بۇگىننەن باستاپ اۋرۋ بەلگىسى جوق جۇعىمدالۋشىلاردىڭ جاعدايى حابارلاندىرىلادى
ەمدەۋ، دەنساۋلىق ساقتاۋ قۇرىلىمى بايقاعاننان كەيىن ەكى ساعات ىشىندە توراپتا تىكە مالىمدەۋى كەرەك
2020.04.01 17:55 كەلۋ قاينارى : حالىق تورابى
«حالىق گازەتى»، 3 - ايدىڭ 31 - كۇنى، بەيجيڭ (ءتىلشى چيۋ چاۋ - ي). مەملەكەتتىك دەنساۋلىق ساقتاۋ - سالاماتتىق كوميتەتى 3 - ايدىڭ 31 - كۇنى «جاڭا تيپتى ايدارشا ۆيرۋس بەلگىسى جوق جۇعىمدالۋشىلارعا بايلانىستى ساقتانۋ - تىزگىندەۋ قىزمەتى جونىندەگى سۇراۋ - جاۋاپتى» جاريالاپ، جاڭا تيپتى ايدارشا ۆيرۋس بەلگىسى جوق جۇعىمدالۋشىلاردىڭ (تومەندە قىسقاشا «اۋرۋ بەلگىسى جۇعىمدالۋشىلار» دەلىنەدى) قىزۋى ورلەۋ، جوتەلۋ، جۇتقىنشاق اۋرۋ سياقتى وزدىگىنەن سەزىلەتىن نەمەسە كلينيكالىق تۇرعىدان پارىقتاۋعا بولاتىن اۋرۋ بەلگىلەرى مەن دەنەلىك بەلگىلەرى جوق، ءبىراق، تىنىس الۋ جولى سياقتىلاردىڭ ۇلگىسىندە جاڭا تيپتى ايدارشا ۆيرۋستى تەكسەرۋ ناتيجەسى بولىمدى بولعانداردى كورسەتەتىنىن ءتۇسىندىردى.
اۋرۋ بەلگىسى جوق جۇعىمدالۋشىلار مىناداي ەكى ءتۇرلى جاعدايعا بولىنەدى: ءبىرى، نۋكلەين قىشقىلىن تەكسەرگەندە بولىمدى بولادى، 14 كۇن جاسىرىن مەزگىلىن باقىلاعاندا، ءوزى سەزەتىن نەمەسە كلينيكالىق تەكسەرۋدە بايقالاتىن ەشقانداي اۋرۋ بەلگىسى مەن دەنەلىك بەلگىسى بولمايدى، ول باستان - اياق اۋرۋ بەلگىسى جوق جۇعىمدالۋ كۇيىندە بولادى؛ ەندى ءبىرى، نۋكلەين قىشقىلىن تەكسەرگەندە بولىمدى بولادى، ۇلگى العان كەزدە ءوزى سەزەتىن نەمەسە كلينيكالىق تەكسەرۋدە بايقالاتىن ەشقانداي اۋرۋ بەلگىسى مەن دەنەلىك بەلگىسى بولمايدى، ءبىراق ىلە - شالا بەلگىلى ءبىر كلينيكالىق بەلگى پايدا بولادى، ياعني جاسىرىن مەزگىلدەگى «اۋرۋ بەلگىسى جوق» كۇيدە تۇرادى.قازىر اۋرۋ بەلگىسى جوق جۇعىمدالۋشىلاردى بايقاۋدىڭ جولى نەگىزىنەن مىناداي ءتورت ءتۇرلى: ءبىرىنشى، جاڭا تيپتى ايدارشا ۆيرۋس وكپە قابىنۋ ناۋقاسىمەن تىعىز جۇعىسقاندارعا مەديتسينالىق باقىلاۋ جۇرگىزگەن كەزدەگى ىرىقتىلىقپەن تەكسەرۋ؛ ەكىنشى، شوعىرلى ىندەت جاعدايىن تەكسەرۋ بارىسىندا ىرىقتىلىقپەن تەكسەرۋ؛ ءۇشىنشى، جاڭا تيپتى ايدارشا ۆيرۋس وكپە قابىنۋىنىڭ جۇعۋ قاينارىن ىزىنە ءتۇسىپ انىقتاۋ بارىسىندا اشىققا شىققان ادامداردى ىرىقتىلىقپەن تەكسەرۋ؛ ءتورتىنشى، ءىشىنارا جاڭا تيپتى ايدارشا ۆيرۋس وكپە قابىنۋى ءۇرتىس تارالعان رايوندارعا ساياحاتتاپ بارعان نەمەسە سوندا تۇرىپ كەلگەن ادامداردى ىرىقتىلىقپەن تەكسەرۋ. ساناققا قاراعاندا، 3 - ايدىڭ 30 - كۇنى ساعات 24 كە دەيىن مەديتسينالىق باقىلاۋدى قابىلداعان اۋرۋ بەلگىسى جوق جۇعىمدالشىلار ءبىر مىڭ 541 ادام بولعان، مۇنىڭ ىشىندە شەكارا سىرتىنان 205 ادام كەلگەن.
قازىرگى كەزەڭدەگى زەرتتەۋدە بىلاي دەپ قارالادى: اۋرۋ بەلگىسى جوق جۇعىمدالۋشىلاردا جۇقتىرعىشتىق قاسيەت بولادى، ءبىراق جۇعىمدالۋ ۋاقىتىنىڭ ۇزىن - قىسقالىعى، جۇعىمدالۋدىڭ كۇشتى - السىزدىگى، تارالۋ ءتاسىلى قاتارلىلاردى ءالى دە ىشكەرىلەي زەرتتەۋ قاجەت.
مەملەكەتتىك دەنساۋلىق ساقتاۋ - سالاماتتىق كوميتەتى مىنانى تالاپ ەتتى: ەمدەۋ - دەنساۋلىق ساقتاۋ قۇرىلىمدارى اۋرۋ بەلگىسى جوق جۇعىمدالۋشىلاردى بايقاعاندا، 2 ساعات ىشىندە توراپتا تىكە مالىمدەۋى كەرەك. اۋرۋ بەلگىسى جوق جۇعىمدالۋشىلاردى 14 كۇن اۋاشالاۋ، پرينسيپتىك جاقتان 14 كۇن اۋاشالاپ بولعان سوڭ، قاتارىنان 2 رەت نۋكلەين قىشقىلىن تەكسەرگەندە (ۇلگى الۋ ۋاقىت ارالىعى كەمىندە 24 ساعات بولۋ كەرەك) ناتيجەسى بولىمسىز بولىپ شىقسا، اۋاشالاۋدى كۇشىنەن قالدىرۋ كەرەك؛ نۋكلەين قىشقىلىن تەكسەرۋ ناتيجەسى اۋەلگىسىندەي بولىمدى بولعانداردى تاعى دا اۋاشالاپ، مەديتسينالىق باقىلاۋ جۇرگىزۋ كەرەك. ارالىقتا كلينيكالىق بەلگىلەر بايقالسا، دياگنوزى تۇراقتانعان ناۋقاستار قاتارىنا ۋاعىندا قوسۋ كەرەك. اۋرۋ بەلگىسى جوق جۇعىمدالۋشىلارمەن جاقىن ارالاسقانداردى دا 14 كۇن شوعىرلى اۋاشالاپ، مەديتسينالىق باقىلاۋ جۇرگىزۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
