3 جىلدا مەملەكەت بويىنشا ۇلگى كورسەتەتىن 30 - 50 جاياۋلار كوشەسى قالىپتاستىرىلدى
قازىر 11 قالادا وزگەرتۋدى، دارەجەسىن جوعارىلاتۋدى تۇيىندە سىناق ەتۋ ورىستەتىلدى
2020.07.23 16:39 كەلۋ قاينارى : حالىق تورابى
«حالىق گازەتى»، 7 - ايدىڭ 22 - كۇنى، بەيجيڭ (ءتىلشى ۋاڭ كى). ساۋدا مينيسترلىگى 7 - ايدىڭ 22 – كۇنى اشقان جاياۋلار كوشەسىن وزگەرتۋ، دارەجەسىن جوعارىلاتۋ قىزمەتى جونىندەگى ارناۋلى اقپار جاريالاۋ ماجىلىسىندە ساۋدا مينيسترلىگى مينيسترىنىڭ ورىنباسارى ۋاڭ بيڭنان تانىستىرىپ بىلاي دەدى: 3 جىلداي ۋاقىت جۇمساۋ ارقىلى بۇكىل ەل كولەمىندە ورتاسى كوركەم، ساۋداسى گۇلدەنگەن، مادەنيەتى قويۋ، باسقارۋى ارناعا تۇسكەن مەملەكەت بويىنشا ۇلگى كورسەتەتىن 30 - 50 جاياۋلار كوشەسىن قالىپتاستىرۋ جوسپارلانعان بولاتىن.
تانىستىرۋعا قاراعاندا، 2018 – جىلدىڭ سوڭىنان باستاپ ساۋدا مينيسترلىگى 11 قالادا تۇڭعىش توپتاعى جاياۋلار كوشەسىن جاڭالاۋ، دارەجەسىن جوعارىلاتۋ سىناق ءتۇيىنى قىزمەتىن ورىستەتكەن. قازىرگە دەيىن جاڭالاپ سالىنعان جالپى ساۋدا تۇلعاسى 800 مىڭ شارشى مەتردەن اسقان، مۇندا 900 دەن استام ايگىلى ماركا ەنگىزىلىپ، 80 نەن استام جەتەكشى دۇكەن، باس دۇكەن كوبەيتىلگەن، وندا حالىقارالىق بىرەگەي ماركالار دا، كوپتەگەن جۇڭحۋانىڭ كونە ماركالارى مەن جەرگىلىكتى ەرەكشە ماركالارى دا بار، تاۋاردىڭ ساپاسى مەن قىزمەت وتەۋ ورەسى ۇزدىكسىز جوعارىلاعان. سونىمەن بىرگە، «زەردەلى كوشە رايونى» قۇرىلىسى جەدەل ىلگەرىلەتىلىپ، 11 جاياۋلار كوشەسىندە 5G سيگنالى قامتىلىپ، بەت ايىرۋ تەحنيكاسى كەڭ كولەمدە قولدانىلعان، جەلىدە، جەلىدەن تىس جۇمىس ىستەۋ ىشكەرىلەي توعىسىپ، قاريدارلاردىڭ تۇتىنۋى ءتىپتى دە زەردەلى، ءتىپتى دە قولايلى، كوشە رايوندارىنىڭ اينالىمى ءتىپتى دە حاۋىپسىز، ءتىپتى دە ءونىمدى بولعان. 2019 – جىلى 11 جاياۋلار كوشەسىنىڭ جالپى جۇرگىنشىلەر مولشەرى مەن تيجارات سوماسى الدىنداعى جىلدىڭ ۇقساس مەزگىلىندەگىدەن %22.6 جانە %17 ارتقان.
العاشقى توپتاعى جاياۋلار كوشەسىن وزگەرتىپ، دارەجەسىن جوعارىلاتۋدى تۇيىندە سىناق ەتۋ بارىسىندا نانجيڭدەگى فۋزىمياۋ، حاڭجوۋداعى حۋبين كوشەسى، چۇڭچيڭدەگى ازاتتىق ەسكەرتكىشى، چىڭدۋداعى كۋانزاي كوشەسى، شي - ان داتاڭداعى كەشكى بازار سىندى 5 كوشە قامتىلدى، بۇلاردا قىزمەت تەبىنى زور، اياق الىس تەز، ونىمدىلىك جاقسى بولدى. تاياۋدا جەرگىلىكتى ورىننىڭ ءوتىنىش ەتۋىمەن، ءۇشىنشى جاقتىڭ باعالاۋىمەن ساۋدا مينيسترلىگى وسى 5 جاياۋلار كوشەسىننە «مەملەكەت بويىنشا ۇلگى كورسەتەتىن جاياۋلار كوشەسى» دەگەن ات بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
