2 تاراۋ: اۋىلدا تۇراتىن اسكەردەن بوساعان قارت اسكەريلەردىڭ تۇرمىستىق قوسىمشا قاراجات ولشەمى جوعارىلاتىلادى
2020.08.27 16:47 كەلۋ قاينارى : حالىق تورابى
حالىق تورابى، 8 - ايدىڭ 26 - كۇنى، بەيجيڭ. اسكەردەن بوساعان اسكەريلەر ىستەرى مينيسترلىگى، قازىنا مينيسترلىگى تاياۋدا «ءبىر ءبولىم قامقورلىق جاسالاتىن وبيەكتىلەر قاتارلى ادامداردىڭ قامقورلىق جانە تۇرمىستىق كومەك قاراجات ولشەمىن رەتتەۋ جونىندەگى ۇقتىرۋدى» جاريالاپ، جەر – جەردەن «اسكەريلەرگە قامقورلىق جاساۋ ەرەجەسىندەگى» بەلگىلەمەلەر بويىنشا، قارجى ۇسىنىلىمىن ارتتىرىپ، اۋىلداعى اسكەردەن بوساعان ساقا اسكەريلەردىڭ تۇرمىستىق قوسىمشا قاراجات ولشەمىن بارىنشا جوعارىلاتىپ، ولاردىڭ تۇرمىس ورەسىن شىنايى قامتاماسىزداندىرۋدى تالاپ ەتتى. ورتالىق قازىنادان قازىر اتقارىلىپ وتىرعان كومەك قاراجات ولشەمى نەگىزىندە ءار ادامعا ءار ايدا 150 يۋان قوسىلادى.
ۇقتىرۋدىڭ تولىق مازمۇنى تومەندەگىدەي:
اسكەردەن بوساعان اسكەريلەر ىستەرى مينيسترلىگىنىڭ، قازىنا مينيسترلىگىنىڭ ءبىر ءبولىم قامقورلىق جاسالاتىن وبيەكتىلەر قاتارلى ادامداردىڭ قامقورلىق جانە تۇرمىستىق كومەك قاراجات ولشەمىن رەتتەۋ جونىندەگى ۇقتىرۋى
اسكەردەن بوساعان اسكەريلەر ىستەرى مينيسترلىگى [2020] 38 - ءنومىرلى
ولكەلىك (اۆتونوميالى رايوندىق، توتە قاراستى قالالىق) اسكەردەن بوساعان اسكەريلەر ىستەرى مەڭگەرمەلەرىنە (مەكەمە)، قازىنا مەڭگەرمەلەرىنە (مەكەمە)، شينجياڭ ءوندىرىس ـ قۇرىلىس بيڭتۋانىنىڭ اسكەردەن بوساعان اسكەريلەر ىستەرى مەكەمەسىنە، قازىنا مەكەمەسىنە:
زەرتتەۋ ارقىلى 2020 ـ جىلى 8 ـ ايدىڭ 1 ـ كۇنىنەن باستاپ ءبىر ءبولىم قامقورلىق جاسالاتىن وبيەكتىلەر قاتارلى ادامداردىڭ قامقورلىق جانە تۇرمىستىق كومەك قاراجات ولشەمىن رەتكە سالۋدى ۇيعاردىق، قاتىستى ماسەلەلەردى مىناداي ۇقتىرامىز:
1. مۇگەدەك اسكەرلەردىڭ (مۇگەدەك حالىق ساقشىلارىن، مۇگەدەك مەملەكەت ورگاندارىنداعى قىزمەتكەرلەردى، مۇگەدەك حالىق جاساقتارىن، مۇگەدەك حالىق جۇمىسكەرلەرىن قامتيدى) مۇگەدەكتىك قامقورلىق قاراجاتى، قۇرباندار وتباسىسىنداعىلاردىڭ (ۇكىمەت ىسىندە قۇربان بولعان اسكەريلەردىڭ وتباسىسىنداعىلاردى، ناۋقاستان قايتىس بولعان اسكەريلەردىڭ وتباسىسىنداعىلاردى قامتيدى) مەرزىمدى قامقورلىق قاراجاتى، اۋىلداعى قوسىننان شەگىنگەن قىزىل ارميانىڭ ساقا جاۋىنگەرلەرىنىڭ (اۋىلداعى باتىس باعىت ارمياسىنداعى قىزىل ارميانىڭ ساقا جاۋىنگەرلەرىن، قىزىل ارميانىڭ بىتىراپ كەتكەن ادامدارىن قامتيدى) تۇرمىستىق كومەك قاراجاتى ولشەمى جوعارىلاتىلادى، رەتكە سالىنعاننان كەيىنگى ولشەمدى قوسىمشا قۇجاتتان كورىڭىزدەر.
2. جەر - جەر «اسكەريلەرگە قامقورلىق جاساۋ ەرەجەسىندەگى» بەلگىلەمەلەر بويىنشا، ۇسىنىلىمدى ارتتىرىپ، اۋىلدا تۇراتىن ساقا اسكەرلەردىڭ تۇرمىس كومەك ولشەمىن زور كۇشپەن جوعارىلاتىپ، ولاردىڭ تۇرمىس ورەسىن شىنايى قامتاماسىزداندىرۋى كەرەك. ورتالىق قازىنادان قازىر اتقارىلىپ وتىرعان كومەك قاراجات ولشەمى نەگىزىندە ءار ادامعا ءار ايدا 150 يۋان قوسىلادى. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
