31 ولكەدە جانە شينجياڭ ءوندىرىس - قۇرىلىس بيڭتۋانىندا تۇڭعىش رەت جەرگىلىكتى ورىننىڭ وزىنەن جاڭا ناۋقاستار قوسىلمادى
(مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىنەن)
2020.03.20 17:24 كەلۋ قاينارى : حالىق تورابى
«حالىق گازەتى»، 3 - ايدىڭ 19 - كۇنى، بەيجيڭ (ءتىلشى چيۋ چاۋ - ي). 3 – ايدىڭ 18 – كۇنى ساعات 24 كە دەيىن ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس – قۇرىلىس بيڭتۋانىنداعى دياگنوزى تۇراقتانعان قازىرگى ناۋقاستاردىڭ سانى 7 مىڭ 263 بولدى، مۇنىڭ ىشىندە سالماقتى ناۋقاستار 2 مىڭ 314 ادام؛ جالپى 70 مىڭ 420 ناۋقاس جازىلىپ ەمحانادان شىقتى، جالپى 3 مىڭ 245 ناۋقاس قازا بولدى، دياگنوز قويىلعان جالپى ناۋقاستىڭ سانى 80 مىڭ 928 بولدى، قازىرگى كۇدىكتى ناۋقاستاردىڭ سانى 105 بولدى.
مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى، ۇگىت تارماق مەكەمەسى باستىعىنىڭ ورىنباسارى مي فىڭ مىنانى ءبىلدىردى: 3 - ايدىڭ 18 - كۇنى 31 ولكە، اۆتونوميالى رايون، توتە قاراستى قالادا جانە شينجياڭ ءوندىرىس - قۇرىلىس بيڭتۋانىندا تۇڭعىش رەت جەرگىلىكتى ورىننىڭ وزىنەن جاڭا ناۋقاستار قوسىلمادى. حۋبەيدەن باسقا ولكە، اۆتونوميالى رايون، توتە قاراستى قالالاردا قاتارىنان 7 كۇن جەرگىلىكتى ورىننىڭ وزىنەن جاڭا ناۋقاستار قوسىلمادى؛ حۋبەيدە ۋحاننان سىرت، قاتارىنان 14 كۇن جەرگىلىكتى ورىننىڭ وزىنەن جاڭا ناۋقاستار قوسىلمادى. تاياۋداعى 7 كۇندە شەتەلدەن كىرگەن ناۋقاستار سانىنىڭ جاڭادان ارتقان دياگنوزى تۇراقتانعان ناۋقاستاردىڭ جالپى سانىنداعى سالىستىرماسى %84.55 بولىپ، حالىقارادا ىندەتتىڭ جەدەل ورشۋىنەن تۋىنداعان كىرۋ سيپاتىنداعى قاتەر ارتتى.
3 - ايدىڭ 19 - كۇنى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ءماجىلىسىن اشىپ، مال، قۇس ونىمدەرىمەن قامداۋ، باعانى ورنىقتىرۋ قىزمەت جاعدايىن تانىستىردى. قازىنا مينيسترلىگى اۋىل شارۋاشىلىعى، اۋىل – قىستاق تارماق مەكەمەسى باستىعىنىڭ ورىنباسارى جياڭ دايۇي تانىستىرىپ بىلاي دەدى: بيىل 1 - ايدىڭ سوڭىنا دەيىن ءار دارەجەلى قازىنا اسىل تۇقىمدى شوشقا فەرمالارى مەن كولەمدى باعىمشىلىق الاڭدارىنا قازىنانىڭ 444 ميلليون يۋان ءوسىم قوسىمشا قاراجاتىن بەردى، بۇل 52 ميلليارد 142 ميلليون يۋان قارىز اقشاعا سايادى. تاياۋدا ورتا، شاعىن كولەمدەگى باعىمشىلىق الاڭدارىنىڭ (وتباسى) قارجى قۇراۋ وزىندىك قۇنىن شىنايى تومەندەتۋ ءۇشىن، ورتالىق قازىنا ۋاقىتشا قارىز اقشا ءوسىمى قوسىمشا قاراجاتىن بەرۋ كولەمى جاعىندا باعىمداعى مال سانى 5 مىڭنان استام باعىمشىلىق فەرماسى (وتباسى) بولۋ كەرەك دەگەن شارتتى باعىمداعى مال سانى 500 دەن استام باعىمشىلىق فەرماسى (وتباسى) بولۋ كەرەك دەگەن شارتقا وزگەرتتى.
«تۇتاس مال شارۋاشىلىق كاسىپ تىزبەگىندە جوعارى ونىمدىلىكپەن سەلبەسە جۇمىس ىستەلىپ، ءونىمدى ورنىقتىرىپ، قامداۋعا كەپىلدىك ەتۋگە تاماشا نەگىز قالاندى». اۋىل شارۋاشىلىعى، اۋىل - قىستاق مينيسترلىگى مال شارۋاشىلىعى، مال شيپاگەرلىك مەكەمەسى باستىعىنىڭ ورىنباسارى ۋەي حۇڭياڭ تالداۋ جاساپ بىلاي دەدى: قازىر ءوندىرۋ، ساتۋ ءتارتىبى نەگىزىنەن قالپىنا كەلدى. جەم - ءشوپ جاعىندا، 3 - ايدىڭ 16 - كۇنىنە دەيىن الدىڭعى 100 ورىنداعى ءتۇيىندى جەم - ءشوپ كاسىپورىندارىنىڭ جۇمىستى قالپىنا كەلتىرۋ شاماسى %99 كە جەتتى؛ مال دارىلەرى جاعىندا قازىر بۇكىل ەلدەگى قاتىستى كاسىپورىنداردىڭ جۇمىستى قالپىنا كەلتىرۋ شاماسى مولشەرمەن %85 بولىپ، سالماقتى اۋرۋ تۋدىراتىن قۇس تۇماۋى، اۋسىل سياقتىلاردىڭ ۆاكسينالارىن شىعاراتىن كاسىپورىندار جاپپاي قالپىنا كەلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
