وسى كوكتەمدە 66 ميلليون 460 مىڭ مۋ جەرگە ورمان وتىرعىزىلدى
436 ميلليون ادام - رەت مىندەتتى اعاش ەگۋگە قاتىناستى
2020.07.14 16:24 كەلۋ قاينارى : حالىق تورابى
«حالىق گازەتى»، 7 - ايدىڭ 13 - كۇنى، بەيجيڭ (ءتىلشى گۋ جۇڭياڭ). ءتىلشىنىڭ مەملەكەتتىك ورمان شارۋاشىلىعى جانە جايىلىم مەكەمەسىنەن ۇعىسۋىنشا، بيىل الدىڭعى جارىم جىلدا مەملەكەتتىك جاسىلداندىرۋ كوميتەتى، مەملەكەتتىك ورمان شارۋاشىلىعى جانە جايىلىم مەكەمەسى جەر - جەردىڭ، تاراۋلاردىڭ دەرت - دەربەزدەن ساقتانۋ جانە ونى تىزگىندەۋ قىزمەتىن ويداعىداي ىستەۋمەن بىرگە، كوكتەمگى ورمان ءوسىرۋ، جاسىلداندىرۋ ىستەرىنە بەلسەنە، ءتارتىپتى ورىستەتۋىنە عىلمي جەتەكشىلىك ەتكەن. 6 - ايدىڭ سوڭىنا دەيىن بۇكىل ەل بويىنشا 66 ميلليون 460 مىڭ مۋ جەرگە ورمان ءوسىرىلىپ، تۇتاس جىلدىق ورمان ءوسىرۋ مىندەتىنىڭ %65.8 ىن ۇستاعان؛ ءتۇيىندى ەكولوگيالىق ينجەنەريالار بويىنشا 30 ميلليون 320 مىڭ مۋ جەرگە ورمان وسىرىلگەن، 13 ميلليون 610 مىڭ مۋ جايىلىم ەكولوگياسىنىڭ قۇرىلىسى ورىندالعان. جالپى 436 ميلليون ادام – رەت مىندەتتى اعاش ەگۋگە قاتىناسىپ، ءبىر ميلليارد 690 ميلليون ءتۇپ اعاش ەگىلگەن.
تانىستىرۋعا قاراعاندا، جيلين، جياڭسۋ، جىجياڭ، فۋجيان، حىنان، گۋاڭشي سياقتى ولكەلەر (رايون) تۇتاس جىلعى ورمان ءوسىرۋ مىندەتىن ورىنداپ بولعان، بەيجيڭ قاتارلى 18 ولكە تۇتاس جىلعى ورمان ءوسىرۋ مىندەتىنىڭ جارىمىنان استامىن ورىنداعان. حۋبەي ولكەسى ىندەت جاعدايىندا ورمان ءوسىرۋ جوسپارىن عىلمي رەتتەپ ورنالاستىرىپ، تۇتاس جىلدا ورمان ءوسىرۋ مىندەتىنىڭ %59.1 ىن ورىنداعان. جەر - جەر ءىس جۇزىندىك جاعدايمەن ۇشتاستىرىپ، كوكتەمگى ورمان ءوسىرۋ، جاسىلداندىرۋ ۇلگىسىندە جاڭالىق اشقان. حىبەي ولكەسى شيۇڭ - ان باقشاسى، تايحاڭ تاۋىن،دا يانشان تاۋىندا جانە توسپالاردا ورمان ءوسىرىپ جاسىلداندىرۋ، بايياڭديان جوعارعى اعارىنداعى كولەمدەنگەن ورمان الاڭى سياقتى ءتۇيىندى ەكولوگيالىق ينجەنەريا قۇرىلىسىن ىلگەرىلەتكەن. نيڭشيا حۋاڭحى نەگىزگى اعارىنىڭ جاسىل ءدالىزى، ەكى جاعالاۋ جەلدەن ساقتانىپ، قۇمدى تىزگىندەۋ ورمانى، سۋ مەن توپىراقتى ساقتايتىن ورمان، كوگال سياقتى كەلەلى ەكولوگيالىق قۇرىلىس نىساندارىن ءتۇيىندى تۇردە جوسپارلاعان. حىنان ولكەسى حۋاڭحى وزەنىنىڭ وڭتۇستىك بولەگىندەگى جاعانى، ورتا، تومەنگى اعارىنداعى ەكولوگيالىق ءدالىز قۇرىلىسىن جاپپاي باستاعان. چۇڭچيڭ مەن سىچۋان سەلبەستىك كەلىسىمىنە قول قويىپ، چاڭجياڭ وزەنىنىڭ ەكى جاعالاۋىنداعى جاسىل تاۋ، ورمان بەلدەۋى سياقتى كوپ ءتۇرلى ەكولوگيانى جونگە سالۋ ينجەنەرياسىن بىرگە اتقارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
