جۇڭگونىڭ ءشولدى تىزگىندەپ، جاسىلداندىرۋ ءتاسىلى حالىقارالىق ساحنادا تانىستىرىلدى
2020.09.30 15:41 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 28 - كۇنى، كوكحوت.
تاقىرىبى: جۇڭگونىڭ ءشولدى تىزگىندەپ، جاسىلداندىرۋ ءتاسىلى حالىقارالىق ساحنادا تانىستىرىلدى
شينحۋا اگەنتتىگىنىڭ ءتىلشىسى جاۋ زىحۇي
ىشكى موڭعۇل اۆتونوميالى رايونى وردوس قالاسى حاڭجين دۇگۇيتالا قالاشىعى تۇگىرىك گاشاسىندا مىناداي ءبىر جول بار، جولدىڭ تۇستىگىندە سارى قۇمداۋىت كوسىلىپ جاتىر، جولدىڭ تەرىستىگىندەگى كۇن ەنەرگياسى تاقتالارى كۇن نۇرىمەن شاعىلىسىپ، بەينە، كوك تەڭىز سياقتى ەلەستەيدى، كۇن ەنەرگياسى تاقتالارىنىڭ استىنا قىزىل ميا جانە جۇگەرى ەگىلگەن، جاقىنداپ بارساڭىز، وندا باعىلىپ جاتقان ءۇي قۇستارىنىڭ داۋىسىن ەستي الاسىز.
بۇل − كوپشى شولىندەگى ەكولوگيالىق كۇن نۇرى ەنەرگياسىنان پايدالانىپ ەلەكتر تاراتۋدان ۋنيۆەرسال ۇلگى كورسەتۋ نىسانىنىڭ ءبىر كورىنىسى، بۇل نىسان كوپشى ءشولدى جونگە سالۋ ۇلگىسىنىڭ ىقشام كورىنىسى سانالادى. جۇڭگو ۇكىمەتتىڭ ساياساتتىق قولداۋى، كاسىپورىنداردىڭ كاسىپ سالالاندىرىپ قارجى قوسۋى، ەگىنشى - مالشىلاردىڭ بازارلاندىرۋ ۇلگىسى بويىنشا بويىنشا ات سالىسۋى جانە تەحنيكادا ۇلاسپالى جاڭالىق جاراتۋ سىندى ءتورت بىردەي قوزعاۋشى كۇشتى ىسكە قوسىپ، جالپى 6 مىڭ شارشى كيلومەتردەن استام ءشولدى جونگە سالىپ، جەرگىلىكتى ورىنداعى 100 مىڭنان استام تۇرعىندى كەدەيلىكتەن ارىلۋعا جەتەكتەدى، ءبىر جاعىنان، ەكولوگيالىق ورتانى جاقسارتىپ، ءبىر جاعىنان، كىرىستى ارتتىردى، ءبىر جاعىنان، ءشولدى جونگە سالىپ، ءبىر جاعىنان، كەدەيلىكتى جويدى، ءشولدى تىزگىندەپ، جاسىلداندىرۋدىڭ جاڭاشا ءتاسىلىن قالىپتاستىردى.
كوپ جىلدان بەرى ب م ۇ - نىڭ قورشاعان ورتا مەكەمەسى، «ب م ۇ شولەيتتەنۋدەن ساقتانۋ جانە ونى تىزگىندەۋ شارتى» حاتشىلار باسقارماسى جۇڭگونىڭ كوپشى ءشولدى جونگە سالۋ ۇلگىسىن بۇكىل دۇنيە جۇزىنە جالپىلاستىردى، سونداي - اق شولەيتتەنۋدى جونگە سالۋ دارىندىلارىنىڭ اۋىس - كۇيىسى مەن سەلبەستىگىن ىلگەرىلەتىپ، ەكولوگيانى جونگە سالۋ تەحنيكاسىنان بىرگە يگىلىكتەنۋدى جەبەدى.
2013 - جىلى 9 - ايدا «ب م ۇ شولەيتتەنۋدەن ساقتانۋ جانە ونى تىزگىندەۋ شارتىنىڭ» 11 - رەتكى شارت جاساسۋشى جاقتار ماجىلىسىندە كوپشى حالىقارالىق ءشول فورۋمى بۇكىل دۇنيە ءجۇزى بويىنشا شولەيتتەنۋدەن ساقتانۋ جانە ونى تىزگىندەۋ شارتىنىڭ ستراتەگيالىق نىساناسىن جۇزەگە اسىرۋدىڭ ماڭىزدى ءتاسىلى جانە تەكشەسى رەتىندە ءماجىلىستىڭ قاۋلىسىنا ەنگىزىلدى. 2013 - جىلدان باستاپ ب م ۇ - نىڭ قورشاعان ورتا مەكەمەسى، «ب م ۇ شولەيتتەنۋدەن ساقتانۋ جانە ونى تىزگىندەۋ شارتى» حاتشىلار باسقارماسى ءۇرتىس 3 كەزەك كوپشى حالىقارالىق ءشول فورۋمىن وتكىزۋگە قاتىناستى.
2019 - جىلى 7 - ايدا ب م ۇ - نىڭ باس حاتشىسى گۋتتەرەس 7 - كەزەكتى كوپشى حالىقارالىق فورۋمىنا قۇتتىقتاۋ حاتىن جولداپ، جۇڭگونىڭ دۇنيە ءجۇزىنىڭ ەكولوگيالىق ورتاسىن جونگە سالۋعا قوسقان ۇلەسىن القاپ، كوپشى ۇلگىسى ادامزاتتىڭ بولاشاقتاعى ەكولوگيالىق ماسەلە مەن كەدەيلىك ماسەلەسىن شەشۋىنە ۇلگى بولا الاتىنىن اتاپ كورسەتتى.
«ب م ۇ شولەيتتەنۋدەن ساقتانۋ جانە ونى تىزگىندەۋ شارتى» حاتشىلار باسقارماسىنىڭ اتقارۋشى حاتشىسى يبىراحين تيو 7 - كەزەكتى كوپشى حالىقارالىق ءشول فورۋمىندا شينحۋا اگەنتتىگى ءتىلشىسىنىڭ تىلشىلىگىن قابىلداعاندا مىنانى ءبىلدىردى: كوپشى ۇلگىسىندە تابىسقا جەتۋدىڭ سەبەبى، ۇكىمەت، كاسىپورىن مەن ەگىنشى - مالشىلار تاماشا قاتىناس ورناتقان. ول بىلاي دەدى: «مەن دۇنيە جۇزىندەگى ءشولدى جونگە سالۋعا قاتىستى كوپتەگەن نىساندى ەكسكۋرسيالاعانمىن، كوپشى ۇلگىسىنىڭ وزىندىك ەرەكشەلىگى بار».
ب م ۇ – نىڭ «دۇنيە ءجۇزى بويىنشا ءشولدى جونگە سالۋ باسشىلار سيلىعىن» العان ي - لي توبىنىڭ باس القاسى ۋاڭ ۋىنبياۋ «ب م ۇ شولەيتتەنۋدەن ساقتانۋ جانە ونى تىزگىندەۋ شارتىنىڭ» شارت جاساسۋشى جاقتار ءماجىلىسىنىڭ مىنبەسىنە 4 رەت شىققان بولاتىن. ول مىنانى ءبىلدىردى: ب م ۇ قۇرعان اۋىس - كۇيىس تەكشەسى ارقىلى كوپشى ۇلگىسىنىڭ تابىستى تاجىريبەلەرىن، ناتيجەلەرىن جانە تەحنيكالارىن دۇنيە جۇزىندەگى شولەيتتەنگەن وڭىرلەرمەن ءبولىسىپ، «ءبىر بەلدەۋ، ءبىر جول» بويىنداعى ەلدەردىڭ جاسىل دامۋى مەن ەكولوگيالىق عىلىم - تەحنيكادا جاڭالىق جاراتۋىن ىشكەرىلەي ىلگەرىلەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
