بەيجيڭدە جاڭادان ارتقان ناۋقاستاردىڭ سانى ءبىر ورىندى سانعا تومەندەدى
ماماندار قالا تۇرعىندارىنىڭ ءالى دە ساق بولۋى كەرەك ەكەنىن ايتتى
2020.06.23 14:05 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 22 – كۇنى، بەيجيڭ (ءتىلشى: شيا كى) بەيجيڭ قالالىق دەنساۋلىق ساقتاۋ جانە سالاماتتىق كوميتەتىنىڭ 6 – ايدىڭ 22 – كۇنى حابارلاۋىنشا، 6 – ايدىڭ 21 كۇنى ساعات نولدەن ساعات 24كە دەيىن، بەيجيڭ قالاسىندا جاڭادان ارتىپ، مالىمدەلگەن جاڭا تيپتى ايدارشا ۆيروس وكپە قابىنۋ ىندەتىنە شالدىقتى دەپ دياگنوز قويىلعان جەرگىلىكتى ناۋقاستاردىڭ سانى 9 بولعان. سەگىز كۇن بويى ەكى ورىندى سان بويىنشا ارتقان سوڭ، بەيجيڭدە جاڭادان ارتقان ناۋقاس سانى تۇڭعىش رەت ءبىر ورىندى سانعا تومەندەدى. ماماندار مىنانى ءبىلدىردى: قازىر بەيجيڭدە ىندەت جاعدايى «ورنىقتى كەزەڭدە» تۇر، بۇل بۇدان بىلاي ناۋقاس سانىنىڭ جاڭادان ارتپايتىنىن بىلدىرمەيدى، دياگنوزى تۇراقتانعان ناۋقاستار سانىنىڭ جاڭادان ارتۋى ءبىر مەزەت جالعاسادى. قالا تۇرعىندارى ءالى دە اسا ساق بولۋى، قورعانۋ شارالارىن ويداعىداي ىستەۋى قاجەت.
6 – ايدىڭ 13 – كۇنى بەيجيڭدە جاڭا تيپتى ايدارشا ۆيروس وكپە قابىنۋ ىندەتىنە شالدىقتى دەپ دياگنوز قويىلعانداردىڭ جاڭادان ارتقان سانى 36 ادام بولعان، سودان تارتىپ 6 – ايدىڭ 20 – كۇنىنە دەيىن بەيجيڭ قالاسىندا جاڭادان ارتقان ناۋقاستاردىڭ سانى كۇنىنە باستان – اياق 20 نەشە ادام بولىپ كەلدى. بەيجيڭ قالالىق ۇكىمەتتىڭ اقپار مالىمدەمەشىسى شۇي حىجيان مىنانى ءبىلدىردى: بەيجيڭ قالاسىندا 6 – ايدىڭ 21 – كۇنى جەرگىلىكتى ورىننان جاڭادان ارتقان جاڭا تيپتى ايدارشا ۆيروس وكپە قابىنۋ ىندەتىنە شالدىقتى دەپ تۇراقتاندىرىلعانداردىڭ جالپى سانى ءبىرشاما تومەندەدى، بەيجيڭ قالاسى ىندەتتىڭ تارالۋىنىڭ نەگىزدىك سانىن جانە باستى حاۋىپ – قاتەر تۇيىندەرىن قىسقا ۋاقىت ىشىندە ءساتتى انىقتاپ شىعىپ، ىندەتتىڭ تارالۋ بەتالىسىن تىزگىندەدى، ىندەت جاعدايىنىڭ بارعان سايىن جاقسارا تۇسەتىنى ايقىن بولدى. الايدا، استاناداعى ىندەتتەن ساقتانۋ جانە ونى تىزگىندەۋ جاعدايىنىڭ ءالى دە اۋىر دا كۇردەلى ەكەنىن ايقىن تانىپ جەتۋىمىز كەرەك.
بيىل 2 – ايدا ۋحانعا بارىپ، ىندەتكە توتەپ بەرۋگە قاتىناسقان، ۋحانداعى الەۋمەتتىك اۋماقتاردىڭ ىندەتتەن ساقتانۋ جانە ونى تىزگىندەۋ قىزمەتىنە جاۋاپتى بولعان، جەتەكشلىك ەتكەن مەملەكەتتىك دەنساۋلىق ساقتاۋ – سالاماتتىق كوميتەتى اۋرۋدىڭ الدىن الۋ جانە ونى تىزگىندەۋ ماماندار كوميسسياسىنىڭ مامانى، بەيجيڭ قالاسىنىڭ الەۋمەتتىك اۋماقتاعى دەنساۋلىق ساقتاۋ ىستەرىنە جاۋاپتى باس مامانى ۋ حاۋ مىنانى ءبىلدىردى: بەيجيڭدە ىندەت جاعدايى قازىر مەڭگەرۋگە بولاتىن كۇيدە، «ورنىقتى كەزەڭدە» تۇر، الايدا، بۇل الدا ناۋقاستاردىڭ جاڭادان ارتپايتىنىن بىلدىرمەيدى، نۋكلەين قىشقىلىمەن تەكسەرۋ قاتارلى سارالاۋ – تەكسەرۋ قىزمەتىنىڭ بىرتىندەپ ىلگەرىلەۋىنە بايلانىستى، دياگنوزى تۇراقتانعانداردىڭ سانىنىڭ جاڭادان ارتۋى ءبىر مەزگىلگە دەيىن جالعاسادى، ىندەت جاعدايىن تەك ارتقان سان – سيفرعا قاراپ پارىقتاماۋ كەرەك.
ءتىلشى مىنانى ۇعىستى: 6 – ايدىڭ 13 – كۇنىنەن بەرى، شينفادي تولايىم ساتۋ بازارىندا تۋىلعان شوعىرلى سيپاتتاعى ىندەت جاعدايىنا نەگىزدەلە وتىرىپ، ىندەتتىڭ تارالۋ جولىن دەرەۋ ءۇزۋ ءۇشىن، بەيجيڭ قالاسى كەڭ كولەمدە نۋكلەين قىشقىلىمەن تەكسەرۋدى ورىستەتتى، قازىر ءتۇرلى قىزمەتتەر ورنىقتى ىلگەرىلەتىلۋدە. 6 – ايدىڭ 20 – كۇنى ساعات 6عا دەيىن، 2 ميلليون 297 مىڭ ادام نۋكلەين قىشقىلىمەن تەكسەرىلگەن.
ۋ حاۋ بىلاي دەپ قارادى: جاڭا تيپتى ايدارشا ۆيروس وكپە قابىنۋ ىندەتىمەن ۇزاق ۋاقىت بويى قاتار ءومىر سۇرۋگە دايىندىق جاساۋ كەرەك. «ءىشىنارا جەرلەردە ناۋقاسقا شالدىققانداردىڭ بولماۋى ۆيروستىڭ جوقتىعىن بىلدىرمەيدى، ناۋقاس بەلگىسى بايقالمايتىن جۇعىمدالۋشىلاردىڭ بولۋى دا مۇمكىن». جۇقپالى اۋرۋلاردىڭ تارالۋ زاڭدىلىعى بويىنشا، تەك جۇقپالى اۋرۋدىڭ تارالۋ قاينارىن تىزگىندەپ، تارالۋ تىزبەگىن ۇزگەندە عانا، ناۋقاستار سانى كۇرت تومەندەۋى مۇمكىن. قالا تۇرعىندارى ءالى دە بارىنشا ساق بولۋى، ماسكى تاعىپ ءجۇرۋى، قولدى قايتا – قايتا جۋىپ، ءۇيدىڭ اۋاسىن ءجيى الماستىرىپ تۇرۋى، وتباسى مەن ءۇي ماڭىنداعى ورتانىڭ تازالىعىن ويداعىداي ىستەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
