ەلىمىزدىڭ ەڭ تومەنگى تۇرمىستى قامتاماسىزداندىرۋىنىڭ قامتۋ كولەمى لايىقتى كەڭەيتىلەدى
2020.07.31 16:17 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 29 - كۇنى، بەيجيڭ (ءتىلشى سۇن شاۋلۇڭ). حالىق ىستەرى مينيسترلىگى قوعامدىق قۇتقارۋ كومەك بەرۋ تارماق مەكەمەسى باستىعىنىڭ ورىنباسارى جياڭ ۋەي 7 - ايدىڭ 29 - كۇنى حالىق ىستەرى مينيسترلىگىنىڭ 2020 - جىلعى 3 - توقسانداعى كەزەكتى اقپار جاريالاۋ ماجىلىسىندە بىلاي دەپ تانىستىردى: حالىق ىستەرى مينيسترلىگى مەن قازىنا مينيسترلىگى تاياۋدا «قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋ قىزمەتىن اناعۇرلىم جاقسى ىستەۋ جونىندەگى ۇقتىرۋدى» باسىپ تاراتتى، وندا مىناۋ ورتاعا قويىلدى: قازىرگى ولشەمدە تاباندى بولىپ، ەڭ تومەنگى تۇرمىستى قامتاماسىزداندىرۋ ءتۇزىمىنىڭ ءۇرتىس ورنىقتى اينالىمىنا كەپىلدىك ەتۋ نەگىزىندە، ەڭ تومەنگى تۇرمىستى قامتاماسىزداندىرۋدىڭ قامتۋ كولەمىن لايىقتى كەڭەيتۋ كەرەك.
«تومەن كىرىستى وتباسىلار» قالاي بەلگىلەنەدى؟ ۇقتىرۋدا مىنالار اتاپ كورسەتىلدى: تومەن كىرىستى وتباسىلار دەگەنىمىز وتباسىنىڭ كىسى باسىندىق كىرىسى سول جەردەگى قالا – اۋىل ەڭ تومەنگى تۇرمىسىن قامتاماسىزداندىرۋ ولشەمىنەن جوعارى، ءبىراق ەڭ تومەنگى تۇرمىستى قامتاماسىزداندىرۋ ولشەمىنىڭ 1.5 ەسەسىنەن تومەن، ونىڭ ۇستىنە مال - مۇلكى سول جەردەگى قاتىستى بەلگىلەمەلەرگە ۇيلەسەتىن ەڭ تومەنگى تۇرمىستى قامتاماسىزداندىرۋ ولشەمىنە جۋىق وتباسىلاردى كورسەتەدى.
جياڭ ۋەيدىڭ تانىستىرۋىنشا، تومەن كىرىستى وتباسىلارداعى اۋىر مۇگەدەك ادامدار، اۋىر ناۋقاس ادامدار قاتارلى ەرەكشە قيىنشىلىعى بارلار سول ادامنىڭ ءوتىنىش ەتۋىمەن، «ءبىر جان تۇراتىن وتباسى» ەسەبىندە ەڭ تومەنگى تۇرمىستى قامتاماسىزداندىرۋ كولەمىنە ەنگىزىلسە بولادى ەكەن. سونىمەن بىرگە، ىندەت جاعدايى اۋىر بولعان رايونداردىڭ ەڭ تومەنگى تۇرمىستى قامتاماسىزداندىرۋ شارت - جاعدايىن لايىقتى دارەجەدە كەڭەيتۋىنە بولادى ەكەن.
ۇقتىرۋدا ەرەكشە قيىنشىلىعى بارلاردى تۇراقتاندىرۋ شارتى لايىقتى جەڭىلدەتىلگەن. جياڭ ۋەيدىڭ تانىستىرۋىنشا، ۇقتىرۋدا ەرەكشە قيىنشىلىعى بارلاردى قۇتقارۋ، كۇتىمگە الۋ كولەمىنە ەنگىزىلەتىن ازامات جاسىنا تولماعاندارعا قويىلاتىن شارت 16 جاستان 18 جاسقا كەڭەيتىلگەن، وسىلاي بولعاندىقتان «ءۇشى جوقتار» شارتىنا ۇيلەسەتىن 16 جاستان 18 جاسقا دەيىنگى ازامات جاسىنا تولماعاندار تۇگەلدەي ەرەكشە قيىنشىلىعى بارلارعا كومەك بەرۋ، قارايلاسۋ كولەمىنە ەنگىزىلەدى.
تۇرمىسىندا قيىنشىلىعى بار، قامسىزداندىرۋعا قاتىناسپاعان جۇمىسسىزداردى قۇتقارۋ - سۇيەمەلدەۋدى كۇشەيتۋ دە ۇقتىرۋدىڭ ماڭىزدى مازمۇنى بولعان. ۇقتىرۋدىڭ تالابىنا ساي، ىندەتتىڭ ىقپالىنان قىزمەت، جۇمىس ورنىنا قايتىپ ىستەي المايتىن، ۇدايى 3 اي بويى ەڭبەك كىرىسى بولماعان، تۇرمىس قيىنشىلىعى بار، سونداي - اق جۇمىسسىزداردى قامسىزداندىرۋ ساياساتى قامتي الماعان شارۋا جۇمىسكەرلەر قاتارلى قامسىزداندىرۋعا قاتىناسپاعان جۇمىسسىزدار ەڭ تومەنگى تۇرمىستى قامتاماسىزداندىرۋ كولەمىنە ەنگىزىلمەسە، سول ادامنىڭ ءوتىنىشى بويىنشا، جۇمىس ورنى نەمەسە ۇنەمىلىك تۇراتىن ورنى ءبىر رەتتىك ۋاقىتتىق قۇتقارۋ قاراجاتىن تاراتىپ، ولاردىڭ تۇرمىس قيىنشىلىعىنان وتۋىنە كومەكتەسەدى.
سونىمەن بىرگە، باسقا دا نەگىزگى تۇرمىستا ىندەتتىڭ ىقپالىنا ۇشىراپ، قيىنشىلىق قىسپاعىندا قالعان، قاتىستى قوعامدىق قۇتقارۋ جانە قامتاماسىزداندىرۋ ءتۇزىمى ۋاقىتشا قامتي المايتىن وتباسىلاردى نەمەسە جەكەلەردى جەر - جەر دەر كەزىندە ۋاقىتتىق قۇتقارۋ كولەمىنە ەنگىزۋى كەرەك. تۇرمىستا اۋىر قيىنشىلىققا ۇشىراعاندارعا قاراتا ءبىر ىسكە ءبىر قاۋلى شىعارۋ تاسىلىمەن قۇتقارۋ مولشەرىن جوعارىلاتۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
