بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

مەملەكەت شاپقىنشىلىققا قارسى سوعىستىڭ مەملەكەت دارەجەلى ءۇشىنشى توپتاعى ەسكەرتكىش قۇرىلعىلارىن، جۇرتتاردى جانە جاپون شاپقىنشىلارىنا قارسى سوعىستاعى ايگىلى قاھارماندار مەن باتىرلاردىڭ تىزىمدىگىن جاريالادى

2020.09.04 13:53     كەلۋ قاينارى : حالىق تورابى

  شينحۋا اگەنتتىگىنىڭ 9 – ايدىڭ 3 – كۇنى بەيجيڭنەن بەرگەن حابارى. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسىنىڭ جەڭىسكە جەتكەندىگىنىڭ 75 جىلدىعىن سالتاناتپەن اتاپ ءوتۋ ءۇشىن، ورتالىق كوميتەت پەن مەملەكەتتىك كەڭەستىڭ بەكىتۋى بويىنشا، مەملەكەتتىك كەڭەس ۇقتىرۋ شىعارىپ، شاپقىنشىلىققا قارسى سوعىستىڭ مەملەكەت دارەجەلى ءۇشىنشى توپتاعى 80 ورىنداعى ەسكەرتكىش قۇرىلعىلارى مەن جۇرتتاردىڭ تىزىمدىگىن جاريالادى؛ اسكەردەن شەگىنگەندەرگە قاتىستى ىستەر مينيسترلىگى ۇقتىرۋ شىعارىپ، جاپون شاپقىنشىلارىنا قاتىستى سوعىستاعى قاھارماندار مەن باتىرلاردان ءۇشىنشى توپتاعى 185 ادامنىڭ تىزىمدىگىن جاريالادى.

  جۇڭگو حالقىنىڭ جاپون شاپقىنشىلارىنا قارسى سوعىسى — تاياۋ زاماننان بەرى جۇڭگونىڭ شەتەلدىڭ شاپقىنشىلىعىنا قارسى تۇرۋ بارىسىندا تۇڭعىش رەت بۇكىلدەي جەڭىسكە جەتكەن ۇلت ازاتتىق سوعىسى، بۇل سوعىستا تاياۋ زاماننان بەرى شەتەل شاپقىنشىلىعىنا قارسى تۇرۋ بارىسىندا سوعىس سايىن جەڭىلىپ وتىرعان ۇلتتىق نامىس قايتا تىكتەلدى، ۇلتتى جويىلۋدان قۇتقارىپ، ۇلتتىق تاۋەلسىزدىكتى ىسكە اسىرۋعا جانە حالىقتى ازات ەتۋگە، دۇنيە ءجۇزىنىڭ فاشيزمگە قارسى سوعىسىنىڭ جەڭىسىنە قول جەتكىزۋىنە زور ۇلەس قوسىلدى.

  1931 – جىلعى 18 – قىركۇيەك وقيعاسى جۇڭگو حالقىنىڭ شاپقىنشىلىققا قارسى وڭىرلىك شايقاسىنىڭ شىمىلدىعىن اشقاننان تارتىپ، 1945 – جىلى جاپون شاپقىنشىلارىنا قارسى سوعىستىڭ جەڭىسىنە تولىق قول جەتكىزگەنگە دەيىن، جۇڭگو حالقى جاپون شاپقىنشىلارىنا قارسى سوعىستىڭ تولىق جەڭىسىنە قول جەتكىزىپ، جۇڭگو حالقى مەملەكەتى جويىلىپ، تۇقىمى قۇرۋ حاۋپى تونگەن داعدارىس بارىسىندا، تىزە قوسا جاۋمەن شايقاسىپ، قان توگىپ كۇرەس جۇرگىزىپ، بايتاق دالانى ءدۇر سىلكىندىرگەن باتىرلىق، جەڭىس جىرىن اسقاقتاتىپ، جاپون شاپقىنشىلارىنا قارسى سوعىستاعى ءبىر توپ قاھارماندار جارىققا شىقتى. ولاردىڭ تۇلعاسىنان ايگىلەنگەن دۇنيە ءجۇزىنىڭ كوركەيىپ - گۇلدەنۋىنە جاي حالىقتىڭ دا جاۋاپكەرشىلىگى بار دەيتىن وتانشىلدىق سەزىم، قۇربان بەرۋدەن قورىقپاي، جانقيارلىق كورسەتىپ، باس يمەگەن ۇلتتىق ۇجدان، زۇلىمدىقتان جاسقانباي، قاندى شايقاستى سوڭىنا دەيىن جالعاستىرعان ەرلىك، سانسىزداعان قيىنشىلىقتارعا توتەپ بەرىپ، تاباندىلىق تانىتقان، ءسوزسىز، جەڭىسكە جەتەمىز دەگەن سەنىم — جۇڭگو حالقىنىڭ ماڭگى قاستەرلەيتىن رۋحاني بايلىعى. ولاردىڭ ۇلى ۇلەستەرى كۇن سايىن نۇر شاشىپ، تاريحقا ماڭگىلىك جازىلادى.

  وسى رەت جاريالانعان 80 ورىنداعى مەملەكەت دارەجەلى ەسكەرتكىش قۇرىلعىلار مەن جۇرتتار جەر – جەردىڭ كورسەتۋى مەن جوعارىعا جولداۋى، قوعامنان اشىق تۇردە ۇسىنىس جيناۋ، ماماندار مەن قاتىستى تاراۋلاردىڭ شوعىرلى تۇردە زەرتتەۋى مەن تالقىلاۋى، ناق مايداندا تەكسەرۋ نەگىزىندە سارالانعان، ەسكەرتكىش قۇرىلعىلارى مەن جۇرتتاردىڭ ەسكەرتكىشتىك ماڭىزى، ەسكەرتكىشتىك مازمۇنى، قۇرىلىس كولەمى، قازىرگى ساقتالۋ جاعدايى جانە رولىن ساۋلەلەندىرۋ جاعدايى قاتارلىلار جان – جاقتىلى ويلاستىرىلعان. مۇندا نەگىزىنەن جاپون شاپقىنشىلارىنا قارسى سوعىس كەزىندە تۋىلعان ماڭىزدى شايقاستاردى، جاپون شاپقىنشىلارىنا قارسى سوعىستا كورنەكتى ۇلەس قوسقان ايگىلى قاھارمانداردى، جۇڭگونىڭ شاپقىنشىلىققا قارسى سوعىسىنا كومەكتەسۋ ءۇشىن قۇربان بولعان ايگىلى حالىقارالىق قايراتكەرلەردى ەسكە تۇسىرۋگە ارنالعان ەسكەرتكىش قۇرىلعىلارى مەن جۇرتتار قامتىلادى.

  بۇلاردىڭ كوبى مەملەكەتتىك وتانشىلدىق ءتالىم – تاربيە ۇلگى بازاسى، مەملەكەتتىك ءتۇيىندى مادەني مۇرالاردى قورعاۋ ورنى، مەملەكەت دارەجەلى قاھارماندار ەسكەرتكىش قۇرىلعىسى، مەملەكەتتىك قىزىل ساياحات تانىمالى كورىنىس رايونى، مەملەكەت قورعانىسى ءتالىم – تاربيە ۇلگى بازاسى دەپ جاريالانعان ورىندار. جاپون شاپقىنشىلارىنا قارسى تۇرۋ سوعىسىنداعى ايگىلى قاھارماندار مەن باتىرلاردان 185 ادامدى سارالاۋ بارىسىندا قاھارمانداردىڭ شاپقىنشىلىققا قارسى سوعىستا قوسقان ۇلەستەرى، قۇربان بولۋ جاعدايى جانە قوعامدىق ىقپالى قاتارلىلار جان – جاقتىلى ويلاستىرىلعان. بۇل قاھارماندار جاپون شاپقىنشىلارىنا قارسى ۇلتتىق بىرلىكساپتىڭ ءتۇرلى جاقتارىن قامتىعان، مۇندا جۇڭگو كوممۋنيستىك پارتياسىنىڭ باسشىلىعىنداعى 8 – ارميا، جاڭا 4 – ارميا، وڭتۇستىك جۇڭگو پارتيزاندار اترەتى، شىعىس سولتۇستىكتەگى جاپون شاپقىنشىلارىنا قارسى بىرلەسكەن ارميا مەن جاپون شاپقىنشىلارىنا قارسى باسقا قارۋلى كۇشتەر، گومينداڭنىڭ جاپون شاپقىنشىلارىنا قارسى قولباسشىلارى مەن جاۋىنگەرلەرى، دەموكرات – وتانشىل قايراتكەرلەر جانە جۇڭگوعا كومەكتەسكەن حالىقارالىق قايراتكەرلەر قاتارلى ءتۇرلى توپتاردىڭ ۋاكىلدەرىن قامتيدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار