20 ميلليوننان استام ەگىس ماشيناسى كوكتەمگى ەگىس وندىرىسىنە قوسىلدى
عىلىم – تەحنيكا كوكتەمگى ەگىسكە دەم بەردى، ەگىنشىلەر قولعاناتقا يە بولدى (رەفورما، دامۋ جانە ورنىقتىلىقتاعى ءتۇرلى قىزمەتتى ءبىر تۇتاس ويداعىداي يگەرەيىك)
2020.03.30 20:08 كەلۋ قاينارى : حالىق تورابى
كوكتەمگى ەگىستىڭ شەشۋشى مەزگىلىندە ەگىس ماشينالارىنىڭ رولى ساۋلەلەندىرىلدى. اۋىل شارۋاشىلىعى، اۋىل - قىستاق مينيسترلىگىنىڭ ەڭ جاڭا ورنالاستىرۋ جاعدايىنان قاراعاندا، بۇكىل ەلدىڭ جەر - جەرىندە كوكتەمگى ەگىس وندىرىسىنە قوسىلعان ەگىس ماشينالارىنىڭ جالپى مولشەرى مەجەمەن 20 ميلليوننان اسقان.
جاڭاشا جابدىقتار دەم بەرىپ، «ينتەرنەت + كوكتەمگى ەگىس» اۋقىمعا اينالدى.
«بىرنەشە ماشينا ىسكە قوسىلدى، ءبىر كۇندە 100 مۋ جەردىڭ جۇمىسىن بىتىرۋگە بولادى». شاندۇڭ پيڭدۋ حۇڭيۇن ەگىس ماشينالارى سەلبەستىك كووپەراتيۆىنىڭ القا باستىعى گاۋ حۇڭيۇن بىلاي دەدى: بيىل كوكتەمگى ەگىس جۇمىسىنا زەردەلى تراكتور پايدالاندىق، پارىق 2.5 سانتيمەتردەن تومەن، ءار 10 مۋ جەردى ەككەندە جارتى مۋ جەر ۇنەمدەلەدى. زەردەلى تراكتورمەن جەر جىرتۋ شىنىندا ۇنەمدى، كوپتەگەن شارۋا مەنىڭ كونە قاريدارىما اينالدى.
اۋىل شارۋاشىلىعى، اۋىل ـ قىستاق مينيسترلىگىنىڭ مەجەلەۋىنشە، بيىل كوكتەمگى اۋىل شارۋاشىلىعى وندىرىسىنە قوسىلعان وسىمدىك قورعاۋ ۇشقىشسىز ۇشاعى 30 مىڭنان اسقان، جەتىقاراقشى جۇيەسى ارقىلى اۆتوماتتى ورىن تۇراقتاندىراتىن، وزدىگىنەن جۇرەتىن تراكتور جانە ونىڭ دالدىگى جوعارى قوسالقى جابدىقتارى 20 مىڭنان اسقان.
جاڭا ەگىس سايماندارى بازارلى بولا باستادى، قولفونمەن مەڭگەرۋ عىلمي جولمەن ەگىن ەگۋگە باستاماشى بولدى.
«مايساسى جۋان با، جوق پا؟ مۇنى قولفونعا قاراپ - اق بىلەسىڭ». حۋبەي ولكەسىنىڭ جىجياڭ قالاسىندا ەگىنشى زەردەلى اۋىل شارۋاشىلىق تەكشەسىنىڭ APP دەتالىنان پايدالانىپ، سۋرەتتى مەرزىم بويىنشا جاڭالاپ وتىرادى، ءوسۋ جاعدايى تۇرلىشە تۇسپەن بەلگىلەنەدى، ۇيىنەن شىقپاي - اق ەگىنشىلىك جۇمىسىن اقساتپاي تىندىرادى.
«ءتىنتۋىردى قوزعاپ قانا 10 مىڭ جىڭنان استام كوكونىستى ساتتىم». گۋاڭدۇڭ ولكەسى گۋاڭجوۋ قالاسى سۇڭحۋا رايونى لۇيتيان قالاشىعى گۇيفىڭ قىستاعىنىڭ كوكونىستەرى باستابىندا ساتىلماي قالادى، قىستاق ەگىنشىلەرگە يگىلىك جەتكىزۋ ينفورماتسيا توبىنداعى چىن جىچياڭ جەلىدەن پايدالانىپ ساۋدا جولىن تاۋىپ، قىستاق كوكونىسىنىڭ %40 تەن استامىنىڭ ساتىلۋىنا مۇمكىندىك جاراتادى.
جەر - جەر، تاراۋلار اۋىل شارۋاشىلىعىن ماشينالاندىرۋدى بار كۇشپەن ىلگەرىلەتىپ، كوكتەمگى ەگىس ءوندىرىسىن قامتاماسىزداندىردى.
كوپتەگەن جەردە ەگىن سالۋ، جيناۋ، مانەرلەۋ، ساقتاۋ، ساتۋ سياقتى قىزمەت وتەۋ نىساندارىن دەربەس تاڭداۋعا بولادى، كوكتەمگى ەگىس جۇمىسى بويىنشا جۇيەلى دە دالمە - ءدال قىزمەت وتەۋ شارۋالاردىڭ قاجەتىن تولىق قاناعاتتاندىرادى. اۋىل شارۋاشىلىعى، اۋىل - قىستاق مينيسترلىگى جەر - جەردى شارۋا وتباسىلارىن اۋىل شارۋاشىلىق ماتەريالدارىن ءبىر تۇتاس ساتىپ الۋ، تاربيەلەۋ، اقىل - كەڭەس بەرۋ، ەگىس ماشينالارىن جوندەۋ، اۋىل شارۋاشىلىق ونىمدەرىن ساتۋدى ۇشتاستىرۋ سياقتى كوپ نەگىزدى قىزمەت وتەۋمەن قامداۋعا جەتەكتەدى، بيىل وندىرىسكە مىندەتتەمەلى قىزمەت وتەۋ جوسپارى بويىنشا ءبىر ميلليارد 500 ميلليون مۋ - رەت ورىندالدى.
«ينتەرنەت + اۋىل شارۋاشىلىعى» ءار جاقتى جۇمىسپەن ىشكەرىلەي توعىستى. اۋىل شارۋاشىلىعى، اۋىل - قىستاق مينيسترلىگى شارۋالاردى قولفوننان پايدالانۋ شەبەرلىگى بويىنشا بار كۇشپەن باۋلىپ، جيىنى 30 ميلليون ادام - رەتتەن استام تاربيەلەدى.
اۋىل شارۋاشىلىعى، اۋىل ـ قىستاق مينيسترلىگى عىلىم ـ تەحنيكا، وقۋ ـ اعارتۋ تارماق مەكەمەسىنىڭ باستىعى لياۋ شييۋان مىنانى ءبىلدىردى: كەلەسى قادامدا كوكتەمگى اۋىل شارۋاشىلىعى وندىرىسىنە تەحنيكالىق جەتەكشىلىك ەتۋدى، قىزمەت وتەۋدى ۇزدىكسىز كۇشەيتىپ، كاسىپ سالاسىنىڭ شەشۋشى وزەك بويىنشا شوعىرلانۋىن، تۇلعالانۋىن جەدەلدەتىپ، وزىق، قولدانىلمالى تەحنيكالاردان ۇلگى كورسەتۋدى، جالپىلاستىرۋدى كۇشەيتىپ، ساپالى شارۋالاردى تاربيەلەۋدى جەدەلدەتىپ، ەگىس ۋاقىتىن وتكىزىپ الماي، ۋاقىتتان ۇتىپ، جازعى استىقتان مول ءونىم الۋعا پارمەندى عىلىم ـ تەحنيكالىق تىرەك ازىرلەيمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
