جاڭساق تۇسىنبەڭىز! قازىر سيفرلى حالىق اقشاسى ءالى دە «1+4» وڭىرىندە سىناق ەتىلۋدە
شينحۋا اگەنتتىگىنىڭ ءتىلشىسى ۋ يۇي
2020.08.20 11:04 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 15 - كۇنى، بەيجيڭ. ساۋدا مينيسترلىگى تاياۋدا «قىزمەت وتەۋ ساۋداسىن جاڭالىق جاراتا دامىتۋدى تۇيىندە سىناق ەتۋدى جاپپاي تەرەڭدەتۋ جونىندەگى جالپىلىق جوبانى» باسىپ تاراتتى، مۇندا سيفرلى حالىق اقشاسىن تۇيىندە سىناق ەتۋ رايوندارى جاريالاندى: بەيجيڭ - تيانجين - حىبەي وڭىرىندەگى، چاڭجياڭ اتىراۋىنداعى، گۋاڭدۇڭ - شياڭگاڭ - اۋمىن ۇلكەن شىعاناق رايونىنداعى جانە ورتا، باتىس بولەكتەردەگى شارت - جاعداي ازىرلەگەن سىناق رايوندارىندا سيفرلى حالىق اقشاسىن تۇيىندە سىناق ەتۋ ورىستەتىلەدى. ءتىلشىنىڭ 8 - ايدىڭ 15 - كۇنى ۇعىسۋىنشا، قازىر سيفرلى حالىق اقشاسى ءالى دە «1+4» وڭىرىندە سىناق ەتىلەدى ەكەن، الدىمەن شىنجىندە، سۋجوۋدا، شيۇڭ - ان جاڭا رايونىندا، چىڭدۋدا جانە بولاشاقتاعى قىسقى وليمپيادا الاڭىندا ىشكى جاقتان جابىق سىناق ەتۋ جاعدايى وزگەرمەگەن.
قاتىستى قايراتكەرلەر مىنالاردى اتاپ كورسەتتى: توراپتا تارالىپ جۇرگەن بەيجيڭ، تيانجين، شاڭحاي قاتارلى 28 سىناق ءتۇيىنى ءىس جۇزىندە قىزمەت وتەۋ ساۋداسىن جاڭالىق جاراتا دامىتۋدى تۇيىندە سىناق ەتۋدى جاپپاي تەرەڭدەتۋدەگى سىناق تۇيىندەرى سانالادى. شىنجىن، سۋجوۋ، شيۇڭ - ان جاڭا رايونى، چىڭدۋ جەكە - جەكە گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ، چاڭجياڭ اتىراۋىنىڭ، بەيجيڭ - تيانجين - حىبەي ءوڭىرىنىڭ جانە ورتا، باتىس بولەكتەردىڭ ۋاكىلى سانالادى، جۇڭگو حالىق بانكەسى جوعارىداعى 4 جەردە سيفرلى حالىق اقشاسىن تۇيىندە سىناق ەتۋدى ورىستەتۋدە.
سيفرلى حالىق اقشاسى دەگەنىمىز، ءسىرا، نە؟
قازىر كوپتەگەن مەملەكەت زاڭدا بەلگىلەنگەن سيفرلى اقشا جونىندە زەرتتەۋ جۇرگىزۋدە، ءبىراق تەحنيكالىق باعىت، اينالىم جۇيەسى، تاراتۋ جولى جاقتارىندا پارىقتار بار. ەلىمىزدىڭ زاڭدا بەلگىلەنگەن سيفرلى اقشاسىنا توقتالعاندا، جۇڭگو حالىق بانكەسىنىڭ باستىعى ي گاڭ بىلاي دەپ تانىستىردى: حالىق بانكەسى سيفرلى اقشا مەن ەلەكتروندى اقشا تولەۋ قۇرالدارىن ۇشتاستىرىپ، جەلىلەس جوسپار جاسايدى، مۇندا ءبىر ءبولىم ناق اقشانىڭ ورنىن باسۋ نىسانا ەتىلەدى.
اتاپ ايتقاندا، ەلىمىزدىڭ زاڭدا بەلگىلەنگەن سيفرلى اقشاسى قاعاز اقشانىڭ ورنىن باساتىن سيفرلانعان اقشا بولادى، وسىلايشا «حالىق اقشاسىنىڭ سيفرلانۋى» باستالادى. وسىنىڭ الدىندا ورتالىق بانكەسىنىڭ سيفرلى اقشانى زەرتتەۋ ورنىنىڭ باستىعى مۋ چاڭچۇن مىنانى بىلدىرگەن بولاتىن: سيفرلى اقشانىڭ يقۋاتى مەن قاسيەتى قاعاز اقشامەن بۇكىلدەي ۇقساس، پارقى فورماسىنىڭ سيفرلانۋىندا عانا تۇر.
ي گاڭ تانىستىرىپ بىلاي دەدى: قازىر سيفرلى ەكونوميكا دۇنيە ءجۇزى ەكونوميكاسى ارتۋىنىڭ كۇن سايىن ماڭىزدى بولا تۇسكەن قوزعاۋشى كۇشىنە اينالدى. زاڭدا بەلگىلەنگەن سيفرلى اقشانىڭ زەرتتەلۋى جانە قولدانىلۋى الەۋمەتتىڭ سيفرلى ەكونوميكا شارت - جاعدايىندا زاڭدا بەلگىلەنگەن اقشا جونىندەگى قاجەتىن جوعارى ونىمدىلىكپەن قاناعاتتاندىرىپ، بولشەك ساتۋ تولەمىنىڭ قولايلىلىعىن، جالعاندىقتان ساقتانۋ ورەسىن جوعارىلاتۋعا پايدالى، ەلىمىزدىڭ سيفرلى ەكونوميكاسىنىڭ جەدەل دامۋىنا دەم بەرەدى.
سيفىرلى حالىق اقشاسىن قالاي جۇمسايمىز؟
قاعاز اقشانى اركىم جۇمساي الادى، الايدا، اقشا سيفرلانعاننان كەيىن قالاي جۇمسايمىز، بۇل كوپتەگەن ادامدا سيفرلى حالىق اقشاسى جونىندە تاڭدانىس تۋدىرادى.
ءىس جۇزىندە، جىلجىمالى تولەمنىڭ كۇندەلىكتى تۇرمىسىمىزعا تەرەڭ ءسىڭىپ كىرۋىنە بايلانىستى، سيفرلى حالىق اقشاسىنىڭ جۇمسالىم جاعدايى بەيتانىس بولۋدان قالىپ بارادى. مۋ چاڭچۇن كەزىندە سيفرلى حالىق اقشاسىن جۇمساۋ فورماسىن بىلايشا سۋرەتتەگەن بولاتىن: ءسىز ەكەۋىمىزدىڭ قولفوندارىمىزدا سيفرلى حالىق اقشاسىنىڭ اقشا قاپشىعى بولسا بولعانى، توراپقا جالعاۋدى دا قاجەت ەتپەيمىز، قولفوندا توك بولسا بولعانى، ەكى قولفوندى ءبىر - بىرىمەن «سوعىستىرىپ»، بىرەۋىمىزدىڭ سيفرلى اقشا قاپشىعىمىزداعى سيفرلى اقشانى تاعى بىرەۋىمىزگە جوتكەي بەرەمىز.
بۇل قازىرگى «بۇلعاقتاتۋ» سياقتى جاناسپاي تولەۋ تاسىلىنە ۇقساپ قالادى، ءبىراق وزىندىك پارقى بار. سيفرلى حالىق اقشاسى تولەنگەن كەزدە ەشقانداي بانكە ەسەبىمەن ماتاۋدى قاجەت ەتپەۋى مۇمكىن، ال ۋيچات تولەۋىندە، اليپەي (جىفۋباۋ) تولەۋىندە اقشا اۋدارۋدىڭ استارىندا بانكە كارتوچكاسى ماتالىپ تۇرادى.
قاي كەزدە سيفرلى حالىق اقشاسىن جۇمساي الامىز؟
ءتىلشىنىڭ حالىق بانكەسىنەن ۇعىسۋىنشا، قازىر سيفرلى حالىق اقشاسىنا بايلانىستى ورەلى جوبالاۋ، ولشەم جاساۋ، يقۋاتتى زەرتتەپ اشۋ، بىرلەسىپ رەتتەۋ سىناعى سياقتى قىزمەتتەر نەگىزىنەن ورىندالىپ بولعان، الدىمەن شىنجىندە، سۋجوۋدا، شيۇڭ - ان جاڭا رايونىندا، چىڭدۋدا جانە بولاشاقتاعى قىسقى وليمپيادا الاڭىندا ىشكى جاقتان جابىق سىناق جۇرگىزىلمەك. بىلايشا ايتقاندا، ەگەر ءساتتى بولسا، بەيجيڭ 2022 - جىلعى قىسقى وليمپيادا جينالىسىندا سيفرلى حالىق اقشاسى جۇرتشىلىقپەن جۇزدەسۋى مۇمكىن
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
