بۇكىل ەلىمىز بويىنشا استىقتى مانەرلەۋ جانە ونى ازىق - تۇلىككە اينالدىرۋ مولشەرى بيىل %88 كە جەتەدى
اتىز بەن سەح اراسى بايلانىستىرىلىپ، ءونىم مولشەرى دە، كىرىس مولشەرى دە ارتتى (استىق حاۋىپسىزدىگىنە نازار – تاماقتى تويا جەۋدەن ءنارلى جەۋگە دەيىن)
حالىق گازەتىنىڭ ءتىلشىسى چاڭ چين
2020.08.25 14:51 كەلۋ قاينارى : حالىق تورابى
جازدىق استىقتى ساتىپ الاتىن مەزگىل كەلىپ، ورتا جازىقتاعى دارقان دالا مول ءونىم شاتتىعىنا شومدى. حىنان ولكەسى يۇڭچىڭ قالاسى شينچياۋ قالاشىعىنداعى استىق ەگەتىن ءىرى وتباسى ليۋ شينچۋان: «ساپالى بيدايعا دەگەن سۇرانىس مول بولىپ، ءبىر ايدىڭ الدىندا، بارلىق ءبيدايدى حۇيفىڭ توبى تۇگەل ساتىپ الدى»، — دەدى اشىق – جارقىن بەينەمەن.
«بولكا پىسىرۋعا قۋاتتى تالشىقتىسى، بۋ نان پىسىرۋعا سوزىلعىش تالشىقتىسى پايدالانىلادى، قازىر ەگىن ەككەندە بۇلاردى پارىقتاي بىلمەسەك قالاي بولادى؟» — دەيدى ليۋ شينچۋان، بيىل ساپالى ءبيداي ينجەنەرياسىنان تالەيى جانىپ، اينالىمداعى 3000 مۋ جەرىنە تۇگەل ساپالى قۋاتتى تالشىقتى ءبيداي — «جاڭا بيداي 26» سورتىن ەگىپ، ءار جىڭىن بازار باعاسىنان 5 تيىن قىمباتقا ساتقان، ەگۋدەن بۇرىن ساتىپ الۋشىنى تاۋىپ قويعان. تۇقىممەن قامداۋدان تارتىپ، تۇقىمدى سەبۋگە دەيىن، باسقارۋدان تارتىپ، ساتۋعا دەيىن، اۋماقتاردى شوعىرلى تۇردە تۇتاستىرىپ، ءبىرتۇتاس ولشەم قولدانىپ، ءار مۋىنان وزىندىك قۇندى ۇنەمدەپ، كىرىس كىرگىزۋ مولشەرى 200 يۋاننان اسقان.
ليۋ چۋانشيننىڭ كوڭىلىن ورنىقتىرعان ءىس، اتىزدان سەحقا دەيىن جالعاستىرىلعان جەلىلەس كاسىپ سالاسىندىق تىزبەك بولاتىن. حۇيفىڭ توبىنىڭ ءوندىرىس جەلىلەرى ءبيدايدى شوشىرە، بولكا، بالكۇلشە قاتارلىلارعا پايدالانىلاتىن ارناۋلى ۇنعا اينالدىرادى. «كاسىپورىن ءبيدايدىڭ ساپالى بولۋىن تىلەيدى»، — دەيدى توپتىڭ جاۋاپتىسى يۋان شيانرۇڭ، «جاڭا بيداي 26» ءبيداي سورتى سۋدا قايناتىپ پىسىراتىن ازىق – تۇلىكتەردى جاساۋعا ۇيلەسەدى، ءدامدى، ءسول شىقپايدى، بۇل ءبيداي سورتىنان وندىرىلگەن شوشىرەلىك، بىقتىرما قاتارلىلارعا ارناۋلى پايدالانىلاتىن ۇن بۇكىل ەلىمىزدەگى توڭازىتىلعان تاماق جاسايتىن 20 نەشە زاۆودقا ساتىلادى.
اۋىل شارۋاشىلىعى جاعىنداعى كوشباسشى كاسىپورىنداردىڭ جۇمىسى «اتىزدان باستالىپ، داستارقانعا جالعاسادى»، ولاردىڭ جۇمىستارىنىڭ ءبىر شەتى اتىزدان باستالىپ، ءبىر شەتى داستارقاندا جالعاسىن تاۋىپ، قامداۋ جاعىنداعى قۇرىلىمدىق رەفورمانى جەبەيدى. «بۇرىن ءبىر اۋىل – قالاشىقتاعى ءبيدايدىڭ سورتى ون نەشە تۇرگە جەتەتىن، ساتىپ الۋشىلاردىڭ پارىقتاۋى قيىن بولاتىن»، — دەيدى يۋان شيانرۇڭ، قازىر سەح پەن كوپەراتيۆ، وتباسىلىق اۋىل شارۋاشىلىق الاڭى تۇراقتى تاپسىرىس فورماسىن قالىپتاستىرعاندىقتان، ەگۋ كولەمىن عىلىمي ورنالاستىرادى، بۇل تاپسىرىستار ءبيدايدى ەگۋدىڭ جاڭا تاسىلدەرىن جارىققا شىعارىپ، كاسىپتىك ەگىنشىلىكتىڭ قامتۋ مولشەرىن 2013 – جىلداعى %5 تەن قازىرگى %39.5 كە جەتكىزدى.
حىناندا «اتىزدان باستالىپ، داستارقانمەن جالعاساتىن»، «اۋىل شارۋاشىلىعىنان باستالىپ، ونەركاسىپپەن ۇشتاساتىن» ءوندىرىس ءتاسىلى جالپىلاسىپ، اۋىل شارۋاشىلىعى ونىمدەرى قۇبىلىپ، ارناۋلى پايدالانىلاتىن ساپالى ءبيداي ەگۋ كولەمى 13 ميلليون 500 مىڭ مۋعا جەتتى. ارناۋلى پايدالانىلاتىن ساپالى ءبيداي ەگۋ جالپى مولشەرى مول، ساپاسى جاقسى، ساپتىق دەڭگەيى جوعارى بولىپ، %90 تەن استامىن سەرىكتەستىكتەر ءونىمدى جيناۋدان بۇرىن تاپسىرىسپەن ساتىپ الادى. «ارناۋلى پايدالانىلاتىن ءبيداي ارناۋلى ەگىلەدى، ارناۋلى ورىلادى، ارناۋلى ساقتالادى، ارناۋلى پايدالانىلادى»، — دەيدى يۇڭچىڭ قالالىق اۋىل شارۋاشىلىعى جانە اۋىل – قىستاق مەكەمەسىنىڭ باستىعى سۇن ليفىڭ، 2017 – جىلدان بەرى، يۇڭچىڭ قالاسى ءبيداي ەگەتىن جەردى كولەمدەندىرىپ، 300 مىڭ مۋ جەرگە قۋاتتى تالشىقتى ءبيدايدى، 300 مىڭ مۋ جەرگە سەلەن قۇرامى مول ءبيداي ەكتى.
كوشباسشى كاسىپورىنداردى كۇشەيتۋ ارقىلى يۇڭچىڭ قالاسى جەرگىلىكتى ورىنداعى ۇن وندىرەتىن 140 نەشە كاسىپورىندى بىرىكتىرىپ، قايتا جاساقتاپ، بەس ءىرى توپ قۇرىپ، بازارداعى تىرەگىن بەكەمدەپ، قۋاتىن ارتتىردى. سونىمەن بىرگە، پايدادان ديقان وتباسىلارمەن ورتاق يگىلىكتەنۋ، حاۋىپ – قاتەرگە ورتاق ورتاق جاۋاپتى بولۋ جاڭا مەحانيزمىن ورناتىپ، ءبىر ميلليون 200 مىڭ مۋدان استام جەردەگى ءبيدايدى ساتىپ الۋعا توقتام جاساسىپ، جىل سايىن ديقانداردى كىرىستەرىن 100 ميلليون يۋان ارتتىرۋعا جەتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
