سىچۋان ولكەسىنىڭ مۋلي اۋدانىنداعى ورمانعا ءورت كەتتى
2020.03.31 13:11 كەلۋ قاينارى : حالىق تورابى
حالىق تورابى، 3 – ايدىڭ 30 – كۇنى چىڭدۋ (ۋاڭ بو) ءتىلشىنىڭ سىچۋان ولكەلىك شۇعىل جاعدايلارعا توتەپ بەرۋ ىستەرىن باسقارۋ مەڭگەرمەسىنەن ۇعىسۋىنشا، 3 – ايدىڭ 28 – كۇنى ساعات 19دان 30 مينۋت وتكەندە، مۋلي اۋدانى چياۋۋا قالاشىعى چۋتوۋۋان قىستاعى مەن يۇيشياڭجياۋ موڭعۇل ۇلتتىق اۋىلى يۇيشياڭجياۋ قىستاعىنىڭ شەكارالاسقان جەرىندەگى ورمانعا ءورت كەتكەن.
ءورت كەتكەن سوڭ، سىچۋان ولكەلىك شۇعىل جاعدايلارعا توتەپ بەرۋ ىستەرىن باسقارۋ مەڭگەرمەسى ءورت جاعدايىن دەرەۋ ۇعىسىپ، جەرگىلىكتى ورمان ورتىنەن ساقتانۋ اترەتىنىڭ ءورتتى وشىرۋگە دەرەۋ كىرىسۋىنە جەتەكشىلىك ەتىپ، ورمان ءورتىن اۋەدەن ءوشىرۋ اترەتتەرىن رايون اتتاپ شۇعىل كومەك بەرۋگە شاقىرىپ، جەرگىلىكتى ورىنداعى جۇرتشىلىقتىڭ ءومىرى مەن مال – مۇلكىنىڭ حاۋىپسىزدىگىنە كەپىلدىك ەتتى.
قازىرگە دەيىن، ولكە، وبلىس، اۋدان قاتارلى ورىندار ورمان ءورتىن ءوشىرۋ اترەتى، جەرگىلىكتى كاسىپتىك ءورت ءوشىرۋ قوسىنى، شۇعىل جاعدايعا توتەپ بەرۋگە اتسالىساتىن حالىق جاساعى جانە جۇرتشىلىق قاتارلىلاردان شۇعىل جاعدايعا توتەپ بەرىپ، ءورتتى وشىرۋگە 3000نان استام ادامدى ۇيىمداستىرعان، ورمان ءورتىن اۋەدەن ءوشىرۋ تىك ۇشاعىنان 4 تىك ۇشاقتى ءورت وشىرۋگە ىسكە قوسقان، چىڭدۋ، ابا، گانزى قاتارلى جەرلەردەگى ورمان ءورتىن ءوشىرۋ اترەتتەرىنەن 400 ادامدى جوتكەپ، لياڭشان وبلىسىنا كومەك بەرۋگە اپارعان.
ءورت كەتكەن جەر تەڭىز دەڭگەيىنەن نەداۋىر بيىك جەردەگى قۇلاما بەتكەي بولعاندىقتان، سىچۋان ولكەلىك شۇعىل جاعدايلارعا توتەپ بەرۋ ىستەرىن باسقارۋ مەڭگەرمەسى ءورت ءوشىرۋ زەڭبىرەگىنەن ءبىر زەڭبىرەكتى دەرەۋ ىسكە قوسىپ، شۇعىل جاعدايلارعا توتەپ بەرۋ ىستەرىن باسقارۋ مينيسترلىگىنەن ولكە سىرتىنداعى ورمان ءورتىن اۋەدەن ءوشىرۋ اترەتتەرىنەن ءبىر ۇشاقتى ءورت وشىرۋگە كومەكتەسۋگە جىبەرۋدى ءوتىنىش ەتكەن. ءارقايسى جاقتاردىڭ سايكەسۋىنىڭ ارقاسىندا، جۇڭگو اۆياتسيالىق جانارماي سەرىكتەستىگى باتىس وڭتۇستىك بولىمشە سەرىكتەستىگىنىڭ جانارماي تاسىمالدايتىن اۆتوموبيلى ناق مايدانعا بارىپ، جانارمايمەن قامداۋعا كەپىلدىك ەتىپ، ءورت وشىرەتىن ۇشاقتارعا ماي قۇيۋ ۋاقىتىن قىسقارتقان. جالپىلىق اۆياتسيا ۇشاقتارىن اۋا رايى جاعدايىنا ساي، ۇيلەسىمدى ۋاقىتتا جاساندى جاڭبىر جاۋدىرۋعا بەلسەندىلىكپەن ۇيىمداستىرعان، وسى ارقىلى ءورتتى تەز ارادا تىزگىندەۋ مەن وشىرۋگە كەپىلدىك ەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
