جالپىلىق حابار: رەسەيدە ءبىر كۇندە تىڭنان قوسىلعان ناۋقاس مىڭنان اسىپ كەتتى، ازيا ـ ەۆروپا ەلدەرى ساقتانۋ ـ تىزگىندەۋدى ۇزدىكسىز كۇشەيتتى

2020.04.08 16:57   كەلۋ قاينارى : حالىق تورابى

　　شينحۋا اگەنتتىگى، 4 – ايدىڭ 7 - كۇنى، ماسكەۋ. شينحۋا اگەنتتىگى جالپىلىق حابار ءبولىمىنىڭ ازيا – ەۆروپا رايونىندا تۇراتىن ءتىلشىسى حابارلايدى: ازيا – ەۆروپا وڭىرىندەگى مەملەكەتتەردە جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستار 4 - ايدىڭ 7 - كۇنى ۇزدىكسىز ارتتى، مۇنىڭ ىشىندە رەسەيدە ءبىر كۇندە تىڭنان قوسىلعان ناۋقاس مىڭنان اسىپ كەتتى. ىندەتتىڭ كەڭەيۋىنە قاراتا ءار ەل قاتاڭ ساياسات قولدانىپ، ىندەتتەن ساقتانۋ - تىزگىندەۋدى كۇشەيتتى.

　　رەسەي ىندەتتەن ساقتانۋ قولباسشىلىق شتابى توراپ بەكەتىنىڭ حابارىنا قاراعاندا، وتكەن 24 ساعاتتا رەسەيدە تىڭنان قوسىلعان ناۋقاس ءبىر مىڭ 154 ادام بولىپ، ناۋقاستار جالپى سانى 7 مىڭ 497 گە جەتكەن؛ تىڭنان 11 ادام قازا بولىپ، قازا بولۋشىلاردىڭ جالپى سانى 58 بولعان؛ جالپى 494 ادام جازىلعان. رەسەي زاڭ ينفورماتسيالارى رەسمي توراپ بەكەتى 4 – ايدىڭ 7 - كۇنى جاريالاعان حاباردا بىلاي دەلىندى: رەسەي ۇكىمەتى يمپورت ەتىلگەن تىنىس الۋ اپپاراتىنان، جاڭا تيپتى ايدارشا ۆيرۋس سىناماسىنان جانە ەمدەۋ دارىلەرىنەن كەدەن باجىسىن الماۋدى ۇيعاردى. وسىدان بۇرىن شيپاگەرلىكتە ىستەتىلەتىن ماسكى، كوزاينەك جانە قورعانۋ كيىمى دە باجىنى كەشىرىم ەتۋ تىزىمدىگىنە ەنگىزىلگەن بولاتىن.

　　كەلۋ قاينارى: حالىق تورابى