مول ءونىم شاتتىعىن بىرگە قۇتتىقتاپ، دوڭگەلەك داۋلەتتى قوعامدى بىرگە قارسى الايىق
— ءۇشىنشى كەزەكتى «جۇڭگو ديقاندار مول ءونىم مەرەكەسى» قارساڭىندا
حالىق گازەتىنىڭ شولۋشىسى
2020.09.22 14:33 كەلۋ قاينارى : حالىق تورابى
بيىلعى كۇن مەن ءتۇننىڭ كۇزگى تەڭەلۋى مەزگىلىندە، بۇكىل ەلىمىزدىڭ شار - تارابىندا استىقتان مول ءونىم الىنىپ، جەمىس – جيدەكتىڭ جۇپار ءيىسى اڭقىدى، قالىڭ ديقاندار مول ءونىم شاتتىعىن بىرگە قۇتتىقتاپ، شاتتىقتارىن ورتاقتاستى. ءۇشىنشى كەزەكتى «جۇڭگو ديقاندار مول ءونىم مەرەكەسى» كەلۋ قارساڭىندا، باس شۋجي شي جينپيڭ بۇكىل ەلىمىزدەگى قالىڭ ديقاندار مەن اۋىل شارۋاشىلىعى، اۋىل – قىستاق جانە ديقاندار سالاسى جاعىندا قىزمەت اتقارىپ جاتقان جولداستارعا مەرەكەلىك تىلەك جولدادى ءارى ولاردان شىن ىقىلاسپەن حال سۇرادى. باس شۋجي شي جينپيڭ مىنانى ەركشە اتاپ كورسەتتى: بۇكىل ەلىمىزدەگى قالىڭ ديقاندار مەن نەگىزگى ساتى كادرلارى ىندەتكە قارسى اتتانۋ ۇلى رۋحىن ساۋلەلەندىرىپ، ىندەتتەن ساقتانىپ جانە ونى تىزگىندەۋمەن بىرگە، كوكتەمگى ەگىس جۇمىسىنا كەپىلدىك ەتىپ، ەگىس مەزگىلىن كەشەۋىلدەتپەي، ءوندىرىستى مىقتى ۇستاپ، اپاتقا قارسى اتتانىپ، مول ءونىم الۋدا تاباندى بولىپ، ەكونوميكا مەن قوعامنىڭ جالپى جاعدايىنىڭ ورنىقتى بولۋىنا قۋاتتى تىرەك بولدى.
باس شۋجي شي جينپيڭ مىنانى اتاپ كورسەتتى: ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ اۋىل شارۋاشىلىعى، اۋىل – قىستاق جانە ديقاندار قىزمەتى جونىندەگى كەلەلى باعىتى مەن قىزمەت ورنالاستىرۋلارىن شىنايى تياناقتاندىرىپ، بۇكىل قوعامدا اۋىل شارۋاشىلىعىنا نازار اۋدارۋ، اۋىل – قىستاققا كوڭىل ءبولۋ، ديقانداردى ايالاۋ سىندى اۋقىم قالىپتاستىرىپ، اۋىلداستاردىڭ تۇرمىسىنىڭ كۇننەن – كۇنگە جاقسارۋىنا مۇمكىندىك جاراتۋى كەرەك.
بيىلعى مول ءونىم وڭايلىقپەن قولعا كەلمەدى، توساتتان تۋىلعان جاڭا تيپتى ايدارشا ۆيروس وكپە قابىنۋ ىندەتى، چاڭجياڭ الابىنداعى اۋىر تاسقىن اپاتى قاتارلى ءتيىمسىز ىقپالداردى جەڭىپ، ەلىمىزدە جازدىق استىقتىڭ ءونىم مولشەرى تاريحي رەكورتى جاڭالادى، ەرتە پىساتىن كۇرىشتىڭ ءونىم مولشەرىن ارتتىرۋ ورىندالدى، قازىر كۇزدىك استىقتان مول ءونىم الۋعا كۇش سالىنۋدا. اۋىل شارۋاشىلىعىنىڭ نەگىزى ورنىقتى بولسا، دامۋ تەبىنى جەتكىلىكتى بولادى. حاۋىپ – قاتەر مەن سىناققا ءدوپ كەلگەن ساتتە، ەلىمىز دامۋىنىڭ توزىمدىلىك قۋاتى، قوعامنىڭ جالپى جاعدايى ورنىقتى بولدى، بۇل جاعىندا استىق جانە باستى اۋىل شارۋاشىلىعى قوسىمشا ونىمدەرىمەن قامداۋدىڭ ورنىقتى بولۋىنىڭ ۇلەسى زور. ءاماليات مىنانى تولىق ايگىلەدى: ءبىز سياقتى ءبىر ميلليارد 400 ميلليون جان سانى بار مەملەكەت جونىنەن العاندا، اۋىل شارۋاشىلىعىنىڭ نەگىزدىك ورنىنا ءارقانداي ۋاقىتتا دا نەمقۇرايدى قاراۋعا جانە ونى السىرەتۋگە بولمايدى، قامباڭدا استىق بولسا، كوڭىلىڭ توق جۇرەدى دەگەن ءسوز قاي – قاشان دا اقيقات. جاعداي قيىنداسقان سايىن، اۋىل شارۋاشىلىعىنىڭ نەگىزگى جاعدايىن ونان ارى بەكەمدەۋ، اۋىل شارۋاشىلىعى، اۋىل – قىستاق جانە ديقانداردىڭ تياناقتىق رولىن اناعۇرلىم ساۋلەلەندىرۋ كەرەك.
پارتيا 18 – قۇرىلتايىنان بەرى، باس شۋجي شي جينپيڭ اۋىل شارۋاشىلىعى، اۋىل – قىستاق جانە ديقاندار قىزمەتى سىندى مەملەكەت جوسپارى مەن حالىق تۇرمىسىنا ساياتىن ءتۇبىرلى ماسەلەگە باستان – اياق وسكەلەڭ ءمان بەرىپ كەلەدى، «جۇڭگونى قۇدىرەتتەندىرۋ ءۇشىن، اۋىل شارۋاشىلىعىن، ءسوزسىز، قۇدىرەتتەندىرۋ كەرەك؛ جۇڭگونى كورىكتەندىرۋ ءۇشىن، اۋىل – قىستاقتى، ءسوزسىز، كورىكتەندىرۋ كەرەك؛ جۇڭگونى بايىتۋ ءۇشىن، ديقانداردى، ءسوزسىز، بايىتۋ كەرەك» دەپ باسا دارىپتەۋدەن، «ءارقانداي ساتتە دە اۋىل شارۋاشىلىعىن ەسكەرۋسىز قالدىرماۋ، ديقانداردى ۇمىتپاۋ، اۋىل – قىستاققا سەلقوس قاراماۋ كەرەك» دەپ تالاپ قويعانعا دەيىن، اۋىل شارۋاشىلىعى، اۋىل – قىستاق جانە ديقاندار قىزمەتىنىڭ توتەنشە ماڭىزدى نەگىزدىك ورنى اناعۇرلىم كورنەكتىلەندىرىلدى. شي جينپيڭ جولداستى ۇيتكى ەتكەن پارتيا ورتالىق كوميتەتىنىڭ پارمەندى باسشىلىعىندا، اۋىل شارۋاشىلىعى مەن اۋىل – قىستاقتىڭ دامۋى تاريحي ناتيجەلەرگە قول جەتكىزىپ، تاريحي وزگەرىستەر تۋىلدى، پارتيا مەن مەملەكەت ىستەرىندە جاپپاي جاڭا جاعداي جاراتۋعا بەرىك نەگىز قالاندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
