاعا جان – جاقتىلى تەكسەرۋ جۇرگىزىپ، نەگىزگى جاعدايدى انىقتادى. تەكسەرۋ گرۋپپاسى قاتىستى تاراۋلارعا قاتىستى جاۋاپتى ادامداردى ءتارتىپ جانە زاڭ بويىنشا تەكسەرىپ ءبىر جاقتىلى ەتۋجونىندە ۇسىنىس بەردى.
كاسىپتىك تەكسەرۋ ناتيجەسىنە قاراعاندا، رىنچىڭ تۇرمەسىندە تۋىلعان ىندەت وقيعاسى بىلاي: 1 – ايدىڭ 21 – كۇنى ۋحاننان ءوزى اۆتوكولىك جۇرگىزىپ شاندۇڭ ولكەسى جينيڭ قالاسىنا كەلگەن ادامنان تۇرمەدەگى كادر – ساقشى مەن جۇمىسشى – قىزمەتكەرگە ۆيروس جۇققان، وسىدان ءىشىنارا كادر – ساقشىلار مەن قىلمىسكەرلەر جۇعىمدالعان.
تەكسەرۋ گرۋپپاسى بىلاي دەپ قاراعان: رىنچىڭ تۇرمەسىنىڭ بۇرىنعى باسشىلىق القاسى باس شۋجي شي جينپيڭنىڭ ماڭىزدى نۇسقاۋى مەن پارتيا ورتالىق كوميتەتىنىڭ شەشىمدەرىن – ورنالاستىرۋلارىن ارەكەت بارىسىندا تياناقتاندىرماعان، تورەشىلدىك، فورماشىلدىق اۋىر بولعان، تۇرمەدەگى ساقتانۋ – تىزگىندەۋ قىزمەتىنىڭ ايرىقشا سيپات الاتىندىعى، كۇردەلىلىگى، سەزىمتالدىعى جونىندەگى تانىمى جەتكىلىكتى بولماي، يدەيالىق جاقتا سالعىرتتانىپ، باسقارۋ جاعىندا بەيعامدىققا سالىنعان، وسىنىڭ سالدارىنان كادر – ساقشىلار مەن جۇمىسشى – قىزمەتكەرلەر ناۋقاسقا شالدىققان كۇيىندە تۇرمەگە كىرىپ - شىعىپ جۇرگەندىكتەن، ىندەت جەدەل تاراعان. جوعارى دارەجەلى باسقارۋشى تاراۋ بولعان شاندۇڭ ولكەلىك ءادىليا مەڭگەرمەسى مەن تۇرمەنى باسقارۋ مەكەمەسى ، رىنچىڭ تۇرمەسىنىڭ ىندەتتەن ساقتانۋ – تىزگىندەۋ قىزمەتىنە قۋزاۋ سالۋ جانە جەتەكشىلىك ەتۋى پارمەندى بولماي، باقىلاۋدى بوساڭسىتقان جانە مىندەتىن ادا ەتپەگەن.
رىنچىڭ تۇرمەسىنىڭ بۇرىنعى جاۋاپتىلارىنىڭ، قاتىستى كادر – ساقشىلاردىڭ جانە جۇمىسشى – قىزمەتكەرلەردىڭ وسى رەتكى ىندەتكە قاتىستى وقيعادا قىزمەت مىندەتىنە نەمقۇرايدى قاراۋ، قىزمەت ۇقىعىنان الباتى پايدالانۋ، جۇقپالى اۋرۋلاردان ساقتانۋ جانە ونى ەمدەۋگە زيان جەتكىزۋ قاتارلى كۇماندى ىستەرىنە باعىتتاي وتىرىپ، تەكسەرۋ گرۋپپاسى قاتىستى ءتارتىپ تەكسەرۋ - پروكۋراتۋرا ورگاندارى مەن ءادىليا ورگاندارىنا بۇل ءىستى ءتارتىپ جانە زاڭ بويىنشا ءبىرجاقتى ەتۋدى ۇسىنىس ەتكەن.
تەكسەرۋ گرۋپپاسى بىلاي دەپ قاراعان: رىنچىڭ تۇرمەسىندە ىندەتكە قاتىستى وقيعانىڭ تۋىلعاندىعى، تۇرمەنى باسقارۋ جاعىندا مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋ تالابىنان ءالى كوپ الشاقتىق بار ەكەنىن بەينەلەيدى. تۇرمەنى باسقارۋ تاراۋلارى بۇدان تەرەڭ ساباق الىپ، وسى ءىس ارقىلى باسقا ىستەرگە وي جۇگىرتىپ، جاڭا داۋىردەگى تۇرمە حاۋىپسىزدىگى تانىمىن تىكتەپ، تاربيەلەۋ ارقىلى وزگەرتۋ ماقساتىن قىلمىستىق جازانى اتقارۋ قىزمەتى بارىسىندا ايگىلەپ، تۇرمەنى باقىلاۋ – باسقارۋ ءتۇزىلىس مەحانيزمىن ىشكەرىلەي كەمەلدەندىرىپ، كادر – ساقشىلار قوسىنى قۇرىلىسىن شىنايى كۇشەيتىپ، تۇرمەنى باسقارۋ ىستەرىن وسىزامانداندىرۋ ورەسىن ۇزدىكسىز ارتتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
