شيچاڭدا تۋىلعان ءورت اپاتىندا 19 ادام قازا بولدى
اۋىر جارالانعانداردىڭ تىرشىلىك بەلگىلەرى ورنىقتى
2020.04.01 16:44 كەلۋ قاينارى : حالىق تورابى
حالىق تورابى، 3 – ايدىڭ 31 – كۇنى، چىڭدۋ (ءتىلشى: سۇڭ حاۋشين، ۋاڭ بو، ۋاڭ فان) 3 – ايدىڭ 31 – كۇنى شيچاڭ قالالىق حالىق ۇكىمەتى اقپارات كەڭسەسى اقپار جاريالاۋ ءماجىلىسىن وتكىزدى. ءماجىلىس باستالاردا الدىمەن، جيىنعا قاتىناسقان بارلىق ادام وسى رەتكى ءورت اپاتىن ءوشىرۋ بارىسىندا قۇربان بولعان 19 قاھارمانعا ازا ءبىلدىردى. سىچۋان ولكەلىك شۇعىل جاعدايلارعا توتەپ بەرۋ ىستەرىن باسقارۋ مەڭگەرمەسى پارتگرۋپپاسىنىڭ مۇشەسى، ولكەلىك ورمان ءورتىن ءوشىرۋ باس اترەتىنىڭ ساياسي كوميسسارى جين دىچىڭ جولداس، سىچۋان ولكەلىك شۇعىل جاعدايلارعا توتەپ بەرۋ ىستەرىن باسقارۋ مەڭگەرمەسى پارتگرۋپپاسىنىڭ مۇشەسى، ولكەلىك ءورت ءوشىرۋ – قۇتقارۋ باس اترەتىنىڭ باستىعى ليۋ فۋ جولداس، ج ك پ شيچاڭ قالالىق پارتكوم شۋجيى لي جۇن جولداس قاتىستى جاعدايلاردان مالىمەت بەردى. 3 – ايدىڭ 31 – كۇنى ساعات 16عا دەيىن، شيچاڭدا 1000 گەكتاردان استام ورمانعا ءورت كەتكەن، 80 نەشە گەكتاردان استام ورمان ويراندالعان. قازىر ءورت ءوشىرۋ – قۇتقارۋ، جارالانعانداردى ەمدەۋ، ادامداردى كوشىرۋ قاتارلى قىزمەتتەر ىستەلۋ ۇستىندە.
اقپار جاريالاۋ جيىنىندا ءورت ءوشىرۋ بارىسىندا قۇربان بولعان جانە جارالانعان باتىرلاردىڭ نەگىزگى احۋالى تانىستىرىلدى: 2020 – جىلى 3 – ايدىڭ 30 – كۇنى ساعات 19دان 30 مينۋت وتكەندە، نيڭنان اۋدانىنىڭ كاسىپتىك ءورت ءوشىرۋ اترەتى نيڭنان اۋداندىق ورمان جانە جايىلىم مەكەمەسىنىڭ شيچاڭ قالاسىنا كومەككە بارۋ جونىندەگى بۇيرىعىن تاپسىرىپ العان، سول كۇنى ساعات 20دان 20 مينۋت وتكەندە، اتالعان كاسىپتىك ءورت ءوشىرۋ اترەتىندە كەزەكشىلىك وتەپ جاتقان 1 – بانمەن 5 – باندەگى 21 ادام ناننيڭ اۋدانىنان اتتانىپ، شيچاڭ قالاسى لۋشان تاۋىنداعى ءورت كەتكەن جەرگە جولعا شىققان، ساعات 22دەن 40 مينۋت وتكەندە شيچاڭ قالاسى جيڭجيۋ اۋىلى سايجياگوۋ سۋ قويماسىنىڭ ماڭىنداعى ءورت كەتكەن جەرگە جەتكەن، ساعات 23تەن 10 مينۋت وتكەندە، جەرگىلىكتى جول باستاۋشىمەن بىرگە سايجياگوۋ سۋ قويماسىنىڭ ماڭىنان تاۋعا شىعىپ، ءورت وشىرەتىن جەرگە جيىلعان، امان قالعان ادامنىڭ ايتۋىنشا، قوسىن 3 – ايدىڭ 31 – كۇنى تاڭ ءسارى ساعات بىردەن 20 مينۋت وتكەندە جەل باعىتى كەنەتتەن وزگەرگەن جاعدايعا تاپ بولىپ، ناق مايدانداعى جاعداي توتەنشە كۇردەلى بولعان، ناق مايدانداعى 18 ءورت ءوشىرۋشى مەن ءبىر جول باستاۋشى قازا بولعان، 3 ءورت ءوشىرۋشى جارالانعان.
قازىر اۋىر جارالانعان 3 ادام ەمحانادا ەمدەلۋدە، تىرشىلىك بەلگىلەرى ورنىقتى. قۇربان بولعانداردىڭ ءمايىتى 3 – ايدىڭ 31 – كۇنى ساعات 14تەن 30 مينۋت وتكەندە تۇگەل شيچاڭ قالالىق ءمايىتحاناعا قورعاپ اپارىلدى. شيچاڭ قالاسى قۇربان بولعان ءبىر ادامعا ءبىر گرۋپپا جاۋاپتى بولۋ تالابى بويىنشا ارناۋلى قىزمەت گرۋپپاسىن قۇرىپ، ەمدەۋ قىزمەتكەرلەرى مەن پسيحيكالىق جەتەكشىلەردەن قۇرام تاپقان قىزمەت وتەۋ گرۋپپاسىن ۇيىمداستىرىپ قۇربان بولعانداردىڭ وتباسىنداعىلارعا جان – جاقتى قىزمەت وتەۋگە جىبەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
