ءوندىرىس جاقسارۋعا بەت الدى، قامباداعى استىق جەتكىلىكتى، تۇتىنۋ ورنىقتى
بۇكىل ەلىمىز بويىنشا استىق باعاسى نەگىزىنەن ورنىقتى
2020.08.27 14:56 كەلۋ قاينارى : حالىق تورابى
حالىق گازەتىنىڭ ءتىلشىسى گاۋ يۇنسايدىڭ 8 – ايدىڭ 26 – كۇنى بەيجيڭنەن بەرگەن حابارى. ءتىلشىنىڭ اۋىل شارۋاشىلىعى جانە اۋىل – قىستاق مينيسترلىگى اقپارات كەڭسەسىنەن ۇعىسۋىنشا، 7 – ايدا كۇرىش، ءبيداي، جۇگەرى سىندى ءۇش ءتۇرلى استىقتىڭ ساۋدا بازارىنداعى ءجۇز جىڭىنىڭ ورتاشا باعاسى 122.4 يۋان بولىپ، مەرزىمدىك سالىستىرماسى %0.2 ارتقان، سايكەستى مەزگىلدەگىدەن %1.7 ارتقان. اۋىل شارۋاشىلىعى جانە اۋىل – قىستاق مينيسترلىگىنىڭ استىق باعاسىن باقىلاۋىنا جانە بازارداعى قامداۋ – قاجەتسىنۋ جاعدايىن باقىلاي وتىرىپ ساراپتاۋىنا قاراعاندا، بۇكىل ەلىمىزدە استىق باعاسى نەگىزىنەن ورنىقتى بولعان.
— استىق ءوندىرىسى ورنىقتىلىق بارىسىندا جاقسارۋعا بەت الدى
استىق بازارىنىڭ ورنىقتى نەمەسە ورنىقسىز بولۋىنداعى شەشۋشى ءتۇيىن — وندىرىستە. بيىل جازدىق استىق پەن ەرتە پىساتىن كۇرىشتەن مول ءونىم الىندى. مەملەكەتتىك ساناق مەكەمەسىنىڭ ساناعىنا قاراعاندا، بيىل جازدىق استىقتىڭ ءونىم مولشەرى 285 ميلليارد 600 ميلليون جىڭ بولىپ، 2 ميلليارد 420 ميلليون جىڭ ارتقان؛ ەرتە پىساتىن كۇرىشتىڭ ءونىم مولشەرى 54 ميلليارد 600 ميلليون جىڭ بولىپ، 2 ميلليارد 60 ميلليون جىڭ ارتقان، جالعاستى 7 جىل بويى تومەندەگەن سوڭ، ءونىم مولشەرىنىڭ ارتۋى بيىل قالپىنا كەلگەن.
تۇتاس جىل بويىنشا كۇرىش پەن جۇگەرىنىڭ ءونىم مولشەرى نەگىزىنەن كۇزدىك استىقتى جيناعان كەزدە بايقالادى. اۋىل شارۋاشىلىعى جانە اۋىل – قىستاق مينيسترلىگىنىڭ اۋىل شارۋاشىلىعى جاعدايىنا تەكسەرۋ جۇرگىزۋىنە قاراعاندا، بيىل كۇزدىك استىق ەگۋ كولەمى ورنىقتىلىق بارىسىندا ارتقان، ءىشىنارا جەرلەردە قۋاڭشىلىق پەن تاسقىن اپاتى ءبىرشاما اۋىر بولعانىمەن، اپاتتان كەيىنگى ءوندىرىستى قالپىنا كەلتىرۋ دەر كەزىندە، ءونىمدى اتقارىلعاندىقتان، كۇزدىك استىقتىڭ ءوسۋ جاعدايى جالپى جاقتان العاندا جاقسى، استىق ءوندىرىسىنىڭ ورنىقتىلىق بارىسىندا جاقسارۋعا بەت العان جاعدايى وزگەرمەدى. ەگەر الداعى جەردە ءىرى اپات تۋىلماسا، بيىل تاعى دا مول ءونىم الاتىن جىل بولماقشى.
— قامباداعى استىق مولشەرى جەتكىلىكتى بولدى.
قامبادا استىق بولسا، كوڭىل توق بولادى. ەلىمىز استىقتان جىل سايىن مول ءونىم الىپ، قامباداعى استىق مولشەرى جەتكىلىكتى بولدى، كۇرىش، ءبيداي سىندى ەكى ءىرى ىشەر استىقپەن ءوزىن – ءوزى قامداۋ مولشەرى %100 كە جەتتى، ءداندى داقىلدارمەن ءوزىن – ءوزى قامداۋ مولشەرى %95 تەن استام ورەنى ساقتادى. جۋىرداعى جىلداردان بەرى، ەلىمىزدە قامباداعى استىقتىڭ مولشەرى ۇزدىكسىز جوعارى ورەنى ساقتادى، قازىر بۇكىل ەلىمىز بويىنشا كۇرىش پەن ءبيدايدىڭ قامبادا ساقتالعان مولشەرى جالپى جاقتان العاندا قالا مەن اۋىل تۇرعىندارىنىڭ ءبىر جىلدىق تۇتىنۋ مولشەرىمەن قارايلاس، قامباداعى بورميدان پايدالانۋ مولشەرى كۇرت ارتقانىمەن، بازارداعى قامداۋعا كەپىلدىك بەرە الادى. جاڭا تيپتى ايدارششا ۆيروس وكپە قابىنۋ ىندەتى تۋىلعان سوڭ، قاتىستى تاراۋلار زاپاس استىقتاردى بازارعا سالۋ مەن شۇعىل جاعدايدا قامتاماسىزداندىرۋ سيپاتىندىق قامداۋدى دەر كەزىندە كۇشەيتكەندىكتەن، بازارداعى قامداۋ ورنىقتى دا ءتارتىپتى بولىپ، بازاردا استىق جەتكىلىكتى، ماي جەتكىلىكتى بولدى.
بيىل الدىڭعى جارىم جىلداعى ەلىمىزدىڭ استىق بازارىنىڭ اينالىم جاعدايىنان الىپ قاراعاندا، استىق زاپاس قورى جەتكىلىكتى، استىق پەن مايدى مانەرلەپ، ونىمگە اينالدىرۋ جاعىنداعى ءوندىرىس قۋاتىنىڭ ورەسى جوعارى، استىق بازارىن رەتتەۋ – مەڭگەرۋ جانە شۇعىل جاعدايعا توتەپ بەرۋ جاعىندا قامتاماسىزداندىرۋ قۋاتى كۇشتى، ونىڭ ۇستىنە، زات اينالىمى مەن زات جەتكىزۋ جۇيەسى دامىعاندىقتان، ەل ىشىندەگى استىق – ماي ونىمدەرى بازارلارىندا قامداۋ مولشەرى جالعاستى جەتكىلىكتى بولىپ، باعاسى نەگىزىنەن ورنىقتى بولدى.
— استىق تۇتىنۋ جاعدايى ورنىقتى بولدى.
استىق تۇرمىستاعى قاجەتتى ءونىم بولعاندىقتان، تۇتىنۋ جاعدايى سالىستىرمالى تۇردە وزگەرمەيدى، ادەتتە ءبىر – ەكى جىلدا كۇرت ازايمايدى نەمەسە كۇرت ارتپايدى. بيىل ىندەتتىڭ ىقپالىنا ۇشىراعاندىقتان، وتباسىندا استىقتى تۇتىنۋ مولشەرى ارتتى، الايدا، سىرتتا تۇتىنۋ مولشەرى ءبىرشاما ازايدى، تۇتىنۋدىڭ جالپى مولشەرى جاعىندا وزگەرىس زور بولمادى. ىندەتتەن ساقتانۋ جانە ونى تىزگىندەۋ جاعدايى ۇزدىكسىز جاقسارعان سوڭ، جۇگەرىنى مال جەمىنە پايدالانۋ جانە ىشكەرىلەي مانەرلەۋ جاعىنداعى تۇتىنۋدىڭ قالپىنا كەلۋ بەتالىسى ءبىرشاما جاقسى بولدى، الايدا، ءىس جۇزىندىك تۇتىنۋدىڭ ارتۋ مولشەرى دە ءبىرشاما ورنىقتى بولدى.
سوڭعى مەزگىلدەگى بەتالىستان الىپ قاراعاندا، ەلىمىز استىق ءوندىرىسى جاعىندا قامداۋدى تولىق قامتاماسىزداندىرا الادى، ءوزىمىزدى نەگىز ەتە وتىرىپ، استىق باعاسىنىڭ ورنىقتى بولۋىنا كەپىلدىك ەتۋدىڭ نەگىزى ءبىرشاما جاقسى، ونىڭ ۇستىنە، حالىقاراداعى بورمي، سويا بۇرشاق قاتارلى كوپتەگەن جالپىلىق سيپات الاتىن اۋىل شارۋاشىلىعى ونىمدەرىمەن قامداۋ جەتكىلىكتى، باعاسى تومەن دەڭگەيدە، ەل ىشىندەگى استىق باعاسىن كۇرت ارتتىراتىن شارت – جاعداي از، كۇزدىك استىقتان مول ءونىم الىنىپ، ونىڭ بازارعا شىعارىلۋىنا بايلانىستى ەلىمىزدىڭ استىق بازارىنىڭ نەگىزىنەن جالعاستى ورنىقتى بولۋىنان ءۇمىت زور.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
