ەلىمىزدە شيپاگەرلەر قوسىنىنداعى شيپاگەرلەردىڭ جالپى سانى 3 ميلليون 867 مىڭ ادام بولدى
— مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىنەن
2020.08.20 14:48 كەلۋ قاينارى : حالىق تورابى
حالىق گازەتىنىڭ ءتىلشىسى چيۋ چاۋ – يدىڭ 8 – ايدىڭ 19 – كۇنى بەيجيڭنەن بەرگەن حابارى. 8 – ايدىڭ 19 – كۇنى — جۇڭگونىڭ ءۇشىنشى رەتكى شيپاگەرلەر مەرەكەسى، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى سول كۇنى اقپار جاريالاۋ ءماجىلىسىن اشىپ، ەمدەۋ – دەنساۋلىق ساقتاۋ قىزمەتكەرلەرىنىڭ جاڭا تيپتى ايدارشا ۆيروس وكپە قابىنۋ ىندەتىنە توتەپ بەرۋ بارىسىندا اتقارعان رولىن، سونداي – اق، كۇز بەن قىس مەزگىلىندە ىندەتتەن ساقتانۋ – تىزگىندەۋ قىزمەتى قاتارلى جاعدايلاردى تانىستىردى.
مەملەكەتتىك دەنساۋلىق ساقتاۋ جانە سالاماتتىق كوميتەتى شيپاگەرلىك ىستەرىن باسقارۋ مەكەمەسىنىڭ ارناۋلى باقىلاۋشى قىزمەتكەرى گو يانحۇڭ بىلاي دەپ تانىستىردى: شيپاگەرلەر قوسىنى قۇرىلىسى جاعىندا جۋىرداعى جىلداردان بەرى كورنەكتى ناتيجەلەرگە قول جەتكىزىلدى، 2019 – جىلدىڭ سوڭىنا دەيىن، ەلىمىزدە شيپاگەرلەر قوسىنىنداعى شيپاگەرلەردىڭ سانى 3 ميلليون 867 مىڭ ادامعا جەتىپ، 2015 – جىلداعىدان 830 مىڭعا جۋىق ادام ارتتى، ارتۋ مولشەرى %27.2 بولدى. شيپاگەرلەر قوسىنىندا، داشۋەنىڭ تولىق كۋرس ماعلۇماتىنان جوعارى ماعلۇماتتاعى شيپاگەرلەردىڭ سانى %57.4 تى ۇستاپ، 2015 – جىلداعىدان 8 پايىز ارتتى. نەگىزگى ساتىلارداعى شيپاگەرلەر قوسىنى دا قاۋىرت دامىدى، شيپاگەرلەردىڭ سانى ءبىر ميلليون 437 مىڭ ادامعا جەتىپ، 2015 – جىلداعىدان 335 مىڭ ادام ارتىپ، ارتۋ مولشەرى %30.4 بولدى. مۇنان سىرت، ءىشىنارا كەنجە قالعان كاسىپتەردەگى شيپاگەرلەر قوسىنى قۇرىلىسى جاعىندا دا جاقسى ناتيجەلەرگە قول جەتكىزىلدى. بالالار اۋرۋلارى ءبولىمى، پسيحيكالىق اۋرۋلار ءبولىمى قاتارلى دارىندىلارعا ءزارۋ بولىپ وتىرعان كاسىپتەردەگى شيپاگەرلەردىڭ سانى بىرنەشە جىلدان بەرى جەدەل ارتتى، بالالار اۋرۋلارى شيپاگەرلەرىنىڭ سانى بىلتىر 234 مىڭ ادامعا جەتىپ، شيپاگەرلەر قوسىنىنىڭ قابىلەت ورەسى، جالپى تۇلعالىق قۇرىلىمى جانە ورنالاسۋى ورنىقتى تۇردە جوعارىلادى ءارى جاقساردى.
مەملەكەتتىك دەنساۋلىق ساقتاۋ جانە سالاماتتىق كوميتەتى اۋرۋدى تىزگىندەۋ مەكەمەسىنىڭ ارناۋلى باقىلاۋشى قىزمەتكەرى ۋاڭ بين بىلاي دەدى: جاڭا تيپتى ايدارشا ۆيروس وكپە قابىنۋ ىندەتى — جاڭا جۇڭگو قۇرىلعاننان بەرى تۋىلعان تارالۋ قارقىنى ەڭ تەز، جۇعىمدالۋ اۋماعى ەڭ كەڭ، ساقتانۋ – تىزگىندەۋدىڭ قيىندىق دارەجەسى ەڭ زور بولعان، الەۋمەتتىك دەنساۋلىق ساقتاۋ جاعىنداعى ءىرى وقيعا، اۋرۋدى تىزگىندەۋ سالاسىنداعى بارشا قىزمەتكەرلەر ىندەتكە توتەپ بەرۋدىڭ ءبىرىنشى شەبىندە سىناققا توتەپ بەردى.
قازىر، دۇنيە جۇزىندە ىندەت ءالى دە اسقىنىپ وتىر، كۇز بەن قىستاعى ىندەتتەن ساقتانۋ جانە ونى تىزگىندەۋگە باعىتتاي وتىرىپ، قاتىستى تاراۋلار دايىندىق قىزمەتتەرىن قازىردىڭ وزىندە باستاپ كەتتى. جۇڭگو اۋرۋدى تىزگىندەۋ ورتالىعىنىڭ جۇقپالى اۋرۋلاردى زەرتتەۋ عىلىمى سالاسىنداعى باس مامانى ۋ زۇنيوۋ بىلاي دەپ قارادى: جارىم جىلدان استام ۋاقىت ىندەتتى تىزگىندەۋ ءامالياتىن وتكىزگەن سوڭ، ەلىمىزدىڭ ىندەتتى دەر كەزىندە تىزگىندەي الاتىندىعىنا سەنىمىمىز ارتتى.
مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ كەلەسى قادامداعى قىزمەتتى ورنالاستىرۋ جونىندە، ۋاڭ بين بىلاي دەپ تانىستىردى: بىرىنشىدەن، ءتۇرلى ۇدايىلانعان ساقتانۋ – تىزگىندەۋ شارالارىنا تالداۋ جاساپ، كۇز بەن قىس مەزگىلدەرىنىڭ ەرەكشەلىگىمەن ۇشتاستىرا وتىرىپ، ماڭىزدى ورىندارداعى، ماڭىزدى تۇيىندەردەگى ىندەتتەن ساقتانۋ – تىزگىندەۋ جوباسىن ىشكەرىلەي جاساپ شىعۋ قاجەت؛ ەكىنشىدەن، دامۋ – رەفورما كوميتەتى، قازىنا مينيسترلىگى قاتارلى تاراۋلارمەن جالعاستى سەلبەسە وتىرىپ، ىندەتتەن ساقتانۋ جاعىنداعى ەرەكشە مەملەكەتتىك زايوم، ورتالىقتىڭ مەجە ەسەبى كولەمىندەگى قارجىلاندىرۋ قاتارلى قارجىلىق جولداردان پايدالانۋدى ءبىرتۇتاس جوسپارلاپ، نۋكلەين قىشقىلىن تەكسەرۋ قۋاتى قۇرىلىسىن كۇشەيتىپ، ىندەتكە توتەپ بەرۋ ءۇشىن ادام، اسپاپ، توسەك - ورىن، زات قاتارلى جاقتاردا دايىندىقتى كۇشەيتۋ قاجەت؛ ۇشىنشىدەن، قاتىستى تاراۋلار سايكەسە وتىرىپ، جەر – جەردەگىلەردىڭ ىندەتتەن ساقتانۋ – تىزگىندەۋ جەلىسىن مىقتى يگەرىپ، ىندەتتىڭ سىرتتان كىرۋىنەن، ىشكى جاقتا قايتا تارالۋىنان ساقتانۋداعى ءتۇرلى قىزمەتتەردى تيتتەي دە بوساڭسىماستان مىقتى ۇستاۋىنا قۋزاۋ سالىپ ،جەتەكشىلىك ەتۋ قاجەت. قازىر جەر – جەر جوباعا قاتىستى جاتتىعۋ جاساۋ، زاتتاردى تولىقتاۋ جانە كاسىپتىك كۋرستان وتكىزۋ جاعىنداعى دايىندىقتارىن كۇشەيتۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
