كاتاراكتا اۋرۋىنا شالدىققان 190 مىڭنان استام كەدەي ەمدەلدى
2020.06.16 15:27 كەلۋ قاينارى : حالىق تورابى
«حالىق گازەتى»، 6 - ايدىڭ 15 - كۇنى، بەيجيڭ (ءتىلشى گۋ جۇڭياڭ). ءتىلشىنىڭ بىرنەشە كۇننىڭ الدىندا جۇڭگو كەدەيلەردى سۇيەمەلدەۋ ەرىكتى قىزمەت وتەۋىن جەبەۋ قوعامىنان ۇعىسۋىنشا، «جارىق سيلاۋ كەدەيلەردى سۇيەمەلدەۋ ينجەنەرياسى» 2018 – جىلى 3 – ايدا باستالعاننان بيىل 5 - ايدىڭ سوڭىنا دەيىن بۇكىل ەلدىڭ كەدەي رايوندارىنداعى ارحيۆ تۇرعىزىلىپ، كارتوچكا بەرىلگەن كەدەي وتباسىلاردان كاتاراكتا اۋرۋىنا شالدىققان جالپى 192 مىڭ 453 ادام ەمدەلگەن، جالپى 90 ميلليون يۋاننان استام ەمدەۋ قوسىمشا قاراجاتى بەرىلگەن. كەلەسى قادامدا بۇكىل ەلدىڭ كەدەي رايوندارىندا كاتاراكتا اۋرۋىنا شالدىققان تاعى 100 مىڭنان استام ناۋقاستى ەمدەۋ، كەدەيلىكتەن ارىلماعان 52 كەدەي اۋداندا كاتاراكتا اۋرۋىنا شالدىققان ناۋقاستاردى ەمدەۋ جاعىنان الدىمەن قامتاماسىزداندىرۋ، ارحيۆ تۇرعىزىلىپ، كارتوچكا بەرىلگەن كەدەي وتباسىلاردان 300 مىڭ ادامدى ەمدەۋ نىساناسىن جۇزەگە اسىرۋ كوزدەلىپ وتىر.
«جارىق سيلاۋ كەدەيلەردى سۇيەمەلدەۋ ينجەنەرياسىن» مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى بىرگە باستاعان، مۇنداعى ماقسات، كەدەي وڭىرلەردەگى كاتاراكتا اۋرۋىنا شالدىققانداردى اقىسىز ەمدەۋ سىندى كەدەيلەردى سۇيەمەلدەۋ نىسانىن اتقارىپ، اۋىل - قىستاقتاعى كەدەيلەردىڭ اۋرۋ سەبەبىنەن كەدەيلەنۋ، اۋرۋ سەبەبىنەن قايتا كەدەيلەنۋ ماسەلەسىن ءتۇيىندى تۇردە باسەڭدەتۋ بولىپ تابىلادى.
جۇڭگو كەدەيلەردى سۇيەمەلدەۋ ەرىكتى قىزمەت وتەۋىن جەبەۋ قوعامى باستىعىنىڭ ورىنباسارى لي شۋشاننىڭ تانىستىرۋىنا قاراعاندا، «جارىق سيلاۋ كەدەيلەردى سۇيەمەلدەۋ ينجەنەرياسىن» ناقتى اتقاراتىن ورىن رەتىندە جەبەۋ قوعامى ەرىكتى قىزمەت وتەۋ قىزمەتىن كەڭ كولەمدە ورىستەتكەن. نىسان ورىستەتىلگەننەن بەرى بەلگىلەنگەن شيپاحانالاردا جاسىل ارنا اشىلعان، جەر - جەر قىستاق شيپاگەرلەرى، ءبىرىنشى شۋجيلەر، قىستاقتا تۇراتىن قىزمەت اترەتتەرى جانە نەگىزگى ساتى دەنساۋلىق ساقتاۋ قىزمەتكەرلەرى قاتارلىلاردى جۇمىلدىرىپ كەدەي وتباسىلاردى ىرىكتەۋ، ەمدەۋ قىزمەتىن ويداعىداي ىستەگەن، 10 مىڭداعان ەرىكتى قىزمەت وتەۋشى «جارىق سيلاۋ كەدەيلەردى سۇيەمەلدەۋ ينجەنەرياسىنا» قاتىناسقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
