بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ەكولوگيالىق تۇرعىدان كەدەيلەردى سۇيەمەلدەۋ 3 ميلليون كەدەيدىڭ كەدەيلىكتەن ارىلۋىنا جەبەۋشى بولدى

ادام جاسىل تاۋدى قاستەرلەسە، جاسىل تاۋ دا، ءسوز جوق، ادامعا سي ۇسىنادى

«حالىق گازەتىنىڭ» ءتىلشىسى ۋاڭ حاۋ

2020.05.07 15:57     كەلۋ قاينارى : حالىق تورابى

  گۇيجوۋ ولكەسى ليبو اۋدانى دىڭچياۋ قىستاعىنىڭ كەدەي تۇرعىنى باي يىڭچۋان شاۋگىم جانە جەڭىل تاعامدارىن كوتەرىپ ءبىر كۇنگى ورمان شارلاۋ قىزمەتىن باستادى. ول بىلاي دەدى: «ورمان قورعاۋشى بولىپ، ىرگەدە جۇمىسقا شىعامىن، ءبىر جىلدا 10 مىڭ يۋاننان استام ەڭبەكاقى الامىن، كەدەيلىكتەن ورنىقتى ارىلاتىن بولدىم». مۇنداي جۇمىس ءبىر جاعىنان ەكولوگيالىق ورتانى قورعايدى، ءبىر جاعىنان تۇرعىنداردىڭ قالتاسىن قامپايتادى، ليبو اۋدانى 4 مىڭ ادامدى ەكولوگيالىق ورماننىڭ قورعاۋشىلىعىنا تاڭداپ الىپ، ولاردى كەدەيلىكتەن ارىلىپ، اۋقاتتانۋعا باستادى.

  باس شۋجي شي جينپيڭ شانشيدە قىزمەت تەكسەرگەندە بىلاي دەپ دارىپتەگەن بولاتىن: ادام جاسىل تاۋدى قاستەرلەسە، جاسىل تاۋ دا، ءسوز جوق، ادامعا سي ۇسىنادى، تۇنىق سۋ، جاسىل تاۋ − ءارى تابيعي بايلىق، ءارى ەكونوميكالىق بايلىق. اۋىلداستاردىڭ ەكولوگيانى الدىمەن ويلاستىرۋىن، جاسىل دامۋ جولىمەن بۇلجىماي ءجۇرۋىن ءۇمىت ەتەمىن.

  قالىڭ كەدەي وڭىرلەر جەرگىلىكتى جاعدايعا قاراي ىستەپ، ەكولوگيالىق قۇرىلىس پەن كەدەيلىكتەن ارىلتۋدان قامال الۋدا تاباندى بولدى، 5 جىلدان بەرى ەكولوگيالىق تولەم بەرىپ، ءبىر توپ ادامدى كەدەيلىكتەن ارىلتۋدىڭ ءونىمى كورنەكتى بولدى. ورتا، باتىس بولەكتەردەگى 22 ولكە، اۆتونوميالى رايون، توتە قاراستى قالادا ورمان شارۋاشىلىعىنىڭ جالپى ءونىم قۇنى 4 تريلليون 260 ميلليارد يۋانعا جەتىپ، ەكولوگيالىق تۇرعىدان كەدەيلەردى سۇيەمەلدەۋ بويىنشا 3 ميلليون كەدەيدىڭ كەدەيلىكتەن ارىلۋىنا دەم بەرىلدى؛ كەدەي وڭىرلەردەگى ورمان، ءشوپ جامىلعىسى ۇزدىكسىز ارتىپ، ورمانمەن كومكەرىلۋ شاماسى ورتا ەسەپپەن 4 پايىزدان استام ارتتى.

  ەكولوگيانى قورعاپ، قالتاسىن قامپايتتى، كەدەي بۇقارا ەكولوگيالىق ورتانى قورعاۋدىڭ ءدامىن تاتتى

  «ەلىمىزدە ورمان - توعاي ءوڭىرى، ەكولوگياسى ءالسىز وڭىرلەر، اۋىر كەدەي وڭىرلەر ءوزارا تىعىز بايلانىستى. بۇل وڭىرلەر − ءارى ەكولوگيالىق قۇرىلىستىڭ ءتۇيىندى ءوڭىرى، ءارى ەكولوگيالىق جاقتان كەدەيلەردى سۇيەمەلدەۋدىڭ نەگىزگى شايقاس مايدانى» دەدى مەملەكەتتىك ورمان - جايىلىم مەكەمەسىنىڭ باستىعى جاڭ جيانلۇڭ.

  جەر - جەر تاسىلگە جاڭالىق ەنگىزىپ، كەشەندى شارالار قولدانىپ، ەكولوگياعا كەپىلدىك ەتەتىن جانە كىرىستى ارتتىراتىن كەدەيلەردى دالمە - ءدال سۇيەمەلدەۋ جولىن اشتى.

  يۇننان ولكەسى لۇڭليڭ اۋدانى مىڭنو قالاشىعى گوۋشينجاي قىستاعىنىڭ تۇرعىنى ياڭ مانجاۋ اسەرلەنە بىلاي دەدى: «شەگىنگەن اتىزدى ورمانعا قايتارۋ ءبىزدى جاقسى تۇرمىسقا باستادى، 3 جىلدا 6 مىڭ يۋاننان استام كومەك اقشا الدىم. بۇرىن تاۋ توبەسىنە دەيىن ەگىن سالىپ، جاپا – ماشاقاتتى جەڭىپ ەڭبەك ىستەسەك تە، كىرىسىمىز ماردىمسىز بولاتىن. قازىر ساياساتتىق قوسىمشا قاراجاتقا سۇيەنىپ ماڭگو اعاشىن وتىرعىزدىم، مۋ باسىنان ءبىر مىڭ 500 يۋاننان استام كىرىس كىرگىزەمىن. تاۋ جاسىلداندى، تۇرمىسىمىز دا بارعان سايىن جاقساردى».

  ەكولوگيالىق تۇرعىدان كەدەيلەردى سۇيەمەلدەۋدە ساياسات كەدەي وڭىرلەرگە بەيىمدەلدى. 2016 - جىلدان بەرى ورتا، باتىس بولەكتەردەگى 22 ولكە شەگىنگەن اتىزدى ورمانعا، جايىلىمعا قايتارۋ، جايىلىمدى تىنىقتىرۋ، تابيعي ورماندى قورعاۋ سياقتى كەلەلى ەكولوگيا ينجەنەريالارىن اتقاردى، ورتالىق دەڭگەيىندە كەدەي وڭىرلەردەگى ورمان، ءشوپ وسىرۋگە 150 ميلليارد يۋاننان استام قارجى ورنالاستىرىلدى؛ جاڭادان ارتقان شەگىنگەن اتىزدى ورمانعا، جايىلىمعا قايتارۋ مىندەتى تۇگەلدەي كەدەي وڭىرلەرگە ورنالاستىرىلدى، ءتۇيىندى وڭىرلەردەگى كەدەي وتباسىلار 9 مىڭ يۋاننان مال - مۇلىك سيپاتىندىق كىرىسكە قول جەتكىزدى (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار).

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار