بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

اۋىل شارۋاشىلىعىنا پايدالانىلاتىن جەر جونىندەگى جاڭا ساياسات اۋىل - قىستاق دامۋىنىڭ جاڭا كورىنەۋ تۇيىنىنە اينالدى

2020.04.14 17:24     كەلۋ قاينارى : حالىق تورابى

  شينحۋا اگەنتتىگى، 4 - ايدىڭ 12 - كۇنى، بەيجيڭ (ءتىلشى ۋاڭ ليبين). جاراتىلىستىق بايلىق مينيسترلىگىنىڭ، اۋىل شارۋاشىلىعى، اۋىل – قىستاق مينيسترلىگىنىڭ قۇرىلعىلى اۋىل شارۋاشىلىعىنا پايدالانىلاتىن جەر جونىندەگى جاڭا ساياساتىنىڭ جەدەل تياناقتانۋىنا بايلانىستى قۇرىلعىلى اۋىل شارۋاشىلىعىنىڭ دامۋى اۋىل – قىستاق ەكونوميكاسىنىڭ جاڭا كورىنەۋ تۇيىنىنە اينالۋدا.

  ءتىلشىنىڭ 4 - ايدىڭ 12 - كۇنى جاراتىلىستىق بايلىق مينيسترلىگىنەن ۇعىسۋىنشا، بيىل ورتالىقتىڭ 1 - ءنومىرلى قۇجاتىنىڭ تالابى جانە جاراتىلىستىق بايلىق مينيسترلىگىنىڭ، اۋىل شارۋاشىلىعى، اۋىل - قىستاق مينيسترلىگىنىڭ قۇرىلعىلى اۋىل شارۋاشىلىعىنا پايدالانىلاتىن جەردى باسقارۋ جونىندەگى جاڭا ساياساتى بويىنشا، اۋىل - قىستاقتاعى ەگىمشىلىك، باعىمشىلىقتاعى جاس كۇيىندە ساقتاۋ، توڭازىتىپ ساقتاۋ، كەپتىرىپ ساقتاۋ سياقتى قۇرىلعىلار ماڭگىلىك نەگىزگى ەگىنجايلار مەن ەكولوگيالىق قىزىل سىزىقتاردى يەلەۋگە سايماسا، ادەتتەگى ەگىستىك جەرلەردى زاڭ - بەلگىلەمەگە ساي پايدالانۋعا بولادى ەكەن. اۋىل شارۋاشىلىق ءوندىرىس ءتاسىلىنىڭ جاڭا وزگەرىسىنە ۇيلەسەتىن وسى جاڭا ساياسات اۋىل - قىستاق جەرىن پايدالانۋ - باسقارۋ قىزمەتىنىڭ كورىنەۋ تۇيىنىنە اينالىپ، اۋىل - قىستاقتا جۇمىستى، ءوندىرىستى قالپىنا كەلتىرۋ جانە كەدەيلىكتەن ارىلتۋدان قامال الۋ بارىسىندا ماڭىزدى رول اتقارا باستاعان.

  جاراتىلىستىق بايلىق مينيسترلىگى ەگىستىك جەردى قورعاۋ، باقىلاۋ تارماق مەكەمەسىنىڭ باستىعى ليۋ ميڭسۇڭ جاڭا ساياساتتى تۇسىندىرگەندە مىنانى ءبىلدىردى: ەلىمىزدىڭ اۋىل شارۋاشىلىعىن وسىزامانداندىرۋ دەڭگەيىنىڭ ۇزدىكسىز جوعارىلاۋىنا بايلانىستى، جاڭا ءوندىرىس، تيجارات ءتاسىلى ۇزدىكسىز قالىپتاسىپ، كولەمدەنگەن شارۋاشىلىق ورەسى ۇزدىكسىز جوعارىلاپ، جەردەن پايدالانۋدىڭ جاڭا جاعدايى، جاڭا قاجەتى جارىققا شىقتى. مىسالى، ەگۋ ءتۇرى مەن ەگۋ ءتاسىلىنىڭ الۋان تۇرلىلەنۋى مەن ءوندىرىستىڭ ۇيىمداسۋ، كولەمدەنۋ دارەجەسىنىڭ ۇزدىكسىز جوعارىلاۋى ءوندىرىستىڭ الدىڭعى بۋىنىنداعى ەگىنشىلىك قۇرال - جابدىقتارىن ساقتاۋ، وزىق تەحنيكانى قولدانۋ، باسقارۋ، سونداي - اق ءوندىرىستىڭ سوڭعى بۋىنىنداعى ونىمدەردى كەپتىرۋ، بولەكتەپ قوراپتاۋ سياقتى قۇرىلعىلارعا پايدالانىلاتىن جەرگە جاڭا تالاپتار قويدى.

  جەردەن پايدالانۋدىڭ جاڭا قاجەتى ۇزدىكسىز ۇزارعان اۋىل شارۋاشىلىق كاسىپ تىزبەگىنەن كەلەدى. بۇلدىرگەن ەگۋمەن اتى ايگىلى شاندۇڭنىڭ لايجوۋ قالاسىندا بۇلدىرگەن سەلبەستىك كووپەراتيۆى، بۇلدىرگەن ۇلگى بازاسى، بۇلدىرگەن ەگۋ قوعامى سياقتىلار جاڭبىردان كەيىنگى جاۋقازىنداي قاۋلادى، بۇلدىرگەن ەگىلگەن قالتقىلاردىڭ، اشىق جەرلەردىڭ اۋدانى 10 مىڭ مۋعا جەتتى. وسىزاماندانعان بۇلدىرگەن ەگۋ، توڭازىتىپ ساقتاۋ، مانەرلەۋ كاسىپتەرى سۋارۋ، ەلەكترمەن قامتاماسىزداندىرۋ سياقتى قۇرىلعىلارعا پايدالانىلاتىن جەرگە شۇعىل تالاپ قويىپ وتىر. مەملەكەتتىك ەلەكتر تورابى شاندۇڭ ولكەسى ەلەكتر سەرىكتەستىگى لايجوۋ قالالىق ەلەكترمەن قامداۋ سەرىكتەستىگى 16 توكپەن قامداۋ ورنىندا قىزمەت وتەۋ اترەتىن قۇرىپ، 100 دەن استام كەرنەۋ وزگەرتكىشكە سۇيەنىپ بۇلدىرگەن سۋارۋ، جىنتىكتەي مانەرلەۋ، توڭازىتىپ ساقتاۋ ءۇشىن تۇتاس كاسىپ تىزبەگى بويىنشا قىزمەت وتەدى. قۇرىلعىلى اۋىل شارۋاشىلىعىنا پايدالانىلاتىن جەر ساياساتى داۋىرمەن بىرگە العا باسىپ، ۇزدىكسىز جاقسارتۋدى، كەمەلدەندىرۋدى قاجەت ەتەدى.

  جاراتىلىستىق بايلىق جۇيەسىنىڭ ساندى مالىمەتىنە قاراعاندا، 3 - ايدان بەرى شاندۇڭ ولكەسى قۇرىلعىلى اۋىل شارۋاشىلىعىنا پايدالانىلاتىن جەردى باسقارۋ ادىسىنە پىكىر الۋ نۇسقاسىن جاريالاعان. حۋنان ولكەسى ىندەتتەن ساقتانۋعا قىزمەت وتەۋ شارالارىن بەلگىلەپ، قۇرىلعىلى اۋىل شارۋاشىلىعىنا پايدالانىلاتىن جەر قاجەتىن قامتاماسىزداندىرعان. سىچۋان ولكەسى قۇرىلعىلى اۋىل شارۋاشىلىعىنا پايدالانىلاتىن جەردى باسقارۋدى اناعۇرلىم كەمەلدەندىرۋ جونىندەگى ناقتى اتقارۋ ءادىسىن جاريالاپ، قۇرىلعىلى اۋىل شارۋاشىلىعىنىڭ اۋىل شارۋاشىلىعىنىڭ ىشكى قۇرىلىمىنداعى رەتتەۋگە ءتان ەكەنىن، ادەتتەگى ەگىستىك جەردى پايدالانۋدا يەلەنۋ مەن تولىقتاۋدىڭ تەپە - تەڭدىگىن تياناقتاندىرۋدىڭ قاجەتى جوق ەكەنىن ايقىنداعان. گۋاڭدۇڭ ولكەسى جۇمىستى، ءوندىرىستى قالپىنا كەلتىرگەن وسى زامانعى ەگىمشىلىك، باعىمشىلىق كاسىپتەرىندەگى، اۋىل شارۋاشىلىق ونىمدەرىن مانەرلەۋ اينالىمىنداعى نىسانداردى «تۇيىندەر بويىنشا جەرمەن قامداۋ» الدىمەن كولەمىنە ەنگىزىپ، شوشقا باعىمشىلىعى سياقتى قۇرىلعىلى اۋىل شارۋاشىلىعىنا پايدالانىلاتىن جەر قاجەتىن قامتاماسىزداندىرعان.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار