ۇكىمەت قىزمەتىنەن بايانداماداعى 30 يۋان «شاشۋعا» ءسال قاراماڭىز
حۋاڭ يۇي، تاڭ جيا
2020.05.29 13:53 كەلۋ قاينارى : حالىق تورابى
«سىزگە بەرىلگەن 30 يۋان شاشۋ ەسەبىڭىزگە كىرەدى».
بيىلعى ەكى ماجىلىستەگى ۇكىمەت قىزمەتىنەن باياندامادا نەگىزدىك مەديتسينالىق قىزمەت وتەۋ ورەسىن جوعارىلاتۋ، تۇرعىنداردىڭ مەديتسينالىق قامسىزداندىرۋ قاراجاتىنا قازىنادان قوسىمشا قاراجات بەرۋ مولشەرىن كىسى باسىنا ورتا ەسەپپەن 30 يۋان جوعارىلاتۋ، امبۋلاتوريا قاراجاتىن ولكە اتتاپ تىكەلەي ەسەپتەن كوتەرتۋدى تۇيىندە سىناق ەتۋ ورتاعا قويىلدى.
بۇل 30 يۋاندى ۇكىمەت قىزمەتىنەن بايانداماداعى ءجۇز ميلليوننان اساتىن باسقا سيفرلارمەن سالىستىرعاندا كوزگە قوراش كورىنگەنىمەن، مامانداردىڭ ايتۋىنشا، ءىس جۇزىندە بۇل حالىقتا تيىمدىلىك جەتكىزەتىن «ۇلكەن شاشۋ» ەكەن.
جىل سايىن ارتۋدا: ۇكىمەت «جۇپىنى تۇرمىس» وتكىزىپ، حالىقتىڭ «جاقسى تۇرمىس كەشىرۋىنە» شارت – جاعداي جاراتتى
«تۇرعىنداردىڭ مەديتسينالىق قامسىزداندىرۋ قاراجاتىنا قازىنادان قوسىمشا قارجات بەرۋدە كىسى باسىنا تيەتىن قاراجات مولشەرى دەگەنىمىز ۇكىمەتتىڭ قازىنا تاراۋلارى قاراجات بولەتىن جانە ورنالاستىراتىن، قوسىمشا قاراجات سيپاتىنا يە، تۇرعىنداردىڭ مەديتسينالىق قامسىزداندىرۋ قاراجاتىن ەسەپتەن كوتەرتۋگە پايدالاناتىن قازىنالىق شىعىمدى كورسەتەدى.
جۇڭشان داشۋەسى ليڭنان شۋەيۋانىنىڭ پروفەسسورى، جۇڭگو قوعامدىق قامتاماسىزداندىرۋ قوعامى باستىعىنىڭ ورىنباسارى شىن شۋگۋاڭ بىلاي دەپ تانىستىردى: «ەلىمىزدە قالا – قالاشىقتارداعى جۇمىسشى – قىزمەتكەرلەردىڭ نەگىزدىك مەديتسينالىق قامسىزداندىرۋ قاراجاتىن كاسىپورىن مەن جەكە بىرگە تاپسىرادى، ال، اۋىل – قىستاقتاعى تۇرعىنداردىڭ مەديتسينالىق قامسىزداندىرۋ قاراجاتىن تاپسىرۋ ءتاسىلى ءبىرشاما وزگەشە: جارىمى قازىنادان شىعارىلادى، جارىمىن تۇرعىندار ءوزى كوتەرەدى».
ۇعىسۋعا قاراعاندا، بيىلعى 30 يۋان شاشۋ تۇرعىنداردىڭ مەديتسينالىق قامسىزداندىرۋ قاراجاتىنا قازىنادان قاراجات بولۋدە كىسى باسىنا تيەتىن قوسىمشا قاراجات مولشەرىنىڭ تۇڭعىش رەت جوعارىلاتىلۋى ەمەس.
2018 – جىلعى ۇكىمەت قىزمەتىنەن بايانداماندا بىلاي دەپ كورسەتىلگەن: بەس جىلدان بەرى، تۇرعىنداردىڭ نەگىزدىك مەديتسينالىق قامسىزداندىرۋ قاراجاتىنا قازىنادان قوسىمشا قاراجات بەرۋدە كىسى باسىنا تيەتىن قاراجات مولشەرى 240 يۋاننان 450 يۋانعا جوعارىلاتىلدى؛ سول جىلى تاعى دا 40 يۋان جوعارىلاتىلىپ، مۇنىڭ جارىمى سالماقتى ناۋقاستاردان قامسىزداندىرۋعا پايدالانىلعان.
2020 – جىلى 5 – ايدىڭ 19 – كۇنى مەملەكەتتىك كەڭەس جاريالاعان 2019 – جىلعى ۇكىمەت قىزمەتىنەن بايانداماداعى ناقتىلاندىرىلعان كورسەتكىشتىك مىندەتتەردىڭ اتقارىلۋى جاعدايى جونىندەگى كەستەگە قاراعاندا، 2019 – جىلى «تۇرعىنداردىڭ مەديتسينالىق قامسىزداندىرۋ قاراجاتىنا قازىنادان قوسىمشا قاراجات بەرۋدە كىسى باسىنا تيەتىن قاراجات مولشەرى 30 يۋان ارتتىرىلدى»، «تۇرعىنداردىڭ مەديتسينالىق قامسىزداندىرۋ قاراجاتىنا قازىنادان بەرىلەتىن قوسىمشا قاراجاتتى كىسى باسىنا ورتا ەسەپپەن 15 يۋان ارتتىرىپ، بۇل قاراجات سالماقتى ناۋقاستاردان قامسىزداندىرۋعا پايدالانىلادى»، «سالماقتى ناۋقاستان قامسىزداندىرۋ قاراجاتىنىڭ باستاپقى تولەۋ شەگىن تومەندەتۋ، ەسەپتەن كوتەرتۋ مولشەرىن %50تەن %60كە جوعارىلاتۋدى» قامتىعان 38 كورسەتكىشتىك مىندەت تۇگەل ورىندالعان.
بۇل «شاشۋدىڭ» جىل سايىن ارتۋى ەرەكشە مەزگىلدە دە توقتاتىلعان جوق.
ىندەتتىڭ ىقپالىنا ۇشىراعاندىقتان، بيىل قازىنالىق كىرىس تومەندەپ، ورتالىق پەن جەرگىلىكتى ورىنداردىڭ بارلىعى ىقپالعا ۇشىرادى، جەرگىلىكتى قازىنا تاراۋلارىنىڭ كىرىسىنىڭ كەمەيىپ، شىعىمىنىڭ ارتتىرۋى 100 ميلليارد يۋاننان 900 ميلليارد يۋانعا دەيىن جەتۋى مۇمكىن، ءىشىنارا جەرلەردە نەگىزدىك حالىق تۇرمىسىنا كەپىلدىك ەتۋى، ەڭبەكاقى مولشەرىنە كەپىلدىك ەتۋى، اينالىمدى ساقتاۋىنىڭ ءوزى نەداۋىر زور قىسىمعا ءدوپ كەلۋى مۇمكىن. بيىلعى مەملەكەتتىك ەكى ماجىلىستەگى «مينيسترلەر دالىزىندە»، قازىنا مينيسترلىگىنىڭ مينيسترى ليۋ كۇن ۇكىمەت «جۇپىنى تۇرمىس وتكىزىپ»، قازىنا تاراۋلارى ۇنەمدەگەن قاراجاتتى حالىققا تيىمدىلىك جەتكىزۋگە پايدالانۋى كەرەك ەكەنىن، قاجىرلىلىقپەن كۇرەس جاساۋ، ۇنەمشىلدىكپەن ءىس باسقارۋ رۋحىن تياناقتاندىرۋ كەرەك ەكەنىن ايتتى.
ەرەكشە مەزگىلدە، نەگىزدىك حالىق تۇرمىسىنا پايدالاناتىن شىعىم ارتپاسا كەمىمەيدى، مۇنداعى ماقسات — حالىقتىڭ «جاقسى تۇرمىس» وتكىزۋىنە شارت – جاعداي جاراتۋ.
«30 يۋاننان» الدە قايدا اسىپ تۇسەتىن يگىلىككە كەنەلۋ: اۋىرعاندا ەمدەلە الۋ
بيىلعى ۇكىمەت قىزمەتىنەن باياندامادا «جاڭادان ارتقان ازايتىلعان باجىنىڭ مولشەرى شامامەن 500 ميلليارد يۋان»، «كاسىپورىنداردىڭ اۋىرتپالىعىن جەڭىلدەتۋدە جاڭادان جەڭىلدەتىلگەن قاراجات مولشەرى 2.5 تريلليون يۋاننان اسقان» ... وسى سياقتى ساياساتتىق يگىلىك تۇرلەرىمەن سالىستىرعاندا، تۇرعىنداردىڭ مەديتسينالىق قامسىزداندىرۋ قاراجاتىنا قازىنادان قوسىمشا قاراجات بەرۋدە كىسى باسىنا تيەتىن قاراجات مولشەرىن 30 يۋان ارتتىرۋ كوزگە قوراش كورىنگەنىمەن، ءىس جۇزىندە بۇل شارانىڭ قۋاتى زور.
مەملەكەتتىك مەديتسينالىق قامسىزداندىرۋ مەكەمەسى تورابىنىڭ مالىمەتىنە قاراعاندا، 2019 – جىلدىڭ سوڭىنا دەيىن، ەلىمىزدە قالا - اۋىل تۇرعىندارىنىڭ نەگىزدىك قامسىزداندىرۋىنا قاتىناسقان ادام سانى ءبىر ميلليارد 25 ميلليون 100 مىڭ ادام بولعان. يگىلىكتەنگەن ادام – رەت سانى مەن مەديتسينالىق قاراجات مولشەرى ۇزدىكسىز ارتقان، 2018 – جىلى تۇرعىنداردىڭ مەديتسينالىق قامسىزداندىرۋىنا قاتىناسقاندار جيىنى ءبىر ميلليارد 620 ميلليون ادام – رەت يگىلىكتەنگەن.
«ەلىمىزدىڭ جان سانى مول، نەگىزدىك مەديتسينالىق قامسىزداندىرۋعا قاتىناسقان ادام سانى كوپ، قازىنادان ورتا ەسەپپەن 30 يۋان شىعىم شىعارۋ ەلەۋسىز جۇمىس سياقتانعانىمەن، جالپى مولشەرىن ەسەپتەگەندە وتە مول قاراجات بولادى»، — شىن شۋگۋاڭ مىنانى اتاپ كورسەتتى: قازىنادان شىعارىلعان بۇل 30 يۋان «شاشۋدىڭ» جالپى مولشەرى وتە زور، حالىقتىڭ قولىنا ناق تاراتىلاتىن قاراجات.
شىن شۋگاڭ جاعدايدى تانىستىرا كەلىپ: «30 يۋاننان ءوسىرىپ وتىرۋ، بەلگىلى دەڭگەيدەن ايتقاندا، وتە قاجەتتى»، — دەيدى. تۇرعىنداردى مەديتسينالىق جاقتان قامسىزداندىرۋ ءتۇزىمى ورناتىلعاننان كەيىن، تۇتىنۋ باعاسى كورسەتكىشىنىڭ تابيعي ارتۋىنا، جاڭا ءدارى – دارمەكتەر مەن جاڭا تەحنيكالاردىڭ كەڭىنەن قولدانىلۋىنا، جان سانىنىڭ قارتتانۋىنا بايلانىستى مەديتسينالىق شىعىم دا جوعارىلاۋدا، مەديتسينالىق قاراجات توپتاۋ مولشەرى دە وسىعان ىلەسە جوعارىلاۋى قاجەتتى.
«وسىنداي شارت – جاعدايدا، ءبىر جاعىنان، جەكەلەر مىندەتىنە العان قاراجات مولشەرى جوعارىلاۋدا؛ ەندى ءبىر جاعىنان، قازىنا مىندەتىنە العان بولەگى دە ارتۋدا، وسىلاي بولعاندا عانا مەديتسينالىق قامسىزداندىرۋ قورىنىڭ تەپە – تەڭدىگىن ساقتاۋعا بولادى، بۇل ءتۇزىم سوندا عانا ءونىمدى تۇردە اتقارىلا بەرەدى».
شىن شۋگۋاڭ ىشكەرىلەي تانىستىرىپ بىلاي دەدى: تىكەلەي تۇسىنىك بەرسەك، مەديتسينالىق قامسىزداندىرۋ قاراجاتىنا قازىنادان قوسىمشا قاراجات بەرۋدىڭ كىسى باسىنا تيەتىن مولشەرىن جوعارىلاتۋ — «ناۋقاستانعاندا ەمدەلە الۋدى» اناعۇرلىم ويداعىداي ىسكە اسىرۋ ءۇشىن قاجەتتى.
«مىسالى، جۋىرداعى جىلداردان بەرى، ەمحاناعا جاتىپ ەمدەلۋدى قامتاماسىزداندىرۋدان سىرت، امبۋلاتوريالىق ەمدەۋ جاعىنداعى قامتاماسىزداندىرۋ ءتۇزىمىن ورناتقان جەرلەردىڭ سانى دا بارعان سايىن ارتىپ كەلەدى؛ نەگىزدىك مەديتسينالىق قامسىزداندىرۋدان سىرت، سالماقتى ناۋقاسقا بايلانىستى قامسىزداندىرۋ ىسكە قوسىلدى؛ مۇنان سىرت، قازىنالىق قوسىمشا قاراجات تا ارتتىرىلۋدا، مەديتسينالىق قامسىزداندىرۋدا قامتىلاتىن ءدارى – دارمەكتەر مەن تەكسەرىلەتىن اسپاپتاردىڭ كولەمىن كەڭەيتۋدىڭ دە مۇمكىندىگى ارتتىرىلۋدا ... وسىلايشا، ‹ناۋقاسقا شالدىققاندا ەمدەلە الۋدى› اناعۇرلىم شىنايى ىسكە اسىرۋعا بولادى».
ناقتى «مول شاشۋ»: كاسىپتەنۋدى ورنىقتىرىپ، تۇتىنۋدى ىلگەرىلەتۋ
حالىق تۇرمىسىن قامتاماسىزداندىرۋ مەن ونى جاقسارتۋ — ۇكىمەت قىزمەتىنەن باياندامانىڭ ءتۇيىندى مازمۇندارىنىڭ ءبىرى.
توراپتاستار مىنانى بايقاعان: باياندامادا ايتىلعان حالىق تۇرمىسى جاعىنداعى يگىلىكتەر تەك 30 يۋان شاشۋ عانا ەمەس: قالا – اۋىل تۇرعىندارىنىڭ نەگىزدىك زەينەتكەرلىك قامسىزداندىرۋ قاراجاتىنىڭ ەڭ تومەنگى مولشەرىن جوعارىلاتۋ؛ كاسىپسىزدىك قامسىزداندىرۋىنىڭ قامتاماسىزداندىرۋ كولەمىن كەڭەيتۋ، قامسىزداندىرۋعا قاتىناسقانىنا ءبىر جىل تولماعان ديقان جۇمىسكەرلەر قاتارلى كاسىپسىزدەردى تۇراقتى تۇراتىن جەردە قامتاماسىزداندىرۋ كولەمىنە ەنگىزۋ؛ ەڭ تومەنگى تۇرمىس دەڭگەيى قامتاماسىزداندىرىلاتىنداردى قامتاماسىزداندىرۋ كولەمىن كەڭەيتۋ، قالا مەن اۋىلداعى قيىنشىلىعى بار وتباسىلاردىڭ قامسىزداندىرۋعا تيىستىلەرىن تولىق قامسىزداندىرۋ؛ كىرىس دەڭگەيى تومەن ادامداردىڭ الەۋمەتتىك قامسىزداندىرۋ قاراجاتىن ەركى بويىنشا كەشەۋىلدەتىپ تاپسىرۋى جونىندەگى ساياسات ... وسىلاردىڭ بارلىعى ناقتى «شاشۋلار» ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved