ءار دارەجەلى حالىق قۇرىلتايىنىڭ 2 ميلليون 600 مىڭنان استام ۋاكىلى ىندەتتەن ساقتانۋ - تىزگىندەۋگە جانە جۇمىستى، ءوندىرىستى قالپىنا كەلتىرۋگە ات سالىستى
ءبىرىنشى شەپكە اتتانىپ، اقىل - كەڭەس بەرىپ، جاۋاپكەرلىكتى باتىلدىقپەن ارقالادى
«حالىق گازەتىنىڭ» تىلشىلەرى ۋاڭ بيشۋە، شۇي جۇن
2020.03.31 16:56 كەلۋ قاينارى : حالىق تورابى
«ىندەتتى ەڭسەرمەي تۇرىپ شەگىنبەيمىن!»
«حالىق قۇرىلتايىنىڭ ۋاكىلى رەتىندە ءوز قىزمەت ورنىمدا ونەگەلىك رول اتقارۋعا ءتيىسپىن!»
...
وسى رەتكى ءتۇتىنسىز شايقاستا ولار تۇرلىشە رايونداردان، تۇرلىشە سالالاردان كەلگەنىمەن، ولاردىڭ بارىندە حالىق قۇرىلتايىنىڭ ۋاكىلى دەگەن ورتاق سالاۋات بار ەدى.
ادال بولىپ، ەرلىكپەن شايقاسقا اتتاندى. «جۇڭگونىڭ 2 ميلليون 600 مىڭنان استام ءار دارەجەلى حالىق قۇرىلتايى ۋاكىلى حالىقتىڭ مۇددەسى مەن ەركىنە ادال بولىپ، مەملەكەت بيلىگىن جۇرگىزۋگە زاڭ بويىنشا قاتىناسۋى كەرەك». «حالىق قۇرىلتايى ۋاكىلدەرىنىڭ رولىن اناعۇرلىم ويداعىداي ساۋلەلەندىرىپ، بۇقارامەن ەتەنە بولىپ، حالىقتىڭ جاعدايىن تەكسەرىپ، حالىقتىڭ اقىل پاراساتىن شوعىرلاندىرۋ كەرەك». باس شۋجي شي جينپيڭنىڭ ماڭىزدى ءسوزىنىڭ رۋحى ءار دارەجەلى حالىق قۇرىلتايى ۋاكىلدەرىن شابىتتاندىرىپ كەلەدى. ولار وتان توپىراعىن قورعاپ، جاۋاپكەرلىكتى ادا ەتىپ، ىندەتتەن ساقتانۋ - تىزگىندەۋگە ات سالىسىپ، جۇمىستى، ءوندىرىستى قالپىنا كەلتىرۋگە دەم بەرىپ، حالىق قۇرىلتايى ۋاكىلدەرىنىڭ فۋنكتسيالىق رولىن تولىق ساۋلەلەندىرىپ، حالىق قۇرىلتايى ۋاكىلدەرىنىڭ بورىشى مەن جاۋاپكەرلىگىن ايگىلەدى.
ىندەتپەن كۇرەسۋدىڭ الدىڭعى شەبىنە اتتاندى
«مۇنداي كەزدە دەمالۋعا بولا ما؟ ىندەتتى ەڭسەرمەي تۇرىپ شەگىنبەيمىن!»
«ىندەتپەن شايقاس ءالى دە كۇشەيىپ كەلەدى، باس اماندىقتى ساقتاۋ قيىنعا سوقتى، ءبىز ءارقانداي بوداۋ بەرۋدەن تايسالماي، شەشۋشى شايقاسقا اتتانۋىمىز كەرەك» دەدى مەملەكەتتىك حالىق قۇرىلتايىنىڭ ۋاكىلى، جۇڭگو ينجەنەريا اكادەمياسىنىڭ اكادەميگى، تيانجين جۇڭگوشا ءدارى - دارمەك ۋنيۆەرسيتەتىنىڭ مەكتەپ باستىعى جاڭ بولي تەرەڭ تولعانىسپەن.
1 - ايدىڭ 27 - كۇنى، ياعني كوكتەم مەرەكەسىنىڭ ءۇشىنشى كۇنى تيانجيندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە جەتەكشىلىك ەتىپ جاتقان جاڭ بولي ۇشاقپەن ۋحانعا باردى. وسى كۇننەن باستاپ ول ىندەتپەن كۇرەسۋدىڭ ەڭ الدىڭعى شەبىندە شايقاس جاسادى. 2 - ايدىڭ 16 - كۇنى جاسى ەگدەلەگەن جاڭ بولي زورىعىپ ەسكىلىكتى اۋرۋعا شالدىعىپ، ءوت قالتاسىن الدىرىپ تاستاۋ وپەراتسياسىن جاساتتى. ناركوزدان كەيىن ەسىن جيا سالىسىمەن ىندەت جاعدايى جونىندەگى مالىمەتتى تىڭدادى، سونداي - اق تەلەفون ارقىلى جياڭشيا شاقپاق بولمە ەمحاناسىنىڭ جاعدايىن سۇراستىرادى، ونىمەن قوسا ەمدەۋ قىزمەتكەرلەرىنىڭ اقىل - كەڭەس سۇراۋ تەلەفونىن ۇزبەي قابىلداپ تۇردى. وپەراتسيا جاسالعاننىڭ ءۇشىنشى كۇنى ول تاعى دا ىندەتپەن كۇرەسكە اتتانىپ كەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
