مەكەمە اسحانالارى —
ءونىمدى شارالاردى قولدانىپ، ۇزاق مەرزىمدىك ءونىمدى مەحانيزم ورناتۋى كەرەك (ۇنەمشىلدىكتى بۇلجىتپاي اتقارىپ، ىسىراپشىلدىققا قارسى تۇرۋ)
حالىق گازەتىنىڭ ءتىلشىسى جاۋ جانحۇي، كوۋ جياڭزى، حان شين
2020.08.21 14:50 كەلۋ قاينارى : حالىق تورابى
باس شۋجي شي جينپيڭ جۋىردا اس – سۋ جاعىنداعى ىسىراپشىلدىق ارەكەتىن تيۋ جونىندە ماڭىزدى نۇسقاۋ بەرىپ، زاڭ جاساۋدى كۇشەيتىپ، باقىلاۋ – باسقارۋدى كۇشەيتىپ، ءونىمدى شارالاردى قولدانىپ، ۇزاق مەرزىمدىك ءونىمدى مەحانيزم ورناتىپ، اس – سۋ جاعىنداعى ىسىراپشىلدىق ارەكەتتى باتىل تيۋ كەرەك دەپ باسا دارىپتەدى.
مەكەمە اسحانالارى — توپتىق تاماقتاناتىن ماڭىزدى ورىن. قازىر جەر – جەردەگى كاسىپورىندار مەن ءىس ورىندار، جوعارى مەكتەپتەر باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتى تياناقتاندىرىپ، اسحانالارعا رەفورما جۇرگىزۋدى تۇگەل باستاپ كەتتى، ەكونوميكالىق ءتاسىل مەن باسقارۋ جاعىنداعى ءتاسىل ارقىلى جۇمىسشى – قىزمەتكەرلەردى «داستارقانداعى ىسىراپشىلدىقتان» تيىلۋعا جەتەلەۋ جاعىندا ىزدەنىس جاساپ، ىسىراپشىلدىق — نامىس، ۇنەمشىلدىك — داڭق دەيتىن اۋقىمدى قالىپتاستىرۋعا كۇش سالۋدا.
تۇراقتى مولشەر، تيىمدىلىك تۇزىمدەرى ءىشىنارا مەكەمە اسحانالارىندا ىسىراپشىلدىقتىڭ اۋىر بولۋىن تۋدىرۋدا
«اسحانادا جارتى تاقسى قۋىرماش بۇيىرتۋعا كەلمەيدى، تاماقتانعاندا بىرنەشە قۋىرماش جەۋدى ويلايدى دا، ارتىنان جەپ تاۋىسا الماي قالادى»، «ادەيى ىسىراپشىلدىق ىستەمەيمىز، شىنىندا دا، تاماق ءدامسىز، شاراسىزدىقتان تاماق اسىپ قالادى»، «قىزمەتكەرلەرگە بەرىلگەن تيىمدىلىك رەتىندە، مەكەمەمىزدىڭ اسحاناسىندا تاماق باعاسى ارزان، ازداپ ىسىراپ بولسا دا، كوپ اقشا كەتپەيدى دەپ قارايدى دا، ۋاقىت ۇزارا كەلە، ۇنەمشىلدىك تانىمى بارعان سايىن سولعىندايدى»...
اسحانا اشۋداعى ماقسات —قىزمەتكەرلەر، وقۋشىلار قاتارلى توپتاردىڭ تاماقتانۋىنا قولايلىلىق جاراتۋ، الايدا، تىلشىلىك ىستەۋ بارىسىندا تاماقتانۋشىلاردىڭ ايتقاندارى مەكەمە اسحانالارىندا ساقتالىپ وتىرعان ماسەلەلەردى اشىققا شىعاردى.
تاماق قاراجاتى جاعىندا تيىمدىلىك جاساۋ ءتۇزىمى ۇنەمشىلدىك تانىمىن سولعىنداتادى. ءىشىنارا ورىندار مەكەمەنىڭ اسحاناسىنا قوسىمشا قاراجات بەرۋ ارقىلى قىزمەتكەرلەردىڭ تاماقتانۋ جاعىنداعى جۇمسالىمىن تومەندەتەدى، وسىدان بارىپ، ءىشىنارا قىزمەتكەرلەر تاماقتى ىسىراپ ەتۋ وبال دەپ ويلامايتىن بولادى. ورتالىق پارتيا مەكتەبى (مەملەكەتتىك اكىمشىلىك شۋەيۋانى) ەكونوميكا شۋەيۋانىنىڭ دوتسەنتى زوۋ ينان بۇل جونىندە: «مۇنداي تيىمدىلىك جاساپ، قوسىمشا قاراجات بەرۋ ءتۇزىمى ەكونوميكالىق ءتاسىلدىڭ رولىن جويىپ، باعا ارقىلى جونگە سالۋدىڭ رولىن السىرەتەدى»، — دەپ تالداۋ جاسادى.
باسقارۋ ءتۇزىلىسى كەنجە قالعاندىقتان، تاماقتانۋ جاعىنداعى قاجەتتى تولىق قاناعاتتاندىرۋى قيىن. مەكەمە ورىندارىنىڭ قوسىمشا قاراجات بەرۋى جانە كاسىپتەستەرىمەن باسەكەلەسۋدىڭ كەمشىل بولۋى سەبەبىنەن، ءىشىنارا اسحانالاردا تاماقتىڭ ساپاسى ءبىرشاما ناشار بولىپ، قىزمەتكەرلەردىڭ تاماقتىڭ ءدامى، مولشەرى قاتارلىلارعا دەگەن كوپ جاقتىلى، دارالىق ەرەكشەلىككە يە قاجەتتەرىن قاناعاتتاندىرا الماي، ىسىراپشىلدىقتى كەلتىرىپ شىعارادى.
تاماق بۇيىرتۋ فورماسىنىڭ قاراپايىمداستىرىلۋىنان ىسىراپشىلدىق قۇبىلىسى تۋىلۋدا. ءداستۇرلى تاماق بۇيىرتۋ فورماسى بويىنشا، اسحانالاردى باسقارۋشى تاراۋلار ۇزاق ۋاقىت بويى ءار كۇنى تاماقتاناتىن ادام سانىنىڭ ەڭ جوعارى مولشەرىنە قاراي تاماق دايىندايدى، تاماقتاناتىن ادامداردىڭ سانى ەڭ جوعارى مولشەرگە جەتپەگەن كەزدە، تاماقتىڭ اسىپ قالۋ ءجايتى تۋىلادى.
زوۋ ينان بىلاي دەپ تانىستىردى: ءىشىنارا مەكەمە اسحانالارىنىڭ ساناق مالىمەتىنە قاراعاندا، ورتا ەسەپپەن ولاردىڭ كۇندەلىكتى دايىنداعان تاماق تۇرلەرىنىڭ ۇشتەن ءبىر بولىگى ىسىراپ بولادى ەكەن. «اس – سۋ جاعىنداعى ىسىراپشىلدىق سىندى مۇنداي ناشار ستيل ۇنەمشىلدىكتى دارىپتەيتىن ءداستۇرلى ءمورالعا قايشى كەلىپ قانا قويماي، مۇنان دا ماڭىزدىسى، مەملەكەتتىڭ استىق حاۋىپسىزدىگىنە ىقپال ەتەدى». زوۋ ينان بىلاي دەپ قارادى: ەلىمىز استىق ءوندىرىسى جاعىندا جىل سايىن مول ءونىم الىپ كەلە جاتقانىمەن، ۇزاق ۋاقىتتىق جاعدايدان الىپ قاراعاندا، ءالى دە «ءبىرشاما تاپشى كۇيدەگى تەڭگەرىمدىلىك» جاعدايىندا تۇر، ونىڭ ۇستىنە، ىندەتتىڭ ىقپالىنا ۇشىراعاندىقتان، دۇنيە ءجۇزى بويىنشا استىق بازارىنداعى تۇراقسىزدىق ارتۋدا، ءسوزسىز، ۇنەمشىلدىكتى بۇلجىتپاي اتقارۋ كەرەك.
بەيجيڭ قالالىق الەۋمەتتىك ورتانى زەرتتەۋ ورتالىعىنىڭ مەڭگەرۋشىسى ما جۇن: «اس – سۋ جاعىنداعى ىسىراپشىلدىق كوپ مولشەردەگى اسحانا قوقسىقتارىن كەلتىرىپ شىعارىپ، ارتقى شەپتەگى قوقسىقتاردى ءبىر جاقتىلى ەتۋ جۇمىسىنا اسا زور قىسىم ءتۇسىرىپ، ەكولوگيالىق ورتانىڭ حاۋىپسىزدىگىنە قاتەر توندىرۋدە»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
