بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

جۇمىستى، ءوندىرىستى قالپىنا كەلتىرۋ بارىسىندا جاسىل دامۋدىڭ قارقىنى تەزدەتىلدى

«حالىق گازەتىنىڭ» ءتىلشىسى جاۋ جانحۇي

2020.05.15 16:36     كەلۋ قاينارى : حالىق تورابى

  5 - ايدىڭ باسىندا ىشكى موڭعۇلدىڭ ۇلانسۋ كولى الابىنداعى تاۋ، سۋ، ورمان، اتىز، كول، جايىلىم ەكولوگياسىن قورعاۋ، قالپىنا كەلتىرۋدى تۇيىندە سىناق ەتۋ ينجەنەرياسىنىڭ جۇمىس باسىندا ەڭبەكشىلەر قايشالىسىپ، ماشينا گۇرىلى توقتاۋسىز كوتەرىلىپ جاتتى. قۇمدى اۋماقتى تەجەۋ، قۇمدى تىزگىندەۋ مىندەتى جاپپاي ورىندالدى، 10 مىڭ مۋلىق قۇمدى جەرگە تۇقىم سەبۋ جۇمىسى ورىندالدى، وسىلايشا ينجەنەريانىڭ ماڭىزدى مىندەتى اياقتالدى. «قۇمدى اۋماقتى تەجەۋ، قۇمدى تىزگىندەۋ قىزمەتى اياقتاعاننان كەيىن ءار جىلى حۋاڭحى وزەنىنە قۇيىلاتىن سارى قۇم ءبىر ميلليون تەكشەمەتر ازايادى». قۇرىلىس جۇرگىزۋشى جاق − جۇڭگو قۇرىلىس توبى 1 - مەكەمەسىنىڭ نىسان مەڭگەرۋشىسى جاڭ ىنبو تىلشىگە بىلاي دەدى: بۇل ينجەنەريا باياندى دامۋ مەن ەكولوگيالىق وركەنيەت قۇرىلىسىندا توتەنشە ماڭىزدى مانگە يە.

  جۇمىستى، ءوندىرىستى قالپىنا كەلتىرۋدى جاپپاي ىلگەرىلەتۋ بارىسىندا، جەر - جەر، تاراۋلار جاسىل دامۋ ۇستانىمىندا باستان - اياق تاباندى بولىپ، ساپالى دامۋ جولىمەن بۇلجىماي ءجۇردى.

  جاسىل كاسىپ سالاسى جاڭا ەكونوميكالىق ارتۋ تۇيىندەرىن جەتىلدىردى

  «تۇنىق سۋ، جاسىل تاۋ − باعالى بايلىق»، بۇل ءۇرىمجى قالاسى تيانشان رايونىنىڭ ياننان تاۋىندا تولىق دالەلدەندى. بۇرىن تاس قيىرشىقتارى باسىپ جاتاتىن، قىلتاناق شىقپايتىن تاقىر تاۋدا قازىر 220 مىڭ ءتۇپ اق شەگىرشىن، تاس الما سياقتى ءتۇرلى اعاشتار «قالانىڭ جاسىل وكپەسىنە» اينالدى. ياننان تاۋىن جاسىلداندىرۋ نىسانىندا جۇمىس بىتكەننەن كەيىن توڭىرەكتەگى رايونداردىڭ ەكونوميكاسىنىڭ تەز قارقىنمەن دامۋىنا تۇرتكى بولدى. قازىر جاڭادان يگىلىك جاراتىپ، كاسىپتەنگەن وتباسى مىڭنان اسىپ، سول جەردەگى ارحيۆ تۇرعىزىلىپ، كارتوچكا بەرىلگەن 90 كەدەي وتباسىنىڭ تۇگەلدەي كەدەيلىكتەن ارىلۋىنا دەم بەرىلدى.

  جاسىل كاسىپ سالاسى كوپ جاقتان وركەندەپ، جاسىل GDP عا دەم بەردى. جاسىل اۋىل شارۋاشىلىعىنىڭ تەبىنى ارتتى، گانسۋ ولكەسى لينزى اۋدانى شينحۋا قالاشىعى فۋچياڭ قىستاعىندا سۋ قاپتاتىپ سۋارۋ دالمە - ءدال تامشىلاتىپ سۋارۋعا، «جەردى سۋارۋ» «داقىل سۋارۋعا» وزگەرتىلدى. بيىل كوكتەمگى ەگىس قىزمەتىندە قىستاقتىڭ سۋدان پايدالانۋ شاماسى %95 كە جەتتى؛ جاسىل ەنەرگيانىڭ قالپىنا كەلۋى تەز بولدى، تاياۋدا مەملەكەتتىك ەنەرگيا توبى لۇڭيۋان ەلەكتر سەرىكتەستىگىنە قاراستى 32 ورىنداعى سالىنىپ جاتقان 2 ميلليون 210 مىڭ كيلوۆاتتىق جەل ەلەكتر نىسانىندا تۇگەلدەي جۇمىس قالپىنا كەلىپ، جەل ەلەكترى سياقتى تۋىندامالى ەنەرگيا ءوندىرىس ءتارتىبى جەدەل تارتىپكە ءتۇستى ءارى سيفرلانعان، زەيىندىك باسقارۋعا بۇرىلىس جاسادى؛ جاسىل فينانستىڭ اياق الىسى تەزدەدى، گۋاڭدۇڭدا تۇڭعىش توپتاعى بىلعانىش شىعارۋ ۇقىعىن كەپىلگە قويىپ قارجى قۇراۋ نىساندارى تياناقتانىپ، زاڭ بويىنشا بىلعانىش شىعاراتىن، ەنەرگيا ۇنەمدەپ، ورتانى قورعايتىن كاسىپورىندار نەشە ون ميلليارد يۋان بىلعانىش شىعارۋ ۇقىعىن كەپىلگە قويىپ قارجى قۇراۋ قارجىسىنا قول جەتكىزدى ...جاسىل تۇتىنۋ جاڭاشا تۇرمىس سالتىنا جەتەكشىلىك ەتتىجاڭا كاسىپ كۇيىنىڭ، جاڭا ۇلگىنىڭ جەبەۋىنە، جاسىل ونىمدەرمەن ۇتىمدى قامداۋدىڭ ارتۋىنا بايلانىستى جاسىل تۇتىنۋ جاڭا سالتقا اينالۋدا.

  جاسىل اۋىل شارۋاشىلىق ونىمدەرىنە قول جەتەتىن بولدى. گۇيجوۋدىڭ چىشۇي قالاسىنىڭ بالاۋسا بامبۇگى، گانسۋ ولكەسى لانجوۋ قالاسىنىڭ گۇلدى سارىمساعى، حۋبەي ولكەسى زىگۇي اۋدانىنىڭ كىندىك اپەلسينى... ەلەكتروندى ساۋدا تەكشەلەرىنە كىرسەڭىز، ساپاسى جاقسى، باعاسى لايىقتى وسى ونىمدەردى توراپتان تىكەلەي ساتىپ الۋىڭىزعا بولادى. ىندەتتەن ساقتانۋ - تىزگىندەۋ مەزگىلىندە سيفرلى ەكونوميكا جەدەل ارتتى، جاڭا كاسىپ كۇيى، جاڭا ۇلگى جاسىل تۇتىنۋدىڭ دارەجەسىنىڭ جوعارىلاۋىن جەبەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار