تەمىر جول سالاسى وسىزاماندانعان قۋاتتى مەملەكەت بولۋعا قادام تاستايىق
نان شي
2020.08.24 14:57 كەلۋ قاينارى : حالىق تورابى
تاعى 15 جىل وتكەننەن كەيىن، جۇڭگو تەمىر جولىنىڭ بەت – بەينەسى قالاي بولادى؟ 200 مىڭ كيلومەتردەن استام بولات ايداعار يرەلەڭدەي ايقاسىپ، تەرىستىكتە شىعىس سولتۇستىك وڭىرگە دەيىن تۇتاسسا، تۇستىكتە كوكوستى ارالعا دەيىن جالعاساتىن، باتىستا قارلى تاۋ مەن قاعىر دالانى ەندەي وتسە، شىعىستا بۋىرقانعان بۇيرا تولقىندى تەڭىز جاعاسىنا دەيىن ۇلاساتىن بولىپ، 200 مىڭنان استام جان سانى بار قالالاردى ءبىر – بىردەن تۇتاستىرىپ، دۇنيە ءجۇزى بويىنشا ەڭ قاربالاس تەمىر جول تاسىمال تورىن قالىپتاستىراتىن بولادى.
دۇنيە ءجۇزى بويىنشا 70مىڭ كيلومەتردەن اساتىن، ەڭ ءىرى جوعارى قارقىندى تەمىر جول تورى ارقىلى، «اسقىن زەردەلى» «فۋشيڭ ءنومىرلى» جۇردەك پويەزى قاتىناپ، ىرگەلەس قالالار شوعىرى مەن ولكە ورتالىعى اراسىندا 3 ساعاتتا جەتىپ بارۋدى، قالالار شوعىرىنىڭ ىشكى بولىمىندەگى ماڭىزدى قالالار اراسىندا 2 ساعاتتا جەتىپ بارۋدى، قالا شەڭبەرى ىشىندە ءبىر ساعاتتا جەتىپ بارۋدى ىسكە اسىرىپ، دۇنيە ءجۇزى بويىنشا ەڭ قولايلى جوعارى قارقىندى تەمىر جول ءجۇرىس – تۇرىس اياسىن قالىپتاستىرادى.
30 مىڭ توننالىق كوتەرىمدىلىكتەگى پويەز «كوپ تيەپ، تەز تاسىمالداۋدى» ىسكە اسىرادى، ساعاتتىق قارقىنى 400 كيلومەترلىك جوعارى قارقىندى تەمىر جول جالعاستى كوش باستايدى، زەردەلى ايالدامالار ىقپال ەتپەيتىن حاۋىپسىزدىك تەكسەرۋىن جۇرگىزىپ، زەردەلى تۇردە جول باستاپ، كەدەرگىسىز ءجۇرىس – تۇرىسقا كەپىلدىك ەتەدى ...
جۋىردا جاريالانعان «جاڭا داۋىردەگى قاتىناس جاعىنداعى قۋاتتى ەلدە تەمىر جولدى باستاماشى ەتۋ جوسپار جوباسىندا»، قاراپايىم جۇڭگولىقتاردىڭ ءجۇرىس – تۇرىس ارمانىن تەمىر جول سالاسىنداعى وسىزاماندانعان قۇدىرەتتى ەل بولۋ شۇعىلالى جوسپارىمەن توعىستىردى. جوسپارعا نەگىزدەلگەندە، 2035 – جىلعا جەتكەندە، ەلىمىز قىزمەت وتەۋى حاۋىپسىز دە ساپالى، قامتاماسىزداندىرۋى مىعىم دا پارمەندى، ناقتى قۋاتى حالىقارالىق وزىق ورەدەگى تەمىر جول سالاسىنداعى وسىزاماندانعان قۋاتتى ەلدى باستاماشىلدىقپەن كوركەيتەدى. ءبىز وسىزاماندانعان تەمىر جول تورىن باستاماشىلدىقپەن قۇرىپ شىعامىز، بۇكىل ەلىمىزدەگى تەمىر جول تورى 200 مىڭ كيلومەتر اينالاسىندا بولادى، مۇندا جوعارى قارقىندى تەمىر جول 70 مىڭ كيلومەتر اينالاسىندا بولىپ، 200 مىڭنان استام جان سانى بار قالالاردى تەمىر جولمەن قامتۋ ىسكە اسىرىلادى، 500 مىڭنان استام جان سانى بار قالالارعا جوعارى قارقىندى تەمىر جول تۇتاستىرىلادى.
تەمىر جول سالاسىنداعى وسىزاماندانعان قۋاتتى ەل بولۋ — تاماشا ءجۇرىس – تۇرىس قاجەتىن قامتاماسىزداندىرۋداعى ماڭىزدى شارا. 1952 – جىلى جاڭا جۇڭگوداعى تۇڭعىش تەمىر جول — چىڭدۋ – چۇڭچيڭ تەمىر جولى تۇتاستىرىلعان كەزدە، چىڭدۋ ساييۋانبا پويەز بەكەتى ادامعا لىق تولىپ، الۋان ءتۇستى جالاۋلار جەلبىرەپ، «ءبىز ۋاقىتپەن جارىسۋىمىز كەرەك» دەگەن ءان ءۇنى اسقاقتاعان بولاتىن. 2008 – جىلى ەلىمىزدەگى تۇڭعىش جوعارى قارقىندى تەمىر جول — بەيجيڭ – تيانجين قالا ارالىق تەمىر جولى ىسكە قوسىلعان كەزدە، جولاۋشىلار ەسكەن سامال سياقتى «جەر بەتىندە ۇشۋعا» مۇمكىندىك العان ەدى ... جۇرتتىڭ قولايلى ءجۇرىس – تۇرىسقا دەگەن تاماشا تىلەگى ءسات سايىن تەمىر جول قۇرىلىسىنىڭ الدىڭعى شەبىندەگىلەردىڭ قادامىنا جەبەۋشى بولدى دەۋگە بولادى. وتە – موتە، جۋىرداعى جىلداردان بەرى، ءوندىرىس دامىدى، قالا – اۋىل تۇرعىندارىنىڭ كىرىس دەڭگەيى ارتتى، ادامدار اناعۇرلىم تىعىز ورنالاستىرىلعان، اناعۇرلىم وسىزاماندانعان تەمىر جول تورىنىڭ اناعۇرلىم جوعارى ونىمدىلىكتەگى، اناعۇرلىم جوعارى ساپالى، اناعۇرلىم ويداعىداي كەپىلدىك ەتىپ قىزمەت وتەۋىن، ءجۇرىس – تۇرىس جاعىنداعى تابىس سەزىمىن، باقىت سەزىمىن جانە حاۋىپسىزدىك سەزىمىن ارتتىرۋدى ءۇمىت ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
